ကြိုဆိုပါသည်

Together သည် - လူနာများနှင့် မိဘများ၊ မိသားစုဝင်များနှင့် သူငယ်ချင်းများအပါအဝင် - ကလေးကင်ဆာကြောင့် ထိခိုက်မှုရှိသူတိုင်းအတွက် ရင်းမြစ်အသစ်တစ်ခု ဖြစ်ပါသည်။

ပိုမိုလေ့လာရန်

ပျို့အန်ချင်စိတ်ဖြစ်ခြင်းနှင့် အော့အန်ခြင်း

ပျို့အန်ချင်စိတ်ဖြစ်ခြင်းနှင့် အော့အန်ခြင်းသည် ကင်ဆာနှင့် ကင်ဆာကုထုံးများကြောင့်ခံစားရသည့် ဝေဒနာများဖြစ်သည်။ ၎င်းလက္ခဏာများသည် မကုသခင်၊ ကုသနေစဉ်အတွင်းနှင့် ကုသပြီးအချိန်တွင် ပုံစံအမျိုးမျိုးဖြင့် ပြတတ်သည်။ ကလေးကင်ဆာဝေဒနာရှင်များ၏ မိဘများနှင့် မိသားစုဝင်များ၏ ပြောကြားချက်အရ ပျို့အန်ချင်စိတ်ဖြစ်ခြင်းသည် ၎င်းတို့အတွက် စိတ်အနှောင့်အယှက်အဖြစ်ဆုံးသော ဆိုးကျိုးတစ်ခုဖြစ်ကြောင်းသိရသည်။ အကယ်၍ ၎င်းနှင့်ပတ်သက်၍ စီမံမှုမရှိခဲ့သော်၊ ပျို့အန်ချင်စိတ်ဖြစ်ခြင်းနှင့် အော့အန်ခြင်းသည် စိတ်ခံစားချက်များအတွက် မကောင်းသည့်အရာများကိုပိုမိုဖြစ်လာစေနိုင်ပြီး ကုသမှုအား နှောင့်နှေးစေနိုင်ခြင်း၊ နေ့စဉ် ပုံမှန်လှုပ်ရှားဆောင်ရွက်မှုအား အနှောင့်ယှက်ဖြစ်စေနိုင်ခြင်းနှင့် အာဟာရ ချို့တဲ့မှု၊ ကိုယ်အလေးချိန် ကျဆင်းမှုနှင့် အခြားကျန်းမာရေးဆိုင်ရာ ပြသနာများကိုဖြစ်ပေါ်စေမည်ဖြစ်သည်။

ကင်ဆာရောဂါခံစားနေရသည့် ကလေးအများစုအတွက် ပျို့အန်ချင်စိတ်ဖြစ်ခြင်းနှင့် အော့အန်ခြင်းအား လျှော့ချနိုင်ရန်အတွက် ထိရောက်သည့်နည်းလမ်းများရှိနေပါသည်။ ၎င်းတို့တွင် အော့အန်ခြင်းနှင့်ဆိုင်သည့် ဆေးဝါးများ၊ ဓာတ်စာ ပြောင်းလဲခြင်းများနှင့် အသက်ပြင်းပြင်းရှူခြင်းနှင့် အာရုံလွှဲခြင်းကဲ့သို့သော ဖြေရှင်းရေးနည်းလမ်းများပါဝင်သည်။ အပ်စိုက်ကုထုံး၊ ရနံ့ကုထုံးနှင့် အိပ်မွေ့ချခြင်းကဲ့သို့သော ရောဂါနှင့်လိုက်ဖက်မည့်ကုထုံးများ သည်လည်း ထိရောက်သည့်နည်းလမ်းများဖြစ်နိုင်သည်။

မိသားစုဝင်များသည် ကင်ဆာကုသနေစဉ်အတွင်း "အမ်မစ်ဆစ်" ဆိုသည့် စကားလုံးအား ကြားရ မြင်ရမည်ဖြစ်သည်။ အမ်မစ်ဆစ် ဆိုသည်မှာ အော့အန်ခြင်းအတွက် ဆေးပညာအမည်ဖြစ်သည်။ အအန်ပျောက်ဆေးဝါးများသည် ပျို့အန်ချင်စိတ်ဖြစ်ခြင်းနှင့် အော့အန်ခြင်းတို့အား ကုသရာတွင် သုံးသည့် ဆေးဝါးများဖြစ်သည်။

ပျို့အန်ချင်စိတ်ဖြစ်ခြင်းဆိုသည်မှာ အဘယ်နည်း။

ပျို့အန်ချင်စိတ်ဖြစ်ခြင်းသည် ဖျားနာသည့်ခံစားချက်မျိုး သို့မဟုတ် လူတစ်ယောက်မှ အော့အန်ချင်လာသည့်အခါ ဖြစ်လာသည့် မသက်မသာခံစားချက်မျိုးဖြစ်သည်။ ပျို့အန်ချင်စိတ်ဖြစ်ခြင်းသည် အပြုခံဖြစ်ပြီး လူတစ်ယောက်စီ၏ အတွေ့အကြုံနှင့်ဆိုင်သည့် ခံစားချက်ဖြစ်သည်။ ပျို့အန်ချင်စိတ်ဖြစ်သည့်အခါ ပုံမှန်အားဖြင့် လည်မျိုတလျှောက် မနှစ်မြို့ဖွယ်ရာခံစားရမှု ပါဝင်တတ်ပြီး ၎င်းည်အစာပြွန် သို့မဟုတ် အစာအိမ်မှ ဖြစ်လာတတ်သည်။ ခံစားရမှုများသည် တစ်ယောက်နှင့်တစ်ယောက်မတူညီနိုင်ပါ၊ အချို့သည် ခေါင်းမူးခြင်း၊ အစာမျိုရခက်ခြင်း၊ ချွေးသီးချွေးပေါက်ကျခြင်းနှင့် ချမ်းစိမ့်စိမ့်ဖြစ်ခြင်း သို့မဟုတ် မျက်နှာနီရဲလာခြင်းတို့ကို ခံစားရနိုင်သည်။

အော့အန်ခြင်းဆိုသည်မှာ အဘယ်နည်း။

အော့အန်ခြင်း သို့မဟုတ် ထိုးအန်ခြင်းသည် ဝမ်းဗိုက်ကြွက်သားများနှင့် ရင်ဝမ်းခြားကြွက်သား တို့လှုပ်ရှားမှုကြောင့် ဖြစ်လာခြင်းဖြစ်သည်။ ၎င်းကြွက်သားများ တင်းမာလာပြီး ရင်ဝမ်းခြားကြွက်သားအား တွန်းတင်၍ ခံတွင်းမှ ပြန်ထွက်စေသည့်ဖြစ်ရပ်ဖြစ်သည်။ ၎င်းသည် အာရုံကြောများအား ထိန်းချုပ်ထားသည့် ခလုတ်များအား တုံ့ပြန်လာရန်အတွက်နှိပ်လိုက်သကဲ့သို့ဖြစ်စေသည်။ ပျို့အန်ချင်စိတ်ဖြစ်ခြင်းနှင့် အော့အန်ခြင်း တို့တွင် ယေဘုယျအားဖြင့် ဗိုင်းရပ်စ်နှင့် ဘက်တီးယားများကြောင့်ဖြစ်လာတတ်ပြီး၊ လှုပ်ရှားမှု၊ ရုပ်ပိုင်း သို့မဟုတ် ဓာတု လက္ခဏာတို့ကြောင့်လည်း ဖြစ်တတ်သည်။ အော့အန်ခြင်းကို ထိန်းချုပ်သည့် လှုပ်ရှားနေသော အာရုံကြောလမ်းကြောင်းများ ပြန်ကန်လာသည်။

ပျို့အန်ချင်စိတ်ဖြစ်ခြင်းနှင့် အော့အန်ခြင်းသည် ဆက်နွယ်သော်လည်း ၎င်းတစ်ခုချင်းစီသည် သီခြားလည်း ဖြစ်ပေါ်တတ်သည်။

အချို့ပြုစုစောင့်ရှောက်ရေးအဖွဲ့များသည် ကလေးများကို ပျို့အန်ချင်စိတ်ဖြစ်ခြင်းအကြောင်း ပြောပြရာတွင် အဆင့်သတ်မှတ်ချက် အတိုင်းအတာပုံစံတစ်ခုကိုအသုံးပြုကြသည်။ ၎င်းအဆင့်သတ်မှတ်ချက်အတိုင်းတာအား BARF ဟူ၍ ခေါ်ဆိုပြီး မျက်နှာပုံစံအမျိုးမျိုးကိုရေးဆွဲပြထားပြီး ကလေးများ၏ ပျို့အန်ချင်စိတ်ဖြစ်မှုအဆင့်ကို တိုင်းတာရာတွင်အသုံးပြုသည့်ပုံများဖြစ်သည်။ ၎င်းပုံများသည် မိမိခံစားနေရသည့်ပျို့အန်ချင်စိတ်ဖြစ်မှုအား မည်သို့ဖော်ပြရမည်ကို မသိသည့် ငယ်ရွယ်သည့်ကလေးငယ်များအတွက် အလွန်အသုံးဝင်သည့်အရာဖြစ်သည်။ ၎င်းသည် ပျို့အန်ချင်စိတ်ဖြစ်ခြင်းနှင့် ပတ်သက်၍ စောင့်ကြည့်နိုင်ရန် အလွန်အထောက်အကူပေးပြီး ပိုကောင်းလာသည် သို့မဟုတ် ပိုမိုဆိုးရွားလာသည် စသဖြင့် သိမြင်နိုင်သောကြောင့်ဖြစ်သည်။

ကင်ဆာရောဂါခံစားနေရသည့်ကလေးငယ်များတွင် ပျို့အန်ချင်စိတ်ဖြစ်ခြင်းနှင့် အော့အန်ခြင်းတို့ကို ခံစားရသည့်အကြောင်းရင်းများ

ကီမိုဆေးသွင်းကုသခြင်းခြင်းကုထုံးသည် ကင်ဆာရှိသည့်ကလေးများတွင် ပျို့အန်ချင်စိတ်ဖြစ်စေသည့် အဓိကအကြောင်းရင်းဖြစ်သည်။ သို့သော်လည်း ဓာတ်ရောင်ခြည် ကုထုံးနှင့် အခြားဆေးဝါးများကို အသုံးပြုကုသခြင်းသည်လည်း ပျို့အန်ချင်စိတ်ဖြစ်လာစေရန်အတွက် လမ်းပွင့်နိုင်စေသည်။ အချို့ကလေးများတွင် ကင်ဆာရောဂါသည် ပျို့အန်ချင်စိတ်ဖြစ်ရခြင်း၏ အဓိကအကြောင်းရင်း ဖြစ်နေတတ်သည်။ သို့မဟုတ် အခြားကျန်းမာရေးဆိုင်ရာပြသနာများကြောင့်လည်း ဖြစ်နိုင်နေသေးသည်။ ဦးနှောက်အကျိတ်များရှိသည့် ကလေးငယ်များတွင် ဦးနှောက်ထဲတွင် အရည်များပြည့်တင်းနေသည့် ဦးခေါင်းရေဝင်ခြင်းကို ဖြစ်စေသည်။ ၎င်းအရည်ပြည့်တင်းလာမှုကြောင့်တိုးလာသည့်ဖိအားသည် အော့အန်ခြင်းကိုဖြစ်စေသည့်အာရုံကြောအား ဖိနှိပ်သကဲ့သို့ဖြစ်စေပြီး အော့အန်ခြင်းဖြစ်လာစေသည်။

ကလေးကင်ဆာရောဂါရှင်များတွင် ပျို့အန်ချင်စိတ်ဖြစ်ရခြင်းနှင့် အော့အန်ခြင်းတို့ဖြစ်စေသည့် ယေဘုယျအကြောင်းရင်များထဲတွင် အောက်ပါတို့ပါဝင်သည်-

  • ကီမိုဆေးသွင်းကုသခြင်း
  • အခြားဆေးဝါးများဖြစ်သည့် ပဋိဇီဝဆေးများ, ဘိန်းပါသောဆေးများ ဆေးဝါးများနှင့် အတက်ကျဆေးများ
  • ဓာတ်ကင်ခြင်းကုထုံး
  • ကင်ဆာကိုယ်တိုင်၊ အထူးသဖြင့် ၎င်းအကျိတ်များသည် ဦးနှောက်သို့မဟုတ် အစာခြေစနစ်အား အကျိုးသက်ရောက်မှု ရှိလာပါက
  • အစာအိမ်နှင့် အစာခြေစနစ်များ ကမောက်ကမဖြစ်ခြင်း
  • အတွင်းနား ပြဿနာများ
  • ဟော်မုန်းနှင့် ဇီဝဖြစ်စဉ်မညီမျှမှု
  • ဖျားနာခြင်းနှင့် ရောဂါကူးစက်ခြင်း
  • စိတ်ဖိစီးခြင်းနှင့် ပူပင်သောကဖြစ်ခြင်း
  • နာကျင်မှု
  • ယခင်က အော့အန်ခြင်း

ပျို့အန်ချင်စိတ်ဖြစ်ခြင်းနှင့် အော့အန်ခြင်းသည် ခန္ဓာကိုယ်ရှိ ရှုပ်ထွေးသည့်အာရုံကြောများ၏ အပြန်အလှန်တုံ့ပြန်မှုများကြောင့်ဖြစ်ပြီး ၎င်းတို့တွင် အလိုအလျောက်တုံ့ပြန်သည့်အာရုံကြောစနစ်ဗဟိုအာရုံကြောအဖွဲ့အစည်းအတွင်းထုတ်ဂလင်းစနစ် နှင့် အစာခြေစနစ်တို့ပါဝင်သည်။ အတွေးများနှင့် ခံစားချက်များသည် ပျို့အန်ချင်စိတ်ဖြစ်ခြင်းနှင့် အော့အန်ခြင်းတို့အတွက် အရေးပါသည့် ကဏ္ဍတွင်ရှိနေသည်။

ကီမိုဆေးသွင်းခြင်းကုထုံး လုပ်နေစဉ်အတွင်း ပျို့အန်ချင်စိတ်ဖြစ်ခြင်းနှင့် အော့အန်ခြင်း

ကီမိုဆေးသွင်းခြင်းကုထုံး ကုသခံရသည့် ကလေးများ၏ ၇၀% အထိသည် ၎င်းကုသနည်းဖြင့် ကုသနေစဉ်အတွင်း ပျို့အန်ချင်စိတ်ဖြစ်ခြင်းကို ခံစားရလေ့ရှိသည်။ လက္ခဏာများသည် ဝမ်းဗိုက်မှ စတင်လာပြီး အပေါ်သို့တက်လာကာ အော့အန်ခြင်းကိုဖြစ်စေခြင်း ဖြစ်သည်။ ကီမိုဆေးသွင်းခြင်းကုထုံးနှင့်ဆက်စပ်၍ ဖြစ်လာသည့် ပျို့အန်ချင်စိတ်ဖြစ်ခြင်းနှင့် အော့အန်ခြင်းသုံးမျိုး ရှိသည်။ ၎င်းတို့မှာ-

  1. ပြင်းထန် အမ်မစ်ဆစ်- ကီမိုဆေးသွင်းခြင်းကုထုံးဖြင့်ကုသပြီး ၂၄ နာရီအတွင်း ခံစားရမည်ဖြစ်သည်။ ပုံမှန်အားဖြင့် ကုသပြီး ၁ နာရီမှ ၂ နာရီအကြာတွင် ဖြစ်လေ့ရှိပြီး ၄ နာရီမှ ၆ ကီမိုဆေးသွင်းခြင်းကုထုံး နာရီအကြာတွင် သက်သာစပြုလာလေ့ရှိသည်။
  2. နောက်ကျမှဖြစ်သည့် အမ်မစ်ဆစ် - ၂၄ နာရီကြာပြီးနောက်မှ ဖြစ်လာလေ့ရှိသည်။ ပုံမှန်အားဖြင့်၊ နောက်ကျမှ ဖြစ်သည့် အမ်မစ်ဆစ်သည် ကီမိုဆေးသွင်းခြင်းကုထုံး စတင်ပြီး ၄၈ နာရီမှ ၇၂ နာရီအတွင်း အဆိုးရွားဆုံးဖြစ်ပြီး ၎င်းမှ နောက်ရက်အနည်းအငယ်ကြာတွင် သက်သာလာတတ်သည်။
  3. ကြိုတင်မျှော်လင့်ထားသည့် အမ်မစ်ဆစ် - ကီမိုဆေးသွင်းခြင်းကုထုံးမစတင်ခင်တွင် ဖြစ်လေ့ရှိပြီး၊ ကီမိုဆေးသွင်းခြင်းကုထုံးနှင့်ဆက်နွယ်၍ ဖြစ်လာသည်။ ၎င်းသည် အကြောင်းသိစိတ်ကြောင့် တုံ့ပြန်မှုဖြစ်ပြီး အရင်ကကုထုများကြောင့် ပျို့အန်ချင်စိတ်ဖြစ်ခြင်းနှင့် အော့အန်ခြင်းတို့အား အခါခါ ခံစားရဖူးသည့် လူနာများတွင် အများဆုံးဖြစ်တတ်သည်။

ကီမိုဆေးသွင်းခြင်းကုထုံးတွင်ပါဝင်သည့် ဆေးဝါးများကို ၎င်းတို့၏အန္တရာယ် သို့မဟုတ် ပျို့အန်ချင်စိတ်ဖြစ်ခြင်းနှင့် အော့အန်ခြင်းတို့ ဖြစ်နိုင်ခြေကို ဤသို့အဆင့်ခွဲခြားသတ်မှတ်နိုင်သည်-

  • မြင့်မားသည် (အန္တရာယ် >၉၀%)
  • အသင့်အတင့် (အန္တရာယ် ၃၀-၉၀%)
  • အနည်းငယ် (အန္တရာယ် ၁၀-၃၀%)
  • အနိမ့်ဆုံး (အန္တရာယ် <၁၀%)

ဤအမျိုးအစားများသည် ပျို့အန်ချင်စိတ်ဖြစ်ခြင်းကိုကာကွယ်သည့်ဆေး မပေးထားပါက ရောဂါလက္ခဏာများ ဖြစ်နိုင်ခြေပေါ်တွင် အခြေခံထားသည်။ အော့အန်ခြင်းအန္တရာယ် မြင့်မားသော သို့မဟုတ် သင့်တင့်သော ကီမိုဆေးသွင်းခြင်းကုထုံးခံယူနေသည့် ကလေးများကို ပျို့အန်ချင်စိတ်ဖြစ်ခြင်းနှင့်အော့အန်ချင်သည့်လက္ခဏာများမပြခင် ကာကွယ်ဆေးများကို ပေးထားလေ့ရှိသည်။

မည်သည့်ကင်ဆာဆေးဝါးအမျိုးအစားသည် ပျို့အန်ချင်စိတ်ဖြစ်ခြင်းနှင့်အော့အန်ခြင်းကိုဖြစ်စေနိုင်သနည်း။

ပျို့အန်ချင်စိတ်ဖြစ်ခြင်းနှင့် အော့အန်ခြင်း အန္တရာယ်မြင့်မားသည့် ကီမိုဆေးသွင်းခြင်းကုထုံး ပျို့အန်ချင်စိတ်ဖြစ်ခြင်းနှင့် အော့အန်ခြင်း အန္တရာယ်အသင့်အတင့်ရှိသည့် ကီမိုဆေးသွင်းခြင်းကုထုံး
ကာဘိုပလာတင် Carmustine
ဆစ်ပလာတင် ကလိုဖာရာဘင်း
Cyclophosphamide (ဆေးပမာဏများ) Cyclophosphamide (ဆေးပမာဏနည်း)
Cytarabine (ဆေးပမာဏများ) Cytarabine (ဆေးပမာဏ အသင့်အတင့်)
Dactinomycin Daunorubicin (ဒေါ်နာရူဘီဆင်)
Methotrexate (ဆေးပမာဏများ) Doxorubicin (ဆေးပမာဏနည်း)
Dacarbazine အိုက်ဖိုစဖာမိုက်ဒ်
Doxorubicin (ဆေးပမာဏများ) Imatinib
Cytarabine + Etoposide သို့မဟုတ် Teniposide ဦးခေါင်းတွင်းသို့ ကီမိုဆေးသွင်းခြင်းကုထုံး
Doxorubicin + Ifosfamide Methotrexate (ဆေးပမာဏနည်း)
Etoposide + Ifosfamide တီမိုဇိုလိုမိုက်ဒ်
Cyclophosphamide + doxorubicin၊ epirubicin သို့မဟုတ် etoposide  

ကီမိုဆေးသွင်းခြင်းကုထုံးသည် အဘယ်ကြောင့် ပျို့အန်ချင်စိတ်ဖြစ်ခြင်းနှင့် အော့အန်ခြင်းတို့ကိုဖြစ်စေသနည်း။

ကီမိုဆေးသွင်းခြင်းကုထုံးကြောင့် ပျို့အန်ချင်စိတ်ဖြစ်ခြင်းနှင့် အော့အန်ခြင်း ဖြစ်လာခြင်းတို့ကို အပြည့်အဝနားမလည်နိုင်သေးပါ။ သို့သော်လည်း ခီမိုဆေးသွင်းခြင်းကုထုံးသည် ပျို့အန်ချင်စိတ်ဖြစ်ခြင်းနှင့် အော့အန်ခြင်းတို့ကို ထိန်းညှိသည့် အာရုံကြောတစ်ခုမှ တစ်ခုသို့ လှုံ့ဆော်မှုပို့ဆောင်ရာတွင် လိုအပ်သောကြားခံပစ္စည်း ထုတ်လွှတ်ခြင်းကို ဖြစ်စေနိုင်သည်။ ဒိုဖာမင်၊ ဆီရိုတိုနင်နှင့် substance Pတို့ကဲ့သို့ အာရုံကြောတစ်ခုမှ တစ်ခုသို့ လှုံ့ဆော်မှုပို့ဆောင်ရာတွင် လိုအပ်သောကြားခံပစ္စည်းသည် ဓာတု အချက်ပြသင်္ကတအဖြစ် ဦးနှောက်ဧရိယာအတွင်း လုပ်ဆောင်ပြီး ၎င်းသည် ပျို့အန်ချင်စိတ်ဖြစ်ခြင်းနှင့် အော့အန်ခြင်းတို့ကို ထိန်းချုပ်သည်။ အချို့သော ပျို့အန်ချင်စိတ် မဖြစ်ရန်ကာကွယ်သည့်ဆေးဝါးများသည် ၎င်းအချက်ပြသင်္ကတများမဖြစ်အောင် အာရုံကြောဆိုင်ရာလုပ်ဆောင်မှုများတွင် ပိတ်ပင်လိုက်သည်။

ကလေးများတွင်ဖြစ်သည့် ပျို့အန်ချင်စိတ်ဖြစ်ခြင်းနှင့်အော့အန်ခြင်းတို့ကို ကုသမည့်နည်းလမ်းများ

ကင်ဆာ ကုသနေစဉ်အတွင်း ပျို့အန်ချင်စိတ်ဖြစ်ခြင်းနှင့် အော့အန်ခြင်းတို့ မဖြစ်စေရန်အတွက် ကုသနိုင်မည့် နည်းလမ်းတချို့ရှိသည်။ ပြုစုစောင့်ရှာက်ရေးအဖွဲ့နှင့် မိသားစုဝင်များသည် ကလေးများတွင် ၎င်းလက္ခဏာများကို သေချာကျနစွာ ထိန်းချုပ်နိုင်ရန်အတွက် နီးကပ်စွာ အလုပ်လုပ်ရန်အရေးကြီးသည်။

ပျို့အန်ချင်စိတ်ဖြစ်ခြင်းအတွက် ဆေးဝါးများ

ပျို့အန်ချင်စိတ်ဖြစ်ခြင်းအတွက် ဆေးဝါးများသည် (အအန်ပျောက်ဆေးများ) ပျို့အန်ချင်စိတ်ဖြစ်ခြင်းနှင့် အော့အန်ခြင်းတို့မဖြစ်စေရန်အတွက် ကုသရာတွင်အသုံးပြုနိုင်သည်။ ကလေးကင်ဆာရောဂါဝေဒနာရှင်များအတွက် အသုံးပြုသည့် ယေဘုယျဆေးဝါးများတွင် အောက်ပါတို့ပါဝင်သည်-

အချို့လူနာများသည် ပေါင်းစပ်ထားသည့်ဆေးဝါးများကို သောက်သုံးရနိုင်သည်။ ပျို့အန်ချင်စိတ်ဖြစ်ခြင်းနှင့် အော့အန်ခြင်းတို့အား သက်သာစေသည့်ဆေးဝါး အများစုသည် အခြားသော အသုံးပြုမှုများရှိသည်။ မိဘများသည် ၎င်းတို့ကလေးငယ်များ သောက်သုံးရသည့်ဆေးဝါးများ၏ ရည်ရွယ်ချက်နှင့် သောက်သုံးရမည့်အညွှန်းများနှင့် ပတ်သက်၍ သိရှိရန် ၎င်းတို့၏ ဆရာဝန်များနှင့် ဆေးဝါးပညာရှင်များအား အမြဲ ပြောဆိုဆွေးနွေးသင့်သည်။

ဆရာဝန်များမှ ပျို့အန်ချင်စိတ်ဖြစ်ခြင်းနှင့်ပတ်သက်၍ သောက်သုံးရန်ညွှန်းသည့် ဆေးဝါးများသည် ကီမိုဆေးသွင်းခြင်းကုထုံး အစီအစဉ်၊ ကလေးငယ်၏ အသက်အရွယ် ၊ ဖြစ်နေသည့်ကင်ဆာ အမျိုးအစားနှင့် လူနာ၏ အခြားသောအချက်လက်များအား အခြေခံ၍ ပေးခြင်းဖြစ်သည်။ အချို့လူနာများသည် ကီမိုဆေးသွင်းကုသခြင်း မစတင်ခင်တွင် ဆေးသောက်သုံးရန်အတွက် ညွှန်ကြားခံရသည်။ သို့သော်လည်း ပျို့အန်ချင်စိတ်ဖြစ်ခြင်းအတွက်ဆေးဝါးများကိုလည်း လိုအပ်ချက်အရ သောက်သုံးရန်ညွှန်းသည်။ မိသားစုဝင်များသည် ပျို့အန်ချင်စိတ်ဖြစ်ခြင်းနှင့်အော့အန်ခြင်းတို့အား အကောင်းမွန်ဆုံး ထိန်းချုပ်နိုင်ရန်အတွက် ရောဂါလက္ခဏာများနှင့်ပတ်သက်ပြီး ပြုစုစောင့်ရှောက်ရေးအဖွဲ့နှင့် ဆွေးနွေးရန်မှာ အလွန်အရေးကြီးသည့်အရာဖြစ်သည်။

ပျို့အန်ချင်စိတ်ဖြစ်ခြင်းကို ကူညီပေးနိုင်သည့် ဓာတ်စာ ပြောင်းလဲခြင်းများ

အချို့အစားအစာနှင့် အနံ့များသည် ပျို့အန်ချင်စိတ်ဖြစ်ခြင်းအား ပိုမိုဆိုးရွားစေသည်။ လူနာအများစုသည် ကင်ဆာကုသနေစဉ်အတွင်း ခံတွင်းပျက်ကြသည်။ ကလေးများသည် နေထိုင်မကောင်းဖြစ်နေစဉ်အတွင်း ကောင်းမွန်စွာစားသောက်နိုင်သည့် နေရာတွင် မတူညီမှုများလည်း ရှိနိုင်သည်။ မည်သည့်ပုံစံသည် အကောင်းဆုံးအလုပ်ဖြစ်နိုင်သည်ကို သိရှိရန် စမ်းသပ်မှုနှင့် အမှားအယွင်းအချို့ လုပ်ရနိုင်သည်။ ၎င်းအတွက် သိသင့်သိထိုက်သည့်အရာအချို့မှာ-

  • ဟင်းလျာများနှင့် မုန့်ပဲသရေစာများအား အနည်းငယ်သာစားပါ။
  • စားသောက်သည့်အခါ ဖြည်းညင်းစွာ စားသောက်ပါ။
  • ဟင်းလျာများစားသောက်သည့်အခါ ဟင်းရည် (အရည်) သောက်သုံးခြင်းကိုရှောင်ကြဉ်ပါ။
  • ခြောက်သွေ့သည့် အစားအစာများ ဖြစ်သည့် ဘီစကွတ်သို့မဟုတ် ပေါင်မုန့်မီးကင်တို့ကို စားစေပါ။
  • ပူစပ်သော၊ အက်ဆစ်များသော သို့မဟုတ် အဆီများသော အစားအစာများကို ရှောင်ပါ။
  • အနံ့အသက်ကင်းစင်သည့်နေရာတွင် စားသောက်ပါ။
  • ကလေး စားချင်သည့်အစားအစာနှင့် စားချင်သည့်အချိန်တို့တွင် ရွေးချယ်၍ စားသောက်ခိုင်းပါ။

ပျို့အန်ချင်စိတ်ဖြစ်ခြင်းနှင့်အော့အန်ခြင်းတို့အတွက် အာဟာရဆိုင်ရာ သိသင့်သိထိုက်သည်များကို ပိုမိုရှာဖွေပါ

အထူးသဖြင့် ကလေးသည် ပျို့အန်ချင်စိတ်ဖြစ်ခြင်းနှင့် အော့အန်ခြင်းတို့နှင့် ပတ်သက်၍ ပြဿနာရှိလာသည့်အချိန်တွင် အာဟာရဆိုင်ရာ ပညာရှင်များသည် ပြုစုစောင့်ရှောက်ရေးအဖွဲ့၏ အရေးပါသည့် အဖွဲ့ဝင်များဖြစ်သည်။ အာဟာရပညာရှင်သည် မိသားစုဝင်များအား အာဟာရ ဆိုင်ရာစိန်ခေါ်ချက်များကို ဖြေရှင်းရာတွင် ကူညီပေးနိုင်လိမ့်မည်။ အကယ်၍ ကလေးများသည် ပျို့အန်ချင်စိတ်ဖြစ်ခြင်းနှင့် အော့အန်ခြင်းတို့ခံစားရပါက အစာပြွန်ဖြင့် အစာကျွေးခြင်း (အူလမ်းကြောင်းထဲသို့ အစာအာဟာရများ တိုက်ရိုက်သွင်းခြင်း) သို့မဟုတ် IV အာဟာရသွင်းကုထုံး (အကြောထဲသို့ အာဟာရထိုးသွင်းခြင်း) တို့ လုပ်ရန် လိုအပ်နိုင်သည်။ ၎င်းတို့သည် အရေးကြီးသည့် အထောက်အပံ့များဖြစ်ပြီး အာဟာရလုံလောက်ရန်နှင့် ရေဓာတ်မဆုံးရှုံးစေရန်အတွက်ဖြစ်သည်။ ကလေးကင်ဆာ လူနာများအား စောင့်ရှောက်ရာတွင် ဆေးဘက်ဆိုင်ရာ အာဟာရနှင့် ပတ်သက်၍ ပိုမိုလေ့လာပါ

ပျို့အန်ချင်စိတ်ဖြစ်ခြင်းနှင့် အော့အန်ခြင်းတို့အား ထိန်းချုပ်နိုင်ရန် အခြားဗျူဟာများ

ဖြေရှင်းရေးဗျူဟာ အမျိုးမျိုးနှင့် ရောဂါနှင့်လိုက်ဖက်မည့်ကုထုံးများ သည် ပျို့အန်ချင်စိတ်ဖြစ်ခြင်းနှင့်အော့အန်ခြင်းတို့အား အကူအညီပေးနိုင်ကြောင်း သက်သေပြထားပြီးဖြစ်သည်။ ၎င်းတို့တွင် အောက်ပါတို့ပါဝင်သည်-

  • စိတ်ပိုင်းဆိုင်ရာ ကုထုံး
  • ဇီဝဆိုင်ရာတုံ့ပြန်ချက်
  • အသက်ပြင်းပြင်းရှူခြင်းနှင့် သက်သောင့်သက်သာဖြစ်စေနိုင်မည့် နည်းစနစ်များ
  • အိမ်မွေ့ချခြင်း
  • အပ်စိုက်ကုထုံး
  • အပ်စိုက်ကုသခြင်း
  • ရနံ့ကုထုံး
  • ဖြည့်စွက်ဆေးဖက်ဝင်အပင် - ချင်းပင်
  • အာရုံလွှဲခြင်း (ဗီဒီရိုဂိမ်းကစားခြင်း၊ အနုပညာ၊ ဂီတလိုက်စားခြင်း)
  • လေ့ကျင့်ခန်း

မိသားစုဝင်များသည် တွဲဖက် ကုထုံးတစ်ခုကို မစမ်းကြည့်ခင် အန္တရာယ်ကင်းရှင်းကြောင်း သေချာစေရန်အတွက် ပြစုစောင့်ရှောက်ရေးအဖွဲ့နှင့် ပြောဆိုဆွေးနွေးသင့်သည်။ ပြုစုစောင့်ရှောက်ရေးအဖွဲ့ မှလည်း မိသားစုဝင်များအား ရောဂါလက္ခဏာများ စီမံနိုင်ရန်အတွက် ပေါင်းစပ်ကုထုံးများမှ အကောင်းဆုံးအား ရွေးချယ်နိုင်ရန် ကူညီပေးနိုင်မည်ဖြစ်သည်။

ကလေးကင်ဆာ ဝေဒနာရှင်များတွင်ဖြစ်သည့် ပျို့အန်ချင်စိတ်ဖြစ်ခြင်းနှင့် အော့အန်ခြင်း- မိသားစုဝင်များသိသင့်သိထိုက်သင့်အချက်များ

  • ပျို့အန်ချင်စိတ်ဖြစ်ခြင်းနှင့် အော့အန်ခြင်းများနှင့်ပတ်သက်၍ ပြုစုစောင့်ရှောက်ရေးအဖွဲ့အားပြောကြားပါ။ အကူအညီဖြစ်စေမည့် ဆေးဝါးများနှင့် အခြားဗျူဟာများရှိသည်ကို သတိရပါ။
  • ရောဂါလက္ခဏာမှတ်တမ်းတစ်ခု ထားရှိပါ။ ပျို့အန်ချင်စိတ်ဖြစ်ခြင်း ခံစားရပါက မည်သည့်အရာက ပိုမိုဆိုးရွားလာအောင် လုပ်ဆောင်သည်၊ မည်သည့်အရာက ပိုမိုကောင်းမွန်လာအောင် လုပ်ဆောင်နိုင်သည်၊ နာကျင်မှု၊ ခံတွင်းပျက်ခြင်း၊ ဝမ်းပျက်ခြင်း သို့မဟုတ် ဝမ်းချုပ်ခြင်း စသည့် အခြားရောဂါလက္ခဏာများအား ရေးမှတ်ထားပါ။ ၎င်းအချက်များသည် သင်နှင့် သင့်ပြုစုစောင့်ရှောက်ရေးအဖွဲ့အား သင်၏ ရောဂါလက္ခဏာများကို နားလည်စေရန်နှင့် ကုသရေးအစီအစဉ်တစ်ခု ရလာစေရန်အတွက် အထောက်အကူပြုနိုင်သည်။
  • သင့်ကလေးတွင် စားသောက်ခြင်းတို့နှင့် ပတ်သက်၍ ပြဿနာဖြစ်ပေါ်နေပါက ပြုစုစောင့်ရှောက်ရေးအဖွဲ့အား အသိပေးပါ။ အာဟာရ အထောက်အပံ့ သို့မဟုတ် သွေးကြောထဲ အာဟာရအရည်သွင်းခြင်းတို့ လိုအပ်ကောင်း လိုအပ်နိုင်သည်။
  • သင်၏ ကလေး ပျို့အန်ချင်စိတ်ဖြစ်နေစဉ်တွင် ၎င်းနှစ်သက်သည့်အစားအစာများကို ကျွေးရန် မကြိုးစားပါနှင့်။ ၎င်းကဲ့သို့ကျွေးခြင်းသည် ဖျားနာခြင်းကဲ့သို့ဝေဒနာနှင့် ဆက်နွယ်လာနိုင်သည်။
  • ပီကေဝါးရန် သို့မဟုတ် လက်ကိုင် သကြားလုံးကို စုပ်ရန် သို့မဟုတ် ရေခဲမုန့်ကျွေးရန် ကြိုးစားကြည့်ပါ။ 
  • အစာစားပြီး မလှဲခိုင်းပါနှင့်။
  • အော့အန်ပြီးပါက ပါးစပ်ကို ပလုတ်ကျင်းဆေးကြောစေပါ။ အစာခြေရည်များသည် ခံတွင်းအား ကျိန်းစပ်ခြင်း နှင့် သွားများဆွေးလွယ်ခြင်းကို ဖြစ်စေနိုင်သည်။
  • ပျို့အန်ချင်စိတ်ဖြစ်ခြင်းအတွက်ဆေးဝါးများ၏ အညွှန်းပမာဏကိုလိုက်နာပါ။ သောက်သုံးရမည့်ဆေးဝါးများ မကုန်ခင် ကြိုတင်ဖြည့်တင်းထားပါ။

ကလေးကင်ဆာ ဝေဒနာရှင်များတွင်ဖြစ်သည့် ပျို့အန်ချင်စိတ်ဖြစ်ခြင်းနှင့် အော့အန်ခြင်းတို့နှင့် ပတ်သက်၍ နောက်ထပ်အရင်းအမြစ်များ

---
ဤဆောင်းပါးတွင် ဖော်ပြထားသည့် မည့်သည့်ကုန်ပစ္စည်းအမှတ်တံဆိပ်ကိုမျှ သုံးစွဲရန် Together
က ထောက်ခံချက် မပေးပါ။

---
ပြန်လှန်စိစစ်သော ရက်စွဲ- ၂၀၁၉ ခုနှစ် ဇန်နဝါရီလ