ကြိုဆိုပါသည်

Together သည် - လူနာများနှင့် မိဘများ၊ မိသားစုဝင်များနှင့် သူငယ်ချင်းများအပါအဝင် - ကလေးကင်ဆာကြောင့် ထိခိုက်မှုရှိသူတိုင်းအတွက် ရင်းမြစ်အသစ်တစ်ခု ဖြစ်ပါသည်။

ပိုမိုလေ့လာရန်

Voriconazole (ဗိုရီကိုနာဇိုးလ်)

Antifungal

ကုန်အမှတ်တံဆိပ်အမည်များ:

Vfend®

မကြာခဏအတှကျအသုံးပွု:

မှိုကြောင့်ဖြစ်သော ကူးစက်ရောဂါများ

ကလစ်ဘုတ် သင်္ကေတ

Voriconazole (ဗိုရီကိုနာဇိုးလ်) အကြောင်း

Voriconazole (ဗိုရီကိုနာဇိုးလ်) သည် မှိုကြောင့်ဖြစ်ရသော ကူးစက်ရောဂါများကို တိုက်ဖျက်သော ဆေးဝါးတစ်မျိုးဖြစ်သည်။ ၎င်းဆေးဝါးကို အက်စပါဂျီလတ် မှိုစွဲနာ နှင့် ကင်ဒီဒါ မှိုစွဲနာများအပါအဝင် မှိုကြောင့်ဖြစ်သော ကူးစက်ရောဂါများကို ကုသရန် သို့မဟုတ် ဟန့်တားရန် အသုံးပြုပါသည်။

လူနာများသည် P450 2C19 (CYP2C19) ခေါ် အင်ဇိုင်း တစ်မျိုး၏ လုပ်ဆောင်ချက်အရ Voriconazole (ဗိုရီကိုနာဇိုးလ်) ဆေးကို ၎င်းတို့၏ခန္ဓာကိုယ်က မြန်မြန်ချေဖျက်နိုင်သည် သို့မဟုတ် နှေးနှေးချေဖျက်နိုင်သည်ဟူသည့် အချက်ပေါ် မူတည်၍ လူနာတစ်ယောက်နှင့် တစ်ယောက်ကွဲပြားမှု ရှိပါသည်။ ဆေးပမာဏကို ချိန်ညှိရန် လိုမလိုကို ကြည့်ရန်အတွက် လူနာ၏အင်ဇိုင်းလုပ်ဆောင်ချက်ကို ကြည့်ရမည်ဖြစ်ရာ ၎င်းအတွက် မျိုးဗီဇစမ်းသပ်စစ်ဆေးမှုကို လုပ်ဆောင်နိုင်ပါသည်။

Voriconazole (ဗိုရီကိုနာဇိုးလ်) ကို လက်ခံအသုံးပြုနေရသည့် လူနာများသည် သွေးအတွင်းရှိ Voriconazole (ဗိုရီကိုနာဇိုးလ်) နှင့် ဓာတ်ဆား ပမာဏများကို စစ်ကြည့်ရန်၊ အသည်းနှင့်ကျောက်ကပ်လုပ်ငန်းဆောင်တာကို စောင့်ကြည့်စစ်ဆေးရန်အတွက် သွေးကို ပုံမှန်စစ်နေရမည်ဖြစ်သည်။ ၎င်းဆေးဝါးကို ၂၈ ရက်ထက်ပို၍ သုံးနေရသည့် လူနာများသည် အမြင်အာရုံနှင့် မျက်စိလုပ်ဆောင်ချက်များကို စမ်းသပ်စစ်ဆေးကြည့်သင့်ပါသည်။

ဆေးပြားနှင့် ဆေးတောင့်သင်္ကေတ

ဆေးပြားအဖြစ် ပါးစပ်မှလည်း သောက်၍ရသည်။

 
ဆေးရည်အစက်ချဘူးသင်္ကေတ

ဆေးရည်အဖြစ် ပါးစပ်မှလည်း သောက်၍ရသည်

 
သွေးပြန်ကြောမှသွင်းလျှင် သုံးသည့် အိတ်သင်္ကေတ

၎င်းကို သွေးပြန်ကြောမှလည်း သွင်း၍ရသည် သို့မဟုတ် ထိုးဆေးအဖြစ်လည်း ထိုး၍ရသည်

 
စက်ဝိုင်းသင်္ကေတထဲမှ အာမေဋိတ်အမှတ်အသား

ဖြစ်နိုင်ခြေရှိသော ဘေးထွက်ဆိုးကျိုးများ

  • အမြင်အာရုံ ပြောင်းလဲခြင်းများ (အမြင် ဝေဝါးခြင်း၊ အရောင်များကို ကြည့်ရာတွင် ပြဿနာရှိခြင်းနှင့် အလင်းရောင်ကို မကြည့်နိုင်ခြင်းများ)
  • အနီကွက်ဖြစ်ခြင်း၊ ယားယံခြင်း
  • ပျို့အန်ချင်လာခြင်းနှင့် ပျို့အန်ခြင်း
  • ဝမ်းလျှောခြင်း
  • ဝမ်းဗိုက်နာကျင်မှု
  • လက် သို့မဟုတ် ခြေထောက်များရောင်ရမ်းခြင်း
  • ခေါင်းခေါင်းမူးဝေခြင်း
  • ခေါင်းကိုက်ခြင်း
  • စိတ်အာရုံချောက်ချားခြင်းများ
  • အဖျားရှိခြင်း၊ ချမ်းတုန်ခြင်းများ
  • နှလုံးခုန်နှုန်းမြန်လာခြင်း
  • သွေးပေါင်ချိန်ပြောင်းလာခြင်း
  • နေရောင်ဒဏ်မခံနိုင်ခြင်း
  • အသည်း၏ လုပ်ငန်းဆောင်တာ လျော့ကျလာခြင်း (ယာယီ)
  • ကျောက်ကပ်လုပ်ငန်းဆောင်တာ လျော့ကျလာခြင်း
  • သွေးဥဆဲလ်အရေအတွက် လျော့နည်းခြင်းများ
  • သွေးထဲတွင် မဂ္ဂနီဆီယမ် သို့မဟုတ် ပိုတက်ဆီယမ်ပမာဏကျလာခြင်း

ဤဘေးထွက်ဆိုးကျိုးများကို Voriconazole (ဗိုရီကိုနာဇိုးလ်) သုံးနေသော လူနာတိုင်းခံစားရသည် မဟုတ်ပါ။ အဖြစ်များသော ဘေးထွက်ဆိုးကျိုးများကို စာလုံးမည်းနှင့်ပြထားသည်။ သို့သော် အခြားသော ဘေးထွက်ဆိုးကျိုးများလည်း ရှိနိုင်သည်။ မသင်္ကာစရာ ဘေးထွက်ဆိုးကျိုးအားလုံးကို သင့်ဆရာဝန် သို့မဟုတ် ဆေးစပ်သူအား အသိပေးပါ။

မိသားစုသင်္ကေတ

မိသားစုများအတွက် အကြံပြုချက်များ

ဤအချက်များနှင့် အခြားထောက်ခံချက်များကို သင့်ဆရာဝန် သို့မဟုတ် ဆေးစပ်သူနှင့် တိုင်ပင်ဆွေးနွေးဖြစ်ပါစေ။

  • အစားအသောက်များသည် Voriconazole (ဗိုရီကိုနာဇိုးလ်) ၏အာနိသင်ကို ထိခိုက်စေနိုင်ပါသည်။ သောက်ဆေးအဖြစ်သောက်ပါက ထမင်းမစားခင် သို့မဟုတ် စားပြီး တစ်နာရီအတွင်းတွင် မသောက်သင့်ပါ။
  • လူနာများသည် ဤဆေးကိုသုံးနေသည့် ကာလတွင် မိမိတို့၏အသားအရေကို နေမထိအောင် ကာကွယ်သင့်သည်။
  • အလင်းဒဏ်မခံနိုင်ပါက နေကာမျက်မှန်များက အထောက်အကူရနိုင်ပါသည်။
  • လိင်မှုကိစ္စ လုပ်ဆောင်သော လူနာများသည် ကုသမှုကာလအတောအတွင်းတွင် ကိုယ်ဝန်တားနိုင်ရန် အဆင့်ဆင့်လုပ်ဆောင်ထားသင့်ပါသည်။
  • လူနာများသည် ကိုယ်ဝန်ဆောင်ထားခြင်း သို့မဟုတ် ကလေးနို့တိုက်နေခြင်းဖြစ်ပါက ဆရာဝန်ကို အသိပေးထားသင့်ပါသည်။
  • Voriconazole (ဗိုရီကိုနာဇိုးလ်) သည် အခြားသောဆေးဝါးများ၏ လုပ်ငန်းဆောင်တာကိုလည်း ထိခိုက်စေနိုင်ပါသည်။ ဆေးဝါးနှင့်သက်ဆိုင်သမျှကို ဆရာဝန် သို့မဟုတ် ဆေးစပ်သူအား အသိပေးပါ။
  • ဆရာဝန် သို့မဟုတ် ဆေးစပ်သူက ညွှန်ကြားသည့် ဆေးအားလုံးကို သတ်မှတ်ဆေးချိန်ပမာဏ ပြည့်သည်အထိသောက်ပါ။

Voriconazole (ဗိုရီကိုနာဇိုးလ်) ကို အိမ်တွင် သုံးမည်ဆိုပါက−

  • ဤဆေးသည် သင့်ကို ခေါင်းမူးဝေခြင်း သို့မဟုတ် အိပ်ငိုက်ခြင်းများဖြစ်စေနိုင်ပါသည်။ လူနာများသည် ဤဆေး၏အာနိသင်သက်ရောက်မှုကို မသိရမချင်း အန္တရာယ်ဖြစ်စေနိုင်သော အလုပ်လုပ်ခြင်းများကို မလုပ်ဆောင်သင့်ပါ။
  • အစာမစားမီ သို့မဟုတ် အစာစားပြီး ၁ နာရီအနည်းဆုံး ခြား၍သောက်ပါ။
  • Voriconazole (ဗိုရီကိုနာဇိုးလ်) ဆေးရည်အတွက် ပုလင်းကို သေသေချာချာလှုပ်ပြီး ဆေးနှင့်အတူတွဲပါသည့် အရည်တိုင်းကိရိယာဖြင့် ဆေးချိန်ကို သေသေချာချာတိုင်းပါ။
  • ဆေးသောက်ရန် မေ့သွားပါက သတိရရချင်း တိုက်ပါ။ နောက်တစ်ကြိမ် ဆေးသောက်ချိန်နှင့် ကပ်သွားပါက မသောက်ဘဲထားပါ။ ဆေး ၂ ခွက်စာကို တစ်ချိန်တည်းမသောက်ရပါ။
  • Voriconazole (ဗိုရီကိုနာဇိုးလ်) ဆေးကို အခန်းအပူချိန်တွင် သိုလှောင်သိမ်းဆည်းပါ။
  • သက်တမ်းလွန်ဆေးဝါးများကို အသုံးမပြုပါနှင့်။
  • ဘေးကင်းစွာ သိုလှောင်ခြင်းနှင့် စွန့်ပစ်ခြင်းဆိုင်ရာ ညွှန်ကြားချက်များကို လိုက်နာပါ။

Voriconazole (ဗိုရီကိုနာဇိုးလ်) ရင်းမြစ်များ