ကြိုဆိုပါသည်

Together သည် - လူနာများနှင့် မိဘများ၊ မိသားစုဝင်များနှင့် သူငယ်ချင်းများအပါအဝင် - ကလေးကင်ဆာကြောင့် ထိခိုက်မှုရှိသူတိုင်းအတွက် ရင်းမြစ်အသစ်တစ်ခု ဖြစ်ပါသည်။

ပိုမိုလေ့လာရန်

Tretinoin (ထရီတီနိုအင်)

Chemotherapy

ကုန်အမှတ်တံဆိပ်အမည်များ:

Vesanoid®, Retin-A®

သည်အခြားအမည်များ:

trans-Retinoic Acid, retinoic acid

မကြာခဏအတှကျအသုံးပွု:

ပြင်းထန်သည့် ရှေးဦးခြင်ဆီဆဲလ်ဆိုင်ရာ သွေးကင်ဆာ (APL)

ကလစ်ဘုတ် သင်္ကေတ

Tretinoin (ထရီတီနိုအင်) အကြောင်း သိကောင်းစရာ

Tretinoin (ထရီတီနိုအင်) ဆိုသည်မှာ ရက်တီနွိုက် ခေါ် ဆေးဝါးတစ်မျိုးဖြစ်သည်။ ၎င်းသည် ဆဲလ် နျူကလိယရှိ သီးခြားအာရုံခံများမှနေ၍ ဆဲလ်ကြီးထွားမှုကို ထိန်းချုပ်သည်။ Tretinoin (ထရီတီနိုအင်) ကို ပြင်းထန်သည့် ရှေးဦးခြင်ဆီဆဲလ်ဆိုင်ရာ သွေးကင်ဆာ (APL) ခေါ် သွေးကင်ဆာတစ်မျိုးကို ကုသရန်အတွက် ကီမိုဆေးကုထုံး အဖြစ် အသုံးပြုနိုင်သည်။ 

ကီမိုဆေးအဖြစ် အသုံးပြုရာတွင် ပါးစပ်မှသောက်ရသော ဆေးတောင့်အဖြစ် သုံးသည်။ Tretinoin (ထရီတီနိုအင်) (Retin-A®အဖြစ်) ကို ဝက်ခြံ သို့မဟုတ် အဖုအပိမ့်၊ အနီကွက်ထွက်ခြင်းများ အတွက်လည်း သုံးနိုင်သည်။

ရက်တီနွိုက် (ဗိုက်တာမင် အေ အက်ဆစ်) များသည် ဗိုက်တာမင် အေ (retinol ရက်တီနောလ်) မှ လာခြင်းဖြစ်သော်လည်း ၎င်း၏လုပ်ဆောင်ချက်များမှာ အလွန်ကွဲပြားသည်။ ရက်တီနွိုက် (ဗိုက်တာမင် အေ အက်ဆစ်) ကို အသုံးပြုမည်ဆိုလျှင် အဖွဲ့၏ညွှန်ကြားချက်များနှင့် သတိပေးချက်များကို လိုက်နာသွားရန် အရေးကြီးပါသည်။

ကိုယ်ဝန်ဆောင်နိုင်သည့် အသက်အရွယ်တွင် ရောက်နေသော အမျိုးသမီးလူနာများကို ဗိုက်တာမင် အေ အက်ဆစ်ကီမိုဆေးသွင်းခြင်းကုထုံးမပေးမီ ကိုယ်ဝန်ရှိမရှိ စစ်ဆေးသင့်ပါသည်။ လူနာများသည် သွေးဥအရေအတွက်နှင့် သွေးတွင်းအဆီဓာတ်ကို စစ်ကြည့်ရန်၊ အသည်း၏လုပ်ငန်းဆောင်တာကို စောင့်ကြည့်စစ်ဆေးရန်အတွက် သွေးကို ပုံမှန်ဖောက်ထုတ်နေရမည်ဖြစ်သည်။

ဆေးပြားနှင့် ဆေးတောင့်သင်္ကေတ

ဆေးတောင့်အဖြစ် ပါးစပ်မှလည်း သောက်၍ရသည်

 
လက်ပေါ်အစက်ချနေသည့် သင်္ကေတ

အရေပြားပေါ်လိမ်း၍လည်းရသည်

 
စက်ဝိုင်းသင်္ကေတထဲမှ အာမေဋိတ်အမှတ်အသား

ဖြစ်နိုင်ခြေရှိသော ဘေးထွက်ဆိုးကျိုးများ

  • အ‌ရေပြား၊ ပါးစပ်၊ နှာခေါင်းနှင့် နှုတ်ခမ်းများခြောက်ခြင်း
  • အနီကွက်ဖြစ်ခြင်း၊ ယားယံခြင်း
  • ပျို့အန်ချင်လာခြင်းနှင့် ပျို့အန်ခြင်း
  • ဝမ်းဗိုက်နာကျင်မှု
  • ဝမ်းလျှောခြင်း
  • ခေါင်းကိုက်ခြင်း
  • သွေးအတွင်းရှိ သွေးဥဆဲလ် အရေအတွက် ပြောင်းလဲခြင်း (ကူးစက်ရောဂါဝင်ရောက်နိုင်ခြေမြင့်တက်ခြင်း၊ သွေးယိုစီးခြင်း၊ သွေးအားနည်းခြင်း နှင့်/သို့မဟုတ် နုံးခွေခြင်းများကို ဖြစ်စေနိုင်သည်)
  • APL ကွဲထွက်သည့် ရောဂါလက္ခဏာ (အဖျားတက်ခြင်း၊ ကိုယ်အလေးချိန်တက်ခြင်း၊ အသက်ရှူကြပ်ခြင်း နှင့်/သို့မဟုတ် အဆုတ်နှင့် နှလုံးဆိုင်ရာ ပြဿနာများ
  • ပါးစပ်တွင် အပူဖုကဲ့သို့ အနာများပေါက်ခြင်း
  • မျက်ခမ်းခြောက်ခြင်း၊ အမြင်အာရုံပြောင်းလဲခြင်း သို့မဟုတ် မျက်ကပ်မှန်တပ်ရာတွင် အခက်အခဲရှိခြင်း
  • နေရောင်ဒဏ်မခံနိုင်ခြင်း
  • ခံတွင်းပျက်ခြင်း
  • ကိုယ်အလေးချိန်ကျဆင်းခြင်း သို့မဟုတ် တက်လာခြင်း
  • နုံးခွေခြင်း သို့မဟုတ် အားနည်းခြင်း
  • ကြွက်သား သို့မဟုတ် အဆစ်အမြစ်နာကျင်ခြင်း
  • ဖျားခြင်း
  • ချွေးထွက်ခြင်း၊ အရေပြားများနီမြန်းလာခြင်း
  • ချမ်းတုန်ခြင်း
  • ဝမ်းချုပ်ခြင်း
  • နားကိုက်ခြင်း
  • ဆံပင်ကျွတ်ခြင်း
  • စိတ်ဓာတ်ကျခြင်း၊ စိတ်ပူပန်ခြင်း သို့မဟုတ် အမူအကျင့်ပိုင်းတွင် ပြောင်းလဲခြင်း
  • အသည်း ပြဿနာများ
  • သွေးတွင်းအဆီဓာတ်မြင့်တက်လာခြင်းများ

လိမ်းဆေးအဖြစ်လိမ်းပါက ဖြစ်နိုင်ခြေရှိသော ဘေးထွက်ဆိုးကျိုးများ-

  • ကိုယ်နွေးလာခြင်း၊ ကျိန်းစပ်ခြင်း၊ အရေပြားများနီမြန်းလာခြင်း သို့မဟုတ် စပ်ဖျဉ်းဖျဉ်ဖြစ်ခြင်း
  • အရေပြားသည် နေ၊ လေ သို့မဟုတ် အအေးဒဏ်ကို မခံနိုင်ခြင်း
  • ကုထုံးပြုလုပ်သည့် နေရာတွင် အရေပြားအရောင်ပြောင်းလာခြင်း

ဤဘေးထွက်ဆိုးကျိုးများကို Tretinoin (ထရီတီနိုအင်) သုံးနေသော လူနာတိုင်းခံစားရသည် မဟုတ်ပါ။ အဖြစ်များသော ဘေးထွက်ဆိုးကျိုးများကို စာလုံးမည်းနှင့်ပြထားသည်။ သို့သော် အခြားသော ဘေးထွက်ဆိုးကျိုးများလည်း ရှိနိုင်သည်။ မသင်္ကာစရာ ဘေးထွက်ဆိုးကျိုးအားလုံးကို သင့်ဆရာဝန် သို့မဟုတ် ဆေးစပ်သူအား အသိပေးပါ။

မိသားစုသင်္ကေတ

မိသားစုများအတွက် အကြံပြုချက်များ

ဤအချက်များနှင့် အခြားထောက်ခံချက်များကို သင့်ဆရာဝန် သို့မဟုတ် ဆေးစပ်သူနှင့် တိုင်ပင်ဆွေးနွေးဖြစ်ပါစေ။

  • လူနာများသည် ဤဆေးကို သုံးနေချိန်တွင် ဗိုက်တာမင် အေ (ရက်တီနောလ်) ပါဝင်သည့် ဗိုက်တာမင်အား ဆေးများ သို့မဟုတ် ဖြည့်စွက်စာများကို ဆရာဝန်ညွှန်ကြားချက်မပါဘဲ မသောက်သင့်ပါ။
  • Tretinoin (ထရီတီနိုအင်) ကို သုံးနေသည့် ကာလတွင် လူနာများသည် တက်ထရာဆိုက်ကလင်း ပါဝင်သည့် မည်သည့်ဆေးကိုမျှ မသောက်သင့်ပါ။
  • လူနာများသည် ဤဆေးကိုသုံးနေသည့် ကာလတွင် အရက်သောက်ခြင်းကို ရှောင်ကျဉ်သင့်သည်။
  • လူနာများသည် ဤဆေးကိုသုံးနေသည့် ကာလတွင် မိမိတို့၏အသားအရေကို နေမထိအောင် ကာကွယ်သင့်သည်။
  • လိင်မှုကိစ္စ လုပ်ဆောင်သော လူနာများသည် ကုသမှုကာလနှင့် ကုထုံးကာလအလွန် ၁ လ အတောအတွင်းတွင် ကိုယ်ဝန် မရရှိစေရန် စီစဉ်သင့်သည်။
  • လူနာများသည် ကိုယ်ဝန်ဆောင်ထားခြင်း သို့မဟုတ် ကလေးနို့တိုက်နေခြင်းဖြစ်ပါက ဆရာဝန်ကို အသိပေးထားသင့်ပါသည်။ လူနာများသည် Tretinoin (ထရီတီနိုအင်) ဆေးကိုသုံးနေသည့် ကာလတွင် ကိုယ်ဝန်ရှိလာပါက ဤဆေးကို ချက်ချင်းဖြတ်သင့်ပါသည်။
  • ကျန်းမာရေးစောင့်ရှောက်ပေးနေရသူများသည် ဤဆေးကို ဘေးကင်းစွာ ကိုင်တွယ်အသုံးပြုနိုင်ရန်နှင့် စွန့်ပစ်နိုင်ရန်အတွက် ညွှန်ကြားချက်များကို လိုက်နာသင့်ပါသည်။ လူနာကို စောင့်ရှောက်ပေးမည့်သူတွင် ကိုယ်ဝန်ရှိနေပါက Tretinoin (ထရီတီနိုအင်) ကို မကိုင်တွယ်သင့်ပါ။

Tretinoin (ထရီတီနိုအင်) ကို အိမ်တွင် သုံးမည်ဆိုပါက-

  • ဆေးတောင့်အဖြစ် ပါးစပ်မှလည်း သောက်မည်ဆိုပါက-
    • ဆေးကိုမနက်စာ၊ နေ့လယ်စာ၊ ညစာစားပြီး သောက်ပါ။ ရေတစ်ဖန်ခွက်နှင့်သောက်ပါ။
    • ဆေးတောင့်များကို အတောင့်လိုက်မျိုချပါ။ ဆရာဝန် သို့မဟုတ် ဆေးစပ်သူက အကြံပြုခြင်း မရှိပါက ဆေးတောင့်များကိုနှစ်ပိုင်းပိုင်းခြင်း၊ ကြိတ်ခြေခြင်း သို့မဟုတ် ဝါးခြင်းများ မပြုလုပ်ပါနှင့်။
    • Tretinoin (ထရီတီနိုအင်) ကို အစာပိုက်ဖြင့်လည်း သွင်း၍ရသည်။ သင့်ဆရာဝန် သို့မဟုတ် ဆေးစပ်သူကပေးသော ညွှန်ကြားချက်များကို လိုက်နာပါ။
    • ဆေးတောင့်များကို အခန်းအပူချိန်တွင် သိုလှောင်သိမ်းဆည်းပါ။ အလင်းရောင်မထိအောင် ကာကွယ်ထားပါ။
  • အရေပြားလိမ်းဆေး သို့မဟုတ် အရေပြားဂျယ်လ်အဖြစ် အသုံးပြုပါက-
    • အိပ်ခါနီးတွင် အသုံးပြုပါ သို့မဟုတ် သင့်ဆရာဝန် သို့မဟုတ် ဆေးစပ်သူက အခြားနည်းဖြင့်သုံးရန် ညွှန်ကြားထားပါက ညွှန်ကြားထားသည့်အတိုင်းသုံးပါ။
    • ဆေးမလိမ်းမီ လက်ကိုစင်ကြယ်အောင် ဆေးပါ။
    • လက်ဆေးပြီး အနည်းဆုံး မိနစ် ၂၀ အကြာထားပြီးမှသာ သန့်ရှင်းခြောက်သွေ့သော အရေပြားပေါ် ခပ်ပါးပါးလိမ်းပေးပါ။ အသာအယာပွတ်ပြီး လိမ်းပါ။ ပါးစပ်၊ နှာခေါင်းနှင့် မျက်စိများထဲသို့မဝင်အောင် ရှောင်ကျဉ်ပါ။
    • ဆေးကို အခန်းအပူချိန်တွင် သိုလှောင်သိမ်းဆည်းပါ။
  • ဆေးသောက်ရန် မေ့သွားပါက သတိရရချင်း တိုက်ပါ။ နောက်တစ်ကြိမ် ဆေးသောက်ချိန်နှင့် ကပ်သွားပါက မသောက်ဘဲထားပါ။ ဆေး ၂ ခွက်စာကို တစ်ချိန်တည်းမသောက်ရပါ။
  • သက်တမ်းလွန်ဆေးဝါးများကို အသုံးမပြုပါနှင့်။
  • ဘေးကင်းစွာ ကိုင်တွယ်ခြင်း၊ သိုလှောင်ခြင်းနှင့် စွန့်ပစ်ခြင်းဆိုင်ရာ ညွှန်ကြားချက်များကို လိုက်နာပါ။