ကြိုဆိုပါသည်

Together သည် - လူနာများနှင့် မိဘများ၊ မိသားစုဝင်များနှင့် သူငယ်ချင်းများအပါအဝင် - ကလေးကင်ဆာကြောင့် ထိခိုက်မှုရှိသူတိုင်းအတွက် ရင်းမြစ်အသစ်တစ်ခု ဖြစ်ပါသည်။

ပိုမိုလေ့လာရန်

Isotretinoin (အိုင်ဆိုထရက်တီနိုအင်)

Chemotherapy

ကုန်အမှတ်တံဆိပ်အမည်များ:

Absorica®, Amnesteem®, Claravis®, Myorisan®, Zenatane®, Accutane®

သည်အခြားအမည်များ:

Cis-Retinoic Acid

မကြာခဏအတှကျအသုံးပွု:

က‌‌လေးဘဝ၌ ဖြစ်လေ့ရှိသော အဖုအကျိတ်၊ ဝက်ခြံ

ကလစ်ဘုတ် သင်္ကေတ

Isotretinoin (အိုင်ဆိုထရက်တီနိုအင်) အကြောင်း

Isotretinoin (အိုင်ဆိုထရက်တီနိုအင်) သည် ရက်တီနွိုက် ခေါ် ဆေးတစ်မျိုးဖြစ်သည်။ ၎င်းသည် ဆဲလ် နျူကလိယရှိ သီးခြားအာရုံခံများမှနေ၍ ဆဲလ်ကြီးထွားမှုကို ထိန်းချုပ်သည်။ Isotretinoin (အိုင်ဆိုထရက်တီနိုအင်) ကို ကလေးဘဝ၌ ဖြစ်လေ့ရှိသော အဖုအကျိတ်ကဲ့သို့ အချို့ကင်ဆာများကို ကုသရန် ကီမိုဆေးသွင်းခြင်း ကုထုံးအဖြစ် အသုံးပြုနိုင်သည်။ ပြင်းထန်သည့် ဝက်ခြံအတွက်လည်း ကုထုံးအဖြစ် အသုံးပြုပါသည်။

ရက်တီနွိုက် (ဗိုက်တာမင် အေ အက်ဆစ်) များသည် ဗိုက်တာမင် အေ (retinol ရက်တီနောလ်) မှ လာခြင်းဖြစ်သော်လည်း ၎င်း၏လုပ်ဆောင်ချက်များမှာ အလွန်ကွဲပြားသည်။ ရက်တီနွိုက် (ဗိုက်တာမင် အေ အက်ဆစ်) ကို အသုံးပြုမည်ဆိုလျှင် အဖွဲ့၏ညွှန်ကြားချက်များနှင့် သတိပေးချက်များကို လိုက်နာသွားရန် အရေးကြီးပါသည်။

ကိုယ်ဝန်ဆောင်နိုင်သည့် အသက်အရွယ်တွင် ရောက်နေသော အမျိုးသမီးလူနာများကို ဤဆေးအား စတင်မပေးမီ ကိုယ်ဝန်ရှိမရှိ စစ်ဆေးသင့်ပါသည်။ လူနာများသည် သွေးဥအရေအတွက်၊ သွေးတွင်းသကြားဓာတ်နှင့် သွေးတွင်းအဆီဓာတ်ကို စစ်ကြည့်ရန်၊ အသည်း၏လုပ်ငန်းဆောင်တာကို စောင့်ကြည့်စစ်ဆေးရန်အတွက် သွေးကို ပုံမှန်ဖောက်ထုတ်နေရမည်ဖြစ်သည်။

ဆေးပြားနှင့် ဆေးတောင့်သင်္ကေတ

ဆေးတောင့်အဖြစ် ပါးစပ်မှလည်း သောက်၍ရသည်

 
စက်ဝိုင်းသင်္ကေတထဲမှ အာမေဋိတ်အမှတ်အသား

ဖြစ်နိုင်ခြေရှိသော ဘေးထွက်ဆိုးကျိုးများ

  • အသားခြောက်ခြင်း၊ အရေပြားအဖတ်ကွာခြင်း
  • အာခေါင်၊ နှာခေါင်းနှင့် နှုတ်ခမ်းများခြောက်ခြင်း
  • မျက်ခမ်းခြောက်ခြင်း၊ အမြင်အာရုံပြောင်းလဲခြင်း သို့မဟုတ် မျက်ကပ်မှန်တပ်ရာတွင် အခက်အခဲရှိခြင်း
  • နေရောင်ဒဏ်မခံနိုင်ခြင်း
  • ကြွက်သား သို့မဟုတ် အဆစ်အမြစ်နာကျင်ခြင်း
  • အမူအကျင့်ပိုင်းတွင် ပြောင်းလဲခြင်း
  • အသည်း ပြဿနာများ
  • သွေးတွင်းအဆီဓာတ်မြင့်တက်လာခြင်းများ
  • အနီကွက်ဖြစ်ခြင်း၊ ယားယံခြင်း
  • ပါးစပ်တွင် အပူဖုကဲ့သို့ အနာများပေါက်ခြင်း
  • ပျို့အန်ချင်လာခြင်းနှင့် ပျို့အန်ခြင်း
  • နုံးခွေခြင်း သို့မဟုတ် အားနည်းခြင်း
  • ဖျားခြင်း
  • ချွေးထွက်ခြင်း
  • ဝမ်းဗိုက်နာကျင်မှု
  • ဝမ်းလျှောခြင်း
  • ခေါင်းကိုက်ခြင်း
  • ဆံပင်ကျွတ်ခြင်း
  • စိတ်ဓာတ်ကျခြင်း၊ စိတ်ပူပန်ခြင်း
  • သွေးအတွင်းရှိ သွေးဥဆဲလ် အရေအတွက်လျော့နည်းခြင်း (ကူးစက်ရောဂါဝင်ရောက်နိုင်ခြေမြင့်တက်ခြင်း၊ သွေးယိုစီးခြင်း၊ သွေးအားနည်းခြင်း နှင့်/သို့မဟုတ် နုံးခွေခြင်းများကို ဖြစ်စေနိုင်သည်)
  • သွေးတွင်းသကြားဓာတ် များလာခြင်း

ဤဘေးထွက်ဆိုးကျိုးများကို Isotretinoin (အိုင်ဆိုထရက်တီနိုအင်) သုံးနေသော လူနာတိုင်းခံစားရသည် မဟုတ်ပါ။ အဖြစ်များသော ဘေးထွက်ဆိုးကျိုးများကို စာလုံးမည်းနှင့်ပြထားသည်။ သို့သော် အခြားသော ဘေးထွက်ဆိုးကျိုးများလည်း ရှိနိုင်သည်။ မသင်္ကာစရာ ဘေးထွက်ဆိုးကျိုးအားလုံးကို သင့်ဆရာဝန် သို့မဟုတ် ဆေးစပ်သူအား အသိပေးပါ။

နောက်ဆက်တွဲဆိုးကျိုးသင်္ကေတ

ရေရှည်ကုသမှုနှင့်အတူ ဖြစ်နိုင်ခြေရှိသော ဘေးထွက်ဆိုးကျိုးများ

အချို့သောလူနာများတွင် ကုထုံးပြီးဆုံးပြီး လပေါင်းများစွာ သို့မဟုတ် နှစ်ပေါင်းများစွာကြာသည့်တိုင်အောင် ရေရှည် သို့မဟုတ် နောက်ဆက်တွဲဆိုးကျိုးများကို ခံစားရနိုင်ပါသည်။ Isotretinoin (အိုင်ဆိုထရက်တီနိုအင်) ကြောင့် ဖြစ်တတ်သည့် နောက်ဆက်တွဲဆိုးကျိုးများမှာ−

  • အရိုးသတ္ထုသိပ်သည်းဆ လျော့ကျလာခြင်း
  • ခန္ဓာကိုယ်ကြီးထွားမှု ပျက်ယွင်းခြင်း
မိသားစုသင်္ကေတ

မိသားစုများအတွက် အကြံပြုချက်များ

ဤအချက်များနှင့် အခြားထောက်ခံချက်များကို သင့်ဆရာဝန် သို့မဟုတ် ဆေးစပ်သူနှင့် တိုင်ပင်ဆွေးနွေးဖြစ်ပါစေ။

  • လူနာများသည် ဤဆေးကို သုံးနေချိန်တွင် ဗိုက်တာမင် အေ (ရက်တီနောလ်) ပါဝင်သည့် ဗိုက်တာမင်အား ဆေးများ သို့မဟုတ် ဖြည့်စွက်စာများကို ဆရာဝန်ညွှန်ကြားချက်မပါဘဲ မသောက်သင့်ပါ။
  • Isotretinoin (အိုင်ဆိုထရက်တီနိုအင်) ကို သုံးနေသည့် ကာလတွင် လူနာများသည် တက်ထရာဆိုက်ကလင်း ပါဝင်သည့် မည်သည့်ဆေးကိုမျှ မသောက်သင့်ပါ။
  • လူနာများသည် ဤဆေးကိုသုံးနေသည့် ကာလတွင် အရက်သောက်ခြင်းကို ရှောင်ကျဉ်သင့်သည်။
  • လူနာများသည် ဤဆေးကိုသုံးနေသည့် ကာလတွင် မိမိတို့၏အသားအရေကို နေမထိအောင် ကာကွယ်သင့်သည်။
  • လိင်မှုကိစ္စ လုပ်ဆောင်သော လူနာများသည် ကုသမှုကာလနှင့် ကုထုံးကာလအလွန် ၁ လ အတောအတွင်းတွင် ကိုယ်ဝန် မရရှိစေရန် စီစဉ်သင့်သည်။
  • လူနာများသည် ကိုယ်ဝန်ဆောင်ထားခြင်း သို့မဟုတ် ကလေးနို့တိုက်နေခြင်းဖြစ်ပါက ဆရာဝန်ကို အသိပေးထားသင့်ပါသည်။ လူနာများသည် Isotretinoin (အိုင်ဆိုထရက်တီနိုအင်) ဆေးကိုသုံးနေသည့် ကာလတွင် ကိုယ်ဝန်ရှိလာပါက ဤဆေးကို ချက်ချင်းဖြတ်သင့်ပါသည်။
  • ကျန်းမာရေးစောင့်ရှောက်ပေးနေရသူများသည် ဤဆေးကို ဘေးကင်းစွာ ကိုင်တွယ်အသုံးပြုနိုင်ရန်နှင့် စွန့်ပစ်နိုင်ရန်အတွက် ညွှန်ကြားချက်များကို လိုက်နာသင့်ပါသည်။ လူနာကို စောင့်ရှောက်ပေးမည့်သူတွင် ကိုယ်ဝန်ရှိနေပါက Isotretinoin (အိုင်ဆိုထရက်တီနိုအင်) ကို မကိုင်တွယ်သင့်ပါ။

အိမ်တွင် သုံးမည်ဆိုပါက−

  • Isotretinoin (အိုင်ဆိုထရက်တီနိုအင်) သည် နိုးကြားမှု၊ မြင်ကွင်း နှင့်/သို့မဟုတ် ညမြင်ကွင်းကို ပျက်ယွင်းစေနိုင်ပါသည်။ လူနာများသည် ဤဆေး၏အာနိသင်သက်ရောက်မှုကို မသိရမချင်း အန္တရာယ်ဖြစ်စေနိုင်သော အလုပ်လုပ်ခြင်းများကို မလုပ်ဆောင်သင့်ပါ။
  • ဆရာဝန် သို့မဟုတ် ဆေးစပ်သူက ညွှန်ကြားထားခြင်းမရှိပါက ဆေးကို အစာခံပြီး သောက်ပါ။ ရေတစ်ဖန်ခွက်နှင့်သောက်ပါ။
  • နူးညံ့သည့် ဂျယ်လတင်ကော်သုံး ဆေးတောင့်များကို အတောင့်လိုက်မျိုချပါ (ပိုကောင်း) သို့မဟုတ် ဝါးပြီးမှ မျိုချပါ။
  • သင့်ကလေးသည် ဆေးတောင့်ကို အတောင့်လိုက်မျိုမချနိုင်ပါက ဆေးတိုက်၍ရနိုင်မည့် အခြားနည်းလမ်းများလည်းရှိပါသည်။ ဆေးတောင့်ကို ပန်းကန်လုံးငယ်ထဲတွင် ရေနွေး သို့မဟုတ် နို့နွေးနွေးထဲတွင် ၂−၃ မိနစ်ခန့် ပျော့အောင်စိမ်ပြီးနောက်−
    • စိမ်ရေအပါအဝင် ပျော့အောင်စိမ်ထားသည့် ဆေးတောင့်ကိုပါသောက်ပါ။
    • ပျော့အောင်စိမ်ထားသည့် ဆေးတောင့်ကို ဝါးစားပါ သို့မဟုတ် မျိုချပါ။ ကျန်သည့်အရည်ကို လွှင့်ပစ်ပါ။
    • ပျော့အောင်စိမ်ထားသည့် ဆေးတောင့်ကို အစားအစာတစ်ဇွန်းပေါ်တင်ပြီး စားပါ။
    • ဆေးတောင့်ကို ဖောက်ပြီး ဆေးကို မြေပဲထောပတ်၊ ပူတင်း သို့မဟုတ် ရေခဲမုန့်တစ်ဇွန်းပေါ်သို့ ညှစ်ချပြီး သောက်ပါ။
  • Isotretinoin (အိုင်ဆိုထရက်တီနိုအင်) ကို အစာပိုက်ဖြင့်လည်း ပေးနိုင်ပါသည်။ သင့်ဆရာဝန် သို့မဟုတ် ဆေးစပ်သူကပေးသော ညွှန်ကြားချက်များကို လိုက်နာပါ။
  • ဆေးတောင့်များကို အခန်းအပူချိန်တွင် သိုလှောင်သိမ်းဆည်းပါ။ အလင်းရောင်မထိအောင် ကာကွယ်ထားပါ။
  • ဆေးသောက်ရန် မေ့သွားပါက သတိရရချင်း တိုက်ပါ။ နောက်တစ်ကြိမ် ဆေးသောက်ချိန်နှင့် ကပ်သွားပါက မသောက်ဘဲထားပါ။ ဆေး ၂ ခွက်စာကို တစ်ချိန်တည်းမသောက်ရပါ။
  • သက်တမ်းလွန်ဆေးဝါးများကို အသုံးမပြုပါနှင့်။
  • ဘေးကင်းစွာ ကိုင်တွယ်ခြင်း၊ သိုလှောင်ခြင်းနှင့် စွန့်ပစ်ခြင်းဆိုင်ရာ ညွှန်ကြားချက်များကို လိုက်နာပါ။