ကြိုဆိုပါသည်

Together သည် - လူနာများနှင့် မိဘများ၊ မိသားစုဝင်များနှင့် သူငယ်ချင်းများအပါအဝင် - ကလေးကင်ဆာကြောင့် ထိခိုက်မှုရှိသူတိုင်းအတွက် ရင်းမြစ်အသစ်တစ်ခု ဖြစ်ပါသည်။

ပိုမိုလေ့လာရန်

သွေးပြန်ကြောအတွင်းသို့ အပ်သွင်းခြင်း

IV ဆိုတာဘာလဲ။

IV ဆိုသည်မှာ သွေးပြန်ကြောပိုက် (သွေးပြန်ကြော၏အတွင်း) ဖြစ်ပါသည်။

IV သည် အရည်ဝင်ထွက်ပိုက်ဟုခေါ်သည့် ပြွန်အသေးစားတစ်ခုဖြစ်သည်။ ၎င်းကို သွေးပြန်ကြောအတွင်းသို့ ထည့်သွင်းသည်။ IV ၏ အရွယ်အစားသည် ဖျော်ရည်သောက်ပိုက် အသေးစား သို့မဟုတ် ကော်ဖီမွှေပိုက်လောက်သာ ရှိသည်။

ကင်ဆာဝေဒနာသည် ကလေးများသည် IV ကို အကြောင်းအမျိုးမျိုးကြောင့် လိုအပ်နိုင်သည်။ သွေးပြန်ကြောမှတစ်ဆင့် အရည်များ၊ ဆေးများ နှင့်/သို့မဟုတ် အာဟာရဓာတ်များကို ခန္ဓာကိုယ်တွင်းသို့ သွင်းရာတွင် ၎င်းကို အသုံးပြုနိုင်သည်။ ဓာတ်ခွဲစမ်းသပ်မှုများအတွက် လိုအပ်သောသွေးကို ဖောက်ယူရာတွင် IV ကို အသုံးပြုနိုင်သည်။

လူနာတွင် IV ထည့်ထားပါက သူ/သူမသည် သွေးပြန်ကြောအတွင်းသို့ ထည့်သွင်းကုသမှု လိုအပ်သည့်အခါတိုင်း သို့မဟုတ် သွေနမူနာများ ထုတ်ယူရသည့်အခါတိုင်း အပ်ကိုထိုးသွင်းရန် မလိုအပ်တော့ပေ။ IV များကို 3-4 ရက်ကြာသည်အထိ ထိုးထည့်ထားနိုင်သည်။

ကီမိုဆေးသွင်းကုထုံး သို့မဟုတ် အခြားကုသရေးလုပ်ငန်းစဉ်များအရ အချိန်တော်တော်ကြာသည်အထိ သွေးပြန်ကြောများအား အသုံးပြုရန် လိုအပ်သော လူနာများသည် ဗဟိုအာရုံကြောသို့ ရောက်ရှိနိုင်သည့် စက်ပစ္စည်းများကို အသုံးပြုလေ့ရှိသည်။ ၎င်းတို့ကို ခန္ဓာကိုယ်အတွင်း ရက်အနည်းငယ်ကြာ ထည့်သွင်းထားနိုင်စေရန် ဖန်တီးထားပါသည်။ သို့သော်လည်း ထိုစက်ပစ္စည်းများ တပ်ဆင်ထားသော လူနာများသည်ပင် အချို့အရည်များကို ထိုးသွင်းရန် IV ထိုးထားရန် လိုအပ်နိုင်သည်။ ဥပမာ ဓာတ်မှန်ကွန်ပျူတာသုံး ကိုယ်တွင်းဓာတ်မှန် (CT) စကန်များ သို့မဟုတ် သံလိုက်ဓာတ်သုံး ပုံဖော်နည်း (MRI) တို့ကဲ့သို့ ပုံရိပ်ဖော်၍ ရောဂါရှာဖွေနည်းများကို အသုံးပြုသည့်အခါ ခန္ဓာကိုယ်ကို ဖောက်ထွင်းမြင်နိုင်မည့် ဆေးကို ထိုးသွင်းရန်အတွက် IV ကို လိုအပ်နိုင်သည်။

IV ထည့်ရန် ပြင်ဆင်ခြင်း

လုပ်ထုံးလုပ်နည်းမစမီ လူနာများသည် တစ်ခါတစ်ရံတွင် ဆေးရုံဝတ်ရုံကို ပြောင်းဝတ်ရန် လိုအပ်သည်။

IV ကို အပ်အသေးစားတစ်ခုသုံး၍ ထိုးသွင်းသည်။ IV ပြွန်နေရာတကျဖြစ်သွားပါက အပ်ကို ဖယ်ရှားသည်။

IV ကို ထည့်သွင်းသည့်အခါ အပ်ဖြင့် ထိုးထည့်ရသည့်အတွက် လူနာသည့် နာကျင်မှုအနည်းငယ် ခံစားရပါမည်။ အချို့ကလေးများသည် အပ်များကို ကြောက်သည်။

တစ်ခါတစ်ရံတွင် IV ထည့်ပေးသည့် ဆရာဝန်က IV ထည့်သွင်းမည့်နေရာကို ထုံသွားစေရန် လီဒိုကိန်း ကဲ့သို့ ဆေးဝါးတစ်မျိုးကို သုတ်လိမ်းပေးနိုင်သည်။ လူနာသည် အရေပြားအတွင်းသို့ အပ်ဝင်သွားသည့် ဖိအားကိုမူ ခံစားရပါမည်။ သို့သော် ဆေးကြောင့် နာကျင်မှု မရှိနိုင်ပေ။

လိမ်းသော ထုံဆေးသည် အနှစ်ပုံစံ ရှိသည်။ လုပ်ထုံးလုပ်နည်းမစမီ ထိုးမသွင်းမီ မိနစ် ၃၀ မှ ၆၀ မိနစ်ကြိုတင်၍ ထုံဆေးပေးပြီး အရေပြား ထုံသွားအောင် စောင့်ရပါမည်။ တခြားနေရာသို့ အနှစ်များ ရောက်မသွားစေရန် အပေါ်တွင် ပလတ်စတစ်အုပ်မည်ဖြစ်သည်။ IV ထည့်သွင်းမည့်အခါတွင်၎င်းကို ဖယ်ရှားပါမည်။

နောက်တစ်နည်းမှာ J-TIP® ကဲ့သို့ အပ်မပါသော စက်ပစ္စည်းဖြစ်သည်။ ထိုစက်ပစ္စည်းသည် အသုံးများသောထုံဆေးကို အရေပြားပေါ်တွင် လျင်မြန်စွာဖြန်းရန် ဖိအားမြင့်အငွေ့ကို သုံးသည်။ ၎င်းသည် ဆိုဒါဘူးဖွင့်သည့်အသံနှင့်ပုံစံတူသည့် လေလျှော့သံ သို့မဟုတ် ပုလင်းအဖုံးဖွင့်သံကို ဖြစ်စေသည်။ ၎င်းသည် မိနစ်ပိုင်းအတွင်း ထုံစေသည်။

အပ်စိုက်လိုက်သည့်အခါ လူနာများ နာကျင်မှု သက်သာစေရန် အခြား နည်းလမ်းများကို အသုံးပြုနိုင်ပါသည်။ IV ထိုးထည့်ရန် လုပ်ဆောင်နေစဉ် လူနာများက ကလေးအထူးကု ကို အနားတွင် ရှိနေစေလိုသည့် ဆန္ဒဖြစ်ပေါ်နိုင်သည်။ ကလေး ဘဝအထူးကျွမ်းကျင်သူများသည် ဆေးဘက်ဆိုင်ရာ လုပ်ငန်းစဉ်များကို ကလေးနှင့် ဆယ်ကျော်သက်များအား ရှင်းပြရန်နှင့် ဤအခြေအနေများကို ရင်ဆိုင်ရာတွင် အကူအညီပေးရန် သင်တန်းဆင်းထားသူများဖြစ်သည်။

နာကျင်မှုကို သက်သာစေနိုင်သည့် နည်းလမ်းတစ်ခုမှာအာရုံလွှဲခြင်းဖြစ်သည်. လူနာ၏အာရုံကို အပ်တွင်မရှိစေရန် လုပ်ဆောင်သည်။ လူနာများသည် တစ်ယောက်ယောက်ကို စကားပြောနိုင်သည် သို့မဟုတ် ၎င်းတို့အား စာဖတ်ပြနေသည်ကို နားထောင်နိုင်သည်။ ၎င်းတို့သည် တဘ်ဘလက်ဖြင့် ဗီဒီယိုကြည့်နိုင်သည် သို့မဟုတ် သီချင်းနားထောင်နိုင်သည်။ အသက်ငယ်သော လူနာများသည် လုပ်ငန်းစဉ်အတွင်း မိဘများကို ဖက်ထားပေးစေလိုသည်။

စိတ်လျှော့ထားခြင်းသည် နောက်တစ်နည်းဖြစ်သည်။ အသက်ပြင်းပြင်းရှူခြင်း၊ ဆပ်ပြာပူဖောင်းကို ကြည့်ခြင်း သို့မဟုတ် စိတ်ငြိမ်စေသော ဂီတ သို့မဟုတ် သဘာဝအသံများကို နားထောင်ခြင်းဖြင့် စိတ်ကို လျှော့ထားနိုင်သည်။ ကလေး ဘဝအထူးကျွမ်းကျင်သူများသို့မဟုတ် မိဘများသည် ပုံဖော်စဉ်းစားသည့် ကစားနည်းတစ်မျိုးကို အသုံးပြုနိုင်သည်။ ဤသို့ ပုံဖော် စဉ်းစားပေးသည့် ကစားနည်းကို အသုံးပြုခြင်းဖြင့် လူနာသည်ကြည်နူးဖွယ်အတွေ့အကြုံ၏ အသေးစိတ်အချက်များ (အရောင်၊ အသံ၊ အနံ့၊ အရသာ၊ ခံစားမှုတို့) အပေါ် အာရုံစိုက်မိသွားသည်။

အချို့ကလေးဆေးရုံများသည် Buzzy® ကဲ့သို့ နာကျင်မှုလျှော့ချသည့်ပစ္စည်းများကို အသုံးပြုသည်။ Buzzy® သည် နာကျင်မှုခံစားရခြင်းကိုတားဆီးရန် တုန်ခါမှုကို အသုံးပြုသည်။

IV ထိုးထည့်ခြင်း

သူနာပြုသည် IV ထည့်ရန်အတွက် အကောင်းဆုံး သွေးပြန်ကြောကိုရှာရန် သွေးထိန်းပတ်ကိုစည်းပြီး ဖိသည်။ သူနာပြုသည် IV ထည့်မည့်နေရာကို သန့်ရှင်းရေးလုပ်သည်။

သူနာပြုသည် IV ထည့်ရန်အတွက် အကောင်းဆုံး သွေးပြန်ကြောကိုရှာရန် သွေးထိန်းပတ်ကိုစည်းပြီး ဖိသည်။ သူနာပြုသည် IV ထည့်မည့်နေရာကို သန့်ရှင်းရေးလုပ်သည်။

အကူတစ်ယောက်က လူနာ၏လက်ကို ငြိမ်အောင်ကိုင်ထားစဉ်တွင် အခြားသူနာပြုက လူနာ၏လက်အတွင်းသို့ အပ်ကိုထိုးသွင်းသည်။

အကူတစ်ယောက်က လူနာ၏လက်ကို ငြိမ်အောင်ကိုင်ထားစဉ်တွင် အခြားသူနာပြုက လူနာ၏လက်အတွင်းသို့ အပ်ကိုထိုးသွင်းသည်။

အပ်ကို IV ပြွန်နှင့် ပြန်ချိတ်လိုက်သည်။ ပြွန် နေရာကျသွားသည့်အခါ သူနာပြုက အပ်ကို ဖြုတ်လိုက်ပါသည်။

အပ်ကို IV ပြွန်နှင့် ပြန်ချိတ်လိုက်သည်။ ပြွန် နေရာကျသွားသည့်အခါ သူနာပြုက အပ်ကို ဖြုတ်လိုက်ပါသည်။

IV ကို နေရာတကျဖြစ်စေရန် တိပ်နှင့်ကပ်သည်။ IV ကိုကာကွယ်ရန် ပတ်တီး သို့မဟုတ် ပလတ်စတစ်အဖုံးကို အသုံးပြုနိုင်သည်။

IV ကို နေရာတကျဖြစ်စေရန် တိပ်နှင့်ကပ်သည်။ IV ကိုကာကွယ်ရန် ပတ်တီး သို့မဟုတ် ပလတ်စတစ်အဖုံးကို အသုံးပြုနိုင်သည်။

IV ပုံမှန်အလုပ်လုပ်ခြင်း ရှိ၊ မရှိ သူနာပြုက စစ်ဆေးသည်။

IV ပုံမှန်အလုပ်လုပ်ခြင်း ရှိ၊ မရှိ သူနာပြုက စစ်ဆေးသည်။

IV ကို အသုံးပြုနိုင်ပြီဖြစ်သည်။

IV ကို အသုံးပြုနိုင်ပြီဖြစ်သည်။

  • လူနာသည် အသင့်ဖြစ်ပြီဆိုပါက လုပ်ဆောင်ပေးသူအတွက် ပထမဆုံး အဆင့်မှာ IV ကို လက်ခံနိုင်သော သွေးပြန်ကြောကို ရှာရန်ဖြစ်သည်။
  • ပုံမှန်အားဖြင့် လက်ဖမိုး အရေပြားအောက်ရှိ သွေးပြန်ကြော သို့မဟုတ် လက်ကောက်ဝတ်နှင့် တံတောင်ကြား လက်ဖျံအတွင်းပိုင်းရှိ သွေးပြန်ကြောသည် လက်ခံနိုင်သော သွေးပြန်ကြော ဖြစ်ပါသည်။
  • ဆရာဝန်က ဖိအားပိုတိုးစေရန် သွေးထိန်းပတ် (သားရေပတ်ကဲ့သို့ ပလတ်စတစ်ပတ်အကြီးစား) ကိုစည်းနိုင်သည်။ သွေးထိန်းပတ်သည် သွေးပြန်ကြောကို ရှာတွေ့စေရန် ပိုမိုလွယ်ကူစေသည်။ တစ်ခါတစ်ရံတွင် လုပ်ဆောင်ပေးသူက သွေးပြန်ကြောများကို အလွယ်တကူ ရှာဖွေနိုင်ရန် ရေနွေးအိတ်ကို သုံးသည်။
  • IV ကို လက်ခံနိုင်သည့် အကောင်းဆုံးသွေးပြန်ကြောကို ရှာတွေ့ရန် လုပ်ဆောင်ပေးသူက နေရာအချို့ကို အနည်းငယ် ဖိကြည့်နိုင်သည်။
  • ထိုလုပ်ဆောင်ချက်သည် အချိန်မကြာပါ။ သို့သော် လုပ်ငန်းစဉ်အဆင့်ဆင့် သို့မဟုတ် ကုသမှု၏ ဘေးထွက်ဆိုးကျိုးများကြောင့် အစာမစားနိုင်သော ကင်ဆာဝေဒနာသည်ကလေးများသည် ရေဓာတ်ဆုံးရှုံးနိုင်သည်။ ထိုအခြေအနေကြောင့် သွေးပြန်ကြောများ ပြားနေနိုင်သည်။ သွေးပြန်ကြောအပြားများသည် IV ပြွန်အတွက် မသင့်တော်ပါ။
  • သူနာပြုဆရာမအနေဖြင့် သွေးပြန်ကြောကောင်းကောင်းတစ်ခုရှာတွေ့ရန် ၂ မိနစ်မှ ၁၀ မိနစ်အထိ ကြာနိုင်သည်။ လူနာ၏ လက်နှစ်ဖက်စလုံးကို စမ်းသပ်နိုင်သည်။
  • အချို့ကလေးဆေးရုံများတွင် IV အတွက် သွေးပြန်ကြောရှာတွေ့ရန် အာထရာဆောင်း ကဲ့သို့ ပုံရိပ်ဖော်ကိရိယာကို အသုံးပြုနိုင်သည်။
  • ဆရာဝန်က (ပုံမှန်အားဖြင့် ကလိုဟက်စီဒင်း သို့မဟုတ် အရက်ပြန်နှင့်) သန့်ရှင်းရေးလုပ်ပြီး ထိုးမည့်နေရာကို အခြောက်ခံပါမည်။
  • ဆရာဝန်က လက်ကို ငြိမ်အောင် ကိုင်ထားပါမည်။ အခြားဝန်ထမ်းက ကူညီပေးနိုင်သည်။ လူနာ၏လက်ငြိမ်နေစေရန် အလွန်အရေးကြီးသည်။
  • ဆရာဝန်က IV ပြွန် ထည့်ထားသော ဆေးထိုးအပ်ကို ထိုးသွင်းပါမည်။ တစ်ခါတစ်ရံတွင် သွေးပြန်ကြောအတွင်းသို့ အပ်ကို ထိုးသွင်းရန် တစ်ကြိမ်ထက်မက ကြိုးစားရနိုင်သည်။
  • သွေးပြန်ကြောထဲသို့ ပြွန်ရောက်သွားသောအခါ သူနာပြုက အပ်ကို ဖယ်ရှားသည်။
  • IV ကို နေရာတကျဖြစ်စေရန် တိပ်နှင့်ကပ်သည်။ ကာကွယ်ရန်အတွက် ပတ်တီး သို့မဟုတ် ပလတ်စတစ်အကာကို အပေါ်တွင် အုပ်နိုင်သည်။
  • ချိတ်ဖြင့် ချိတ်လိုက်ပါမည်။
  • အရေပြားထဲရှိ IV ကို ဆေးရည်ထည့်ထားသော ပလတ်စတစ်အိတ် သို့မဟုတ် အခြားပြွန်ရှည်တစ်ခုနှင့် ချိတ်ဆက်ထားသည်။ အရည်စီးဆင်းမှု ကောင်းမွန်စေရန် စုပ်စက်ကို အသုံးပြုနိုင်သည်။ ခန္ဓာကိုယ်အတွင်းသို့ အရည်စီးဝင်သောအခါ လူနာသည် အေးမြမှုကို ခံစားရနိုင်သည်။

ထို့နောက် လူနာသည် IV ထိုးထည့်ရန် လိုအပ်သော လုပ်ငန်းစဉ်များအတွက် အဆင်သင့်ဖြစ်ပြီဖြစ်သည်။ ပြွန်ကို မဖြုတ်မချင်း ၎င်းသည် သွေးပြန်ကြောအတွင်း၌ ဆက်လက်ရှိနေမည်ဖြစ်သည်။

---
ဤဆောင်းပါးတွင် ဖော်ပြထားသည့် မည့်သည့်ကုန်ပစ္စည်းအမှတ်တံဆိပ်ကိုမျှ သုံးစွဲရန် Together
က ထောက်ခံချက် မပေးပါ။

---
ပြန်လည်သုံးသပ်ခဲ့သည့်ရက်စွဲ- ဇွန်လ 2018