ကြိုဆိုပါသည်

Together သည် - လူနာများနှင့် မိဘများ၊ မိသားစုဝင်များနှင့် သူငယ်ချင်းများအပါအဝင် - ကလေးကင်ဆာကြောင့် ထိခိုက်မှုရှိသူတိုင်းအတွက် ရင်းမြစ်အသစ်တစ်ခု ဖြစ်ပါသည်။

ပိုမိုလေ့လာရန်

ကွန်ပျုတာ တိုမိုဂရပ်ဖီ (CT) စကင်

ကွန်ပျုတာ တိုမိုဂရပ်ဖီ (CT) ၊ တစ်နည်းအားဖြင့် ကွန်ပျူတာ အသုံးပြုပြီး တိုမိုဂရပ်ဖီနည်းဖြင့် ပုံရိုက်ယူခြင်း သို့မဟုတ် ကွန်ပျူတာ ဝင်ရိုးထိပ် တိုမိုဂရပ်ဖီ (CAT)သည် ခန္ဓာကိုယ်အတွင်းရှိ အနုစိတ်ပုံရိပ်များကို ထုတ်ယူရန် ကွန်ပျူတာများနှင့် ဓါတ်ရောင်ခြည်များကို သုံးသော စမ်းသပ်မှုဖြစ်သည်။ ကလေးကင်ဆာအတွက် CT ကို အကျိတ်တစ်ခု ရောဂါရှာဖွေရန်၊ ကင်ဆာအဆင့်နှင့် ပက်သက်၍ သတင်းအချက်အလက်များကို ပေးရန်၊ ကုသမှုကို လေ့လာရန်၊ စောင့်ကြည်စစ်ဆေးရန် အသားစထုတ်ယူစစ်ဆေးခြင်း ကဲ့သို့သော လုပ်ငန်းစဉ်များကို လမ်းညွှန်ရန် နှင့် ဓါတ်ရောင်ခြည် ကုသမှုများ.ကို စီမံရာတွင် ကူညီရန် အသုံးပြုနိုင်သည်။

CT စကင်ရိုက်နေစဉ်အတွင်း ခန္ဓာကိုယ်အစိတ်အပိုင်းများဖြစ်သော (ခေါင်း၊ ရင်ဘတ်၊ ဝမ်းဗိုက် သို့မဟုတ် ခန္ဓာကိုယ်တစ်ခုလုံးကို စကင်ဖတ်ယူသောကြောင့် ပုံမှန်အားဖြင့် အချိန်တိုအတွင်း ပုံအမျိုးမျိုးကို ရှုထောင့်အမျိုးမျိုးမှ ရိုက်ယူသည်။ ကန့်လန့် ပိုင်းဖြတ်ပြ ပုံရိပ်များကို ကွန်ပျူတာ မော်နီတာပေါ်တွင် မြင်နိုင်ပြီး ဖလင်ပေါ်တွင် ပရင့်ရိုက်ကာ သို့မဟုတ် စီဒီ သို့မဟုတ် ဒီဗီဒီ တစ်ခုပေါ်တွင် ပြောင်းယူသည်။ ၎င်းတို့သည် အမျိုးမျိုးသော မျက်နှာပြင်တွင် အသစ်ပြန်လည်စီစဉ်နိုင်ပြီး သုံးဘက်မြင်ပုံရိပ်များကို ထုတ်လုပ်နိုင်သည်။

CT စကင် ချိန်းဆိုမှုအတွင်း လူနာများသည် မည်သည်ကို မျှော်လင့်နိုင်သနည်း။

ကလေးကင်ဆာ ဝေဒနာသည်သည် ရှင်းလင်းပြောပြနေသော ကလေးအထူးကုနှင့်အတူ CT ထဲသို့ ဝင်လာပြီး မိခင် သည် အနီးအနားတွင်ရပ်နေသည်။

CT စကင်သည် အချိန်စက္ကန့် အနည်းငယ် ကြာသော်လည်း အကြောဆေး ခွဲခြားမြင်နိုင်သော ပစ္စည်း ကိုပေးပါက ထပ်ခါထပ်ခါ ရိုက်နိုင်သည်။

ကလေး စင်တာ တစ်ခုစီတွင် ၎င်း၏ ကိုယ်ပိုင် လုပ်ငန်းစဉ်များ ရှိသော်လည်း လူနာသည် အောက်ပါတို့ကို မျှော်လင့်နိုင်သည်။ 

  • စာရင်သွင်းခြင်း/မှတ်ပုံတင်ခြင်း- ပထမဦးဆုံးအချိန်တွင် လူနာနှင့် မိဘသည် မှတ်ပုံတင်ထိုင်ခုံ၌ စာရင်းသွင်းမည်ဖြစ်ပြီး လူနာနာမည် ခေါ်သည်အထိ နားနေဆောင်တွင် စောင့်စေမည်။ စာရင်းသွင်းဖို့အတွက် မိနစ်အနည်းငယ်စောစော ရောက်ရှိရန် အရေးကြီးသောကြောင့် လူနာသည် ချိန်းဆိုသော အချိန်တွင် စကင်အတွက် အဆင်သင့်ဖြစ်ရန် အရေးကြီးသည်။
  • CT နည်းပညာရှင်များကို တွေ့ဆုံခြင်း- စကင်အတွက် အချိန်ရောက်သောအခါတွင် CT နည်းပညာရှင်သည် လူနာနှင့် မိဘကို CT စကင်ရိုက်စက် ထားရှိသော အထူးပြုလုပ်ထားသည့် နေရာသို့ လိုက်ပါပို့ဆောင်မည်။ ကလေးအထူးကု သည် လူနာအား ဖြစ်စဉ်ရှင်းပြရာတွင် ကူညီရန် ရှိနေနိုင်ပြီး မေးခွန်းများကို ဖြေကြားပါမည်။ ပုံမှန်အားဖြင့် မိဘတစ်ဦးဦးသည် စကင်ရိုက်နေစဉ်အတွင်း လူနာနှင့်အတူ ရှိနေနိုင်ပြီး ဓါတ်ရောင်ခြည်မှ ကာကွယ်ရန် ခဲရှေ့ဖုံးခါးစည်းဝတ်စုံကို ဝတ်ဆင်ရပါမည်။
  • စကင်အတွက် ပြင်ဆင်ခြင်း- အကယ်၍ လူနာများသည် ခါးပတ်များ၊ ဇစ်များ၊ နှိပ်ကြယ်သီးများ၊ ကြယ်သီးများ၊ ဆံပင် အသုံးအဆောင်များ၊ လက်ပတ်နာရီ၊လက်ဝတ်ရတနာ သို့မဟုတ် ယာယီအထိန်း ကဲ့သို့သော သတ္တုပါဝင်သည့် အဝတ်အစား နှင့် အသုံးအဆောင်များ ဝတ်ဆင်ထားပါက ၎င်းပစ္စည်းများကို ဖယ်ရှားရပါမည်။ အိမ်၌ သတ္တုအသုံးအဆောင်များ ထားခဲ့ပြီး သတ္တုမပါဝင်သော ချောင်ပြီး သက်သောင့်သက်သာရှိသည့် အဝတ်ကို ဝတ်လျှင် အကောင်းဆုံးဖြစ်သည်။ တစ်ခါတစ်ရံတွင် လူနာများကို ဆေးရုံ ဝတ်ရုံကို ဝတ်ဆင်ခိုင်းပါမည်။
CT နည်းပညာရှင်သည် မိခင်ကိုကလေးကင်ဆာလူနာ၏  အနီးအနားတွင်  ထား၍  လူနာကို ခွဲခြားမြင်နိုင်သော ပစ္စည်း ထည့်သွင်းပါသည်။

ပုံရိပ်များ ပို၍ ရှင်းလင်းစေရန်နှင့် အသေးစိတ် မြင်နိုင်ရန် ခွဲခြားမြင်နိုင်သော ပစ္စည်းတစ်ခုကို တစ်ခါတစ်ရံတွင် လိုအပ်ပါသည်။

  • ခွဲခြားမြင်နိုင်သော ပစ္စည်း- ပုံရိပ်များ ပို၍ ရှင်းလင်းစေရန်နှင့် အသေးစိတ် မြင်နိုင်ရန် ခွဲခြားမြင်နိုင်သော ပစ္စည်းတစ်ခုကို တစ်ခါတစ်ရံတွင် လိုအပ်ပါသည်။ ၎င်းပစ္စည်းများသည် မျိုချနိုင်သော သို့မဟုတ် အကြောဆေး လမ်းကြောင်းမှတဆင့် အကြောတစ်ခုအထဲသို့ ထိုးသွင်းနိုင်သော ဆေးရည်ကြည်တစ်မျိုးဖြစ်သည်။ အကယ်၍ မျိုချပါက အရည်၏ အနံ့ သို့မဟုတ် အရသာသည် တစ်မျိုးကြီး ဖြစ်နေနိုင်သည်။ အကယ်၍ အကြောဆေးလမ်းကြောင်းမှတဆင့် ထည့်သွင်းပါက ၎င်းသည် အကြောထဲသို့ ဝင်ရောက်သွားသောကြောင့် ပူနွေးမှုကို ခံစားရနိုင်သည်။ 
  • စကင်ကြာချိန်- စကင်သည် စက္ကန့် အနည်းငယ်သာလျှင် ကြာလေ့ရှိသော်လည်း အကြောဆေး ခွဲခြားမြင်နိုင်သောပစ္စည်း ပေးပါက ထပ်ခါထပ်ခါ ရိုက်နိုင်သည်။ စစ်ဆေးမှု တစ်ခုလုံးသည် ၎င်း၏ ရှုပ်ထွေးမှုပေါ် မူတည်ပြီး ၁၀ မိနစ်မှ ၂၀ မိနစ် အထိကြာနိုင်သည်။  
  • စိတ်ငြိမ်ဆေး- စိတ်ငြိမ်ဆေး ကို စကင်ရိုက်နေစဉ်အတွင်း လူနာသည် ငြိမ်သက်စွာ ရှိနေရန် လိုအပ်မှသာလျှင် ပေးနိုင်သည်။ ၎င်းသည်ငြိမ်သက်စွာ လဲလျောင်းနေရန် အလွန်အရေးကြီးပါသည်။သို့မှသာ ပုံရိပ်များ ကြည်လင်မည်ဖြစ်သည်။ အကယ်၍ လူနာသည် စကင်လုပ်နေစဉ်အတွင်း လှုပ်ခြင်း သို့မဟုတ် စကားပြောခြင်း ပြုလုပ်ပါက ပုံရိပ်ကို ဝါးစေနိုင်ပြီး ထပ်ခါ ထပ်ခါ စကင်ရိုက်ရနိုင်ပါသည်။ လူနာသည် အိပ်ချင်ယောင်ဆောင်ပါက သို့မဟုတ် ရုပ်တုကဲ့သို့ ဖြစ်နေပါက အဆင်ပြေပါသည်။ အသက်ကြီးသော လူနာများကို အသက်ခဏ အောင့်ခိုင်းထားနိုင်သည်။
  • စကင်ရိုက်နေစဉ်အတွင်း မည်သို့ဖြစ်လာမည်နည်း- စက်သည် အလယ်တွင် အထူးပြုလုပ်ထားသော အိပ်ယာပါသည့် ကြီးမားသော ဒိုးနတ်ပုံစံကဲ့သို့ ဖြစ်သည်။ အိပ်ယာကို စင်ဟုလည်းခေါ်သည်။ CT နည်းပညာရှင်သည် လူနာကို စင်ပေါ်တွင် နေရာချပါမည်။ ၎င်းစင်သည် အပေါ် အောက် နှင့် အရှေ့အနောက် ရွှေ့နိုင်သောကြောင့် လူနာသည် စကင်အတွက် မှန်သော နေရာတွင် ရှိသည်။ ဦးခေါင်းအတွက် ခေါင်းအုံး ရှိမည်ဖြစ်ပြီး လူနာကို နေရာမှန်တွင် ငြိမ်သက်စွာ လဲလျောင်းရာတွင် ကူညီရန် ပျော့ပြီး ဘေးကင်းသော ခါးပတ်ရှိပါမည်။  အချို့သော အခြေအနေများတွင် နည်းပညာရှင်သည် လူနာ၏ ဦးခေါင်းပတ်ပတ်လည်တွင် တဘက်များကို ထားနိုင်ပြီး လူနာငြိမ်သက်ရန် နဖူးပေါ်တွင် သေးငယ်ပြီး ပျော့ပျောင်းသော ခါးပတ်ကို ထားနိုင်သည်။ ကလေးစင်တာ အများစုသည် လူနာများကို သက်သောင့်သက်သာရှိသော ပစ္စည်းဖြစ်သည့် အမွေးပွရုပ် သို့မဟုတ် စောင်ကို ယူဆောင်ရန် ခွင့်ပြုသည်။ CT နည်းပညာရှင်သည် လုပ်ငန်းစဉ် လုပ်ဆောင်နေစဉ်အတွင်း လူနာကို မြင်နိုင်၊ ကြားနိုင်၊ စကားပြောနိုင်သော အနီးအနားရှိ နေရာသို့ရွှေ့ပါမည်။  
  • လူနာက မည်သည်ကို မြင်မည်၊ ကြားမည်နည်း- စကင် စတင်သောအခါတွင် လူနာသည် ကင်မရာ၏ အနီရောင်လိုင်းများကို မြင်ပြီး "ဂလောင်ဂလင်" အသံများဖြင့် CT စကင်စက်သည် ဆူညံလာပါမည်။ ကင်မရာက လူနာ၏ခန္ဓာကိုယ်အနှံ့ ရွှေ့လျားသောအခါ တဝီဝီ သို့မဟုတ် ဝှစ်ခနဲ ဝှီးခနဲ မြည်သံကို ကြားရပါမည်။ ကင်မရာသည် လူနာကို မထိခြင်းနှင့် အာရုံခံကိရိယာများသည် ပုံများ ထုတ်လုပ်ရန် ဒေတာကို စုဆောင်းသောကြောင့် လူနာသည် မည်သည်မျှခံစားရမည်မဟုတ်ပါ။ ပုံမှန်အားဖြင့်မိဘသည် စကင်လုပ်ဆောင်နေစဉ်အတွင်း လူနာ၏ လက်ကို ကိုင်နိုင်သည် သို့မဟုတ်လူနာဘေးနားအရန်သင့်ရှိနေနိုင်သည်။ 
  • စစ်ဆေးမှုပြီးနောက်- စစ်ဆေးမှု ပြီးသည့်နောက်တွင် နည်းပညာရှင်သည် ဘေးကင်းခါးပတ်များကို ဖြုတ်မည်ဖြစ်ပြီး အကြောဆေးကို အသုံးပြုပါက ၎င်းကိုလည်း ဖြုတ်ပါမည်။ ထို့နောက်တွင် လူနာသည် စင်ပေါ်က ဆင်းပြီး နေရာမှ ထွက်ခွာနိုင်သည်။ 
  • စစ်ဆေးမှု အဖြေများ- ဆရာဝန်တစ်ဦးဖြစ်သည့် ဓါတ်မှန်ကျွမ်းကျင်ပညာရှင်သည် ပုံရိပ်များကို အကဲဖြတ်ပြီး စစ်ဆေးရန် လူနာအား ညွှန်ကြားသော ဆရာဝန်ထံသို့ တရားဝင် အစီရင်ခံစာ တစ်စောင် ပေးပို့မည်။  
  • ဆရာဝန်နှင့်အတူညှိနှိုင်းဆွေးနွေးခြင်း- ဆရာဝန်သည် CT အဖြေများကို လူနာနှင့် မိသားစုတို့နှင့်အတူ ဆွေးနွေးမည်။ ၎င်းသည် CT စကင်ပြီးနောက် တစ်ရက်မှ ရက်များစွာဖြစ်နိုင်သည်။ 
  • နောက်ဆက်တွဲ- နောက်ဆက်တွဲ စစ်ဆေးမှုများ လိုအပ်နိုင်သည်။ သင်၏ ဆရာဝန်သည် အခြားစစ်ဆေးမှုကို လုပ်ဆောင်ခိုင်းရခြင်းအတွက် တိကျသော အကြောင်းပြချက်ကို ရှင်းပြပါမည်။ ဥပမာအားဖြင့် နောက်ဆက်တွဲ စစ်ဆေးမှုများသည် တစ်ခါတစ်ရံတွင် ကုသမှု၏ အခြေအနေကို သိရှိရန် အကောင်းဆုံးနည်းလမ်း ဖြစ်သည်။ 
လူနာများက အမွေးပွရုပ် သို့မဟုတ် ခြုံစောင် ကဲ့သို့ သက်သောင့်သက်သာရှိသည့် ပစ္စည်းတစ်ခု ယူဆောင်လာနိုင်ခြင်း ရှိမရှိ သင်၏ ပြုစုစောင့်ရှောက်ရေးစင်တာကို မေးမြန်းပါ။

လူနာများက အမွေးပွရုပ် သို့မဟုတ် ခြုံစောင် ကဲ့သို့ သက်သောင့်သက်သာရှိသည့် ပစ္စည်းတစ်ခု ယူဆောင်လာနိုင်ခြင်း ရှိမရှိ သင်၏ ပြုစုစောင့်ရှောက်ရေးစင်တာကို မေးမြန်းပါ။

ချိန်းဆိုမှု အဆင်ပြေချောမွေ့စွာ ပြီးဆုံးစေရန် လူနာနှင့် မိဘများက မည်သည့်အရာများ လုပ်ဆောင်သင့်သနည်း။

  • လူနာများသည် ချောင်ပြီး သက်သောင့်သက်သာ ရှိသော အဝတ်ကို သတ္တုဖြင့် ပြုလုပ်ထားသော နှိပ်ကြယ်သီးများ သို့မဟုတ် ဇစ်များမပါပဲ ဝတ်ဆင်သင့်သည်။ သတ္တုဖြင့် ပြုလုပ်ထားသော လက်ပတ်နာရီ၊ လက်ဝတ်လက်စား သို့မဟုတ် ဆံပင် အသုံးအဆောင်များကို မဝတ်ဆင်ရ။ CT စကင်များပေါ်တွင် သတ္တု ပေါ်လာပြီး ဆရာဝန်ကြည့်ဖို့လိုအပ်သည့် အရာကို မြင်ကွင်းပိတ်နိုင်သည်။ အထူးသဖြင့် ဦးခေါင်း CT စကင်များအတွက် မျက်မှန်ဝတ်ဆင်ခြင်း ရှောင်ကြဉ်ပါ။ 
  • စာရင်းသွင်းဖို့ အချိန်ရစေရန် သင့်၏ချိန်းဆိုမှုအချိန် မတိုင်မီ မိနစ်အနည်းငယ်စော၍ ရောက်လာပါ။
  • မိဘများသည် ၎င်း၏ကလေးတွင် အောက်ပါအရာတို့ဖြစ်ပါက စောင့်ရှောက်သူများကို သတင်းပို့သင့်သည်  
    • ခွဲခြားမြင်နိုင်သော ပစ္စည်း သို့မဟုတ် အိုင်အိုဒင်း ကို ဓါတ်မတည့်မှုရှိပါသလား
    • ကိုယ်ဝန်ရှိနေနိုင်သည်
    • ကျဉ်းသောနေရာများတွင် သက်တောင့်သက်သာမရှိ ဖြစ်ပါသလား
    • အပြုအမူဆိုင်ရာ အထူးလိုအပ်ချက်များ ရှိသည် 
    • ဆီးချိုသွေးချို သို့မဟုတ် ကျောက်ကပ် ပြဿနာများ ရှိသည်
ရင်ဘတ် CT တွင် ကလေး လူနာ၌ ပျံ့နှံ့လွယ်သော အရိုးကင်ဆာ အထောက်အထားမရှိသည်ကို ပြသသည်

ရှင်းလင်းသော ရင်ဘတ် CT တွင် ကလေး လူနာ၌ ပျံ့နှံ့လွယ်သော အရိုးကင်ဆာ အထောက်အထားမရှိသည်ကို ပြသသည်

ရင်ဘတ် CT စကင်တွင် ကလေးလူနာ၌ သန္ဓေသားနာ့ဗ်ဆဲလ်အကျိတ် (ကလေးဘဝ၌ ဖြစ်လေ့ရှိသော အဖုအကျိတ်) အထောက်အထားကို ပြသသည်။

ဖြစ်စဉ် ၁ ပြီးနောက် သန္ဓေသားနာ့ဗ်ဆဲလ်အကျိတ်ရှိသော လူနာ၏ ရင်ဘတ် CT

ဝမ်းဗိုက် CT တွင် ကလေးလူနာ၌ လင့်ကျိတ်ကင်ဆာရောဂါမဟုတ်သော အထောက်အထားကို ပြသည်။

လင့်ကျိတ်ကင်ဆာရောဂါမဟုတ်သော ကလေး လူနာ ၏ ဝမ်းဗိုက် CT

CT သို့မဟုတ် CAT စကင်၏ ကောင်းကျိုးများ/အန္တရာယ်များသည် မည်သည်များဖြစ်သနည်း။

ကောင်းကျိုးများ

သွေးကြောများ၊ တစ်ရှူးပျော့၊ အရိုးများ၊ ကိုယ်တွင်းအင်္ဂါများတို့၏ CT ပုံရိပ်များသည် ရိုးရိုး ဓါတ်မှန်များထက် ပို၍ အနုစိတ်သောပုံရိပ်များကို ရရှိစေသည်။ ၎င်းသည် အထူးသဖြင့် သွေးကြောများနှင့် တစ်ရှူးပျော့များဖြစ်သည်။ စကင်ဖတ်နေစဉ်အတွင်း ထွက်ပေါ်လာသော ပိုင်းဖြတ်ပြ ပုံရိပ်များကို မျက်နှာပြင် အမျိုးမျိုးတွင် ပြန်လည်ပြင်ဆင်နိုင်ပြီး သုံးဘက်မြင် ပုံရိပ်များထုတ်လုပ်နိုင်သည်။ စကင်များသည် ကလေးများတွင် ကင်ဆာရောဂါ ရှာဖွေဖော်ထုတ်ခြင်းနှင့် ကုသခြင်းတွင် ကူညီရန် ဆရာဝန်များအား သတင်းအချက်အလက်များစွာ ပေးသည်။

အန္တရာယ်များ

CT စကင်များသည် ကလေး၏ အသက်အရွယ်နှင့် အရွယ်အစားအရ ချိန်ညှိထားသော ဓါတ်ရောင်ခြည်ပမာဏ အနည်းငယ်ကို အသုံးပြုသည်။ စင်တာများအများစုသည် ကလေးတစ်ဦးချင်းစီ အတွက် အထူးပြုလုပ်ရည်ရွယ်ထားသော ဓါတ်ရောင်ခြည်ပမာဏကို လျှော့ချရန် နည်းဗျူဟာများကို အသေးစိတ် ဖော်ပြရှင်းလင်းသည်။ 

CT စကင်များမှ ဓါတ်ရောင်ခြည်ထိတွေ့မှုသည် အရွယ်ရောက်ပြီးသော လူကြီးများထက် ကလေးများအပေါ်တွင် ကွဲပြားခြားနားစွာ သက်ရောက်မှုရှိသည်။ ကလေးများသည် ၎င်းတို့၏ ကြီးထွားနေသော ခန္ဓာကိုယ်များနှင့် ဆဲလ်များ ကွဲပွားသည့်နှုန်းတို့ကြောင့် ဓါတ်ရောင်ခြည်သက်ရောက်မှုကို ပိုမိုခံစားရသည်။ ဒါ့အပြင် ၎င်းတို့သည် အရွယ်ရောက်ပြီးသော လူကြီးများထက် သက်တမ်းကြာရှည်စွာ ရှိသောကြောင့် ဓါတ်ရောင်ခြည်နှင့်ဆိုင်သော ဆိုးကျိုးများအတွက် အချိန်ပို၍ရှိမည်ဖြစ်ပြီး ၎င်းတွင် ကင်ဆာဖြစ်ပေါ်လာရန် ဖြစ်နိုင်ခြေ အန္တရာယ် အလွန်နည်းပါသည်။ စကင်တစ်ကြိမ်ရိုက်ခြင်းကြောင့် ကင်ဆာ၏ ရာသက်ပန် အန္တရာယ် သည် နည်းပါသည် - အမျိုးသား ကျန်းမာရေး အဖွဲ့အစည်းများအရ စကင်အကြိမ်ရေ ၁၀၀၀ တိုင်း၌ ဖြစ်ရပ် ၁ ခုခန့် ရှိသည်။ CT များ အကြိမ်များစွာ လုပ်ဆောင်သောအခါ အန္တရာယ် များလာသည်။

ဓါတ်ရောင်ခြည် ဘေးကင်းမှုနှင့် ပက်သက်၍ မိဘများက ကျန်းမာရေးစောင့်ရှောက်မှု ဝန်ဆောင်မှုပေးသူများကို မေးနိုင်သော အဓိက မေးခွန်း သုံးမျိုးမှာ-

  1. ဘာကြောင့် ဒီစစ်ဆေးမှုကို လုပ်ဖို့လိုတာလဲ။
  2. အဖြေများက ကုသမှု ဆုံးဖြတ်ချက်များကို ပြောင်းလဲနိုင်မည်လား။
  3. အခြား ဓါတ်ရောင်ခြည်မပါဝင်သော ရွေးချယ်စရာ စစ်ဆေးမှု တစ်ခုရှိပါသလား။

အကယ်၍ CT သည် ဆေးဆိုင်ရာ လိုအပ်ချက် ဖြစ်ပါက ကောင်းကျိုးများသည် ဓါတ်ရောင်ခြည် ထိတွေ့မှုကြောင့်ဖြစ်ပေါ်သော ရေရှည် အန္တရာယ်အနည်းငယ်ကို ကျော်လွန်နိုင်သည်ဟု ကျွမ်းကျင်သူများက ပြောသည်။

အကယ်၍ သင်၌ CT ဘေးကင်းမှုနှင့် ပက်သက်၍ မေးခွန်းများရှိလျှင် သင်၏ ဆရာဝန်ကို မေးပါ။


ပြန်လည်ဆန်းစစ်ခဲ့သည့်အချိန်။ ၂၀၁၈ ခုနှစ် ဇွန်လ