ကြိုဆိုပါသည်

Together သည် - လူနာများနှင့် မိဘများ၊ မိသားစုဝင်များနှင့် သူငယ်ချင်းများအပါအဝင် - ကလေးကင်ဆာကြောင့် ထိခိုက်မှုရှိသူတိုင်းအတွက် ရင်းမြစ်အသစ်တစ်ခု ဖြစ်ပါသည်။

ပိုမိုလေ့လာရန်

အေဆိုက်ကလိုဗီရာ

Antiviral

ကုန်အမှတ်တံဆိပ်အမည်များ:

Zovirax®, Sitavig®

သည်အခြားအမည်များ:

Aciclovir; ACV; Acycloguanosine

မကြာခဏအတှကျအသုံးပွု:

ဗိုင်းရပ်စ်ပိုးကူးစက်မှုများ

ကလစ်ဘုတ် သင်္ကေတ

အေဆိုက်ကလိုဗီရာဆိုတာဘာလဲ?

အေဆိုက်ကလိုဗီရာဆေးသည် ဗိုင်းရပ်စ်ပိုးကိုသုတ်သင်ပေးသောဆေးတစ်မျိုးဖြစ်သည်။ ကိုယ်ခံအားစနစ်အားနည်းနေသည့်လူနာများတွင် အချို့သောဗိုင်းရပ်စ်ကူးစက်မှုကြောင့်ဖြစ်သော နာမကျန်းမှုကို ကုသရာတွင် အသုံးပြုသည်။ ၎င်းကို ဟားပီးစ်ရေယုန်များ (herpes simplex virus-HSV)၊ ရေကျောက် (varicella-chicken pox)၊ ရှင်းဂယ်ရေယုန်များ (herpes zoster-shingles)၊ သို့ ဆိုက်တိုမက်ဂါလိုဗိုင်းရပ်စ် (cytomegalovirus-CMV)တို့အတွက် အသုံးပြုနိုင်သည်။ အေဆိုက်ကလိုဗီရာဆေးကို အရေပြားပေါ်သို့လိမ်းရာတွင် ပါးစပ်အနာများနှင့် လိင်အင်္ဂါကြွက်နို့များအတွက် အသုံးပြုနိုင်သည်။

အေဆိုက်ကလိုဗီရာဆေးသွေးပြန်ကြောပြင်ပသို့ စိမ့်ထွက်သွားပါက အနီးနားရှိတစ်ရှူးများကို ပျက်စီးသွားစေနိုင်သည်။ လူနာများ အကြောဆေးသွင်းထားသည့်နေရာရှိ အရေပြားတွင် နီမြန်းခြင်းနှင့် ထိခိုက်ပျက်စီးနေခြင်းတို့ ရှိနေနိုင်သည်။ အကယ်၍ ဆေးသွင်းနေစဉ် အပူလောင်သလိုမျိုးခံစားနေရပါက စောင့်ရှောက်ကုသပေးနေသည့်သူ တစ်ဦးဦးကို အသိပေးပါ။

သွေးဥဆဲလ် အရေအတွက်ကို စစ်ဆေးရန်နှင့် အသည်းနှင့် ကျောက်ကပ်တို့၏ လုပ်ငန်းဆောင်တာတို့ကို စောင့်ကြည့်လေ့လာနိုင်ရန် အေဆိုက်ကလိုဗီရာဆေးအသုံးပြုနေသောလူနာများကို သွေးနှင့်ဆီးစစ်ခြင်းတို့ ပြုလုပ်မည်ဖြစ်သည်။ အေဆိုက်ကလိုဗီရာအကြောဆေးသွင်းနေသော လူနာများတွင် အာရုံကြောအဆိပ်သင့်မှုရှိ/မရှိကို စောင့်ကြည့်နေမည်ဖြစ်သည်။ ခန္ဓာကိုယ်တုန်ယင်ခြင်း၊ စိတ်ရှုပ်ထွေးခြင်း၊ စိတ်ဆတ်လာခြင်းနှင့် အသိစိတ်ပြောင်းလဲလာခြင်းစသည့်ပြဿနာများ ဖြစ်ပေါ်လာနိုင်သည်။ အထူးသဖြင့် ဆေးပမာဏမြင့်မြင့်ပေးထားသော လူနာများ သို့မဟုတ် ကျောက်ကပ်စွမ်းဆောင်ရည် လျော့ကျနေသောလူနာများတွင် ပိုဖြစ်နိုင်သည်။

ဆေးပြားနှင့် ဆေးတောင့် သင်္ကေတ

ဆေးပြား သို့ ဆေးတောင့်အဖြစ် ပါးစပ်မှလည်း သောက်၍ရသည်

 
အရည်စက်ကျနိုင်သည့် သင်္ကေတ

ဆေးရည်အဖြစ် ပါးစပ်မှလည်း သောက်၍ရသည်

 
iv အိတ်

ဆေးရည်အဖြစ် သွေးပြန်ကြောမှလည်း သွင်း၍ရသည်

 
လက်ပေါ်အစက်ချနေသည့် သင်္ကေတ

အရေပြားပေါ်လိမ်း၍လည်းရသည်

 
စက်ဝိုင်းသင်္ကေတထဲမှ အာမေဋိတ်အမှတ်အသား

ဖြစ်နိုင်ခြေရှိသော ဘေးထွက်ဆိုးကျိုးများ

  • ပျို့အန်ချင်လာခြင်းနှင့် ပျို့အန်ခြင်း
  • နုံးခွေခြင်း သို့မဟုတ် အားနည်းခြင်း
  • ခေါင်းကိုက်ခြင်း
  • ဝမ်းလျှောခြင်း
  • အကြောဆေးထိုးထားသည့်နေရာ သို့ ဆေးလိမ်းထားသည့်နေရာတို့ရှိ အရေပြားမှာနီမြန်းနေခြင်း
  • အနီကွက်ဖြစ်ခြင်း၊ ယားယံခြင်း၊ အင်ပြင်ထခြင်း
  • ခေါင်းမူးဝေခြင်း
  • အိပ်ငိုက်သလိုခံစားနေရခြင်း
  • ကျောက်ကပ်ပြဿနာများ
  • အသည်း ပြဿနာများ

အေဆိုက်ကလိုဗီရာဆေးသောက်သူတိုင်း အဆိုပါဘေးထွက်ဆိုးကျိုးများကို တွေ့ကြုံရမည် မဟုတ်ပါ။ အဖြစ်များသော ဘေးထွက်ဆိုးကျိုးများကို စာလုံးမည်းနှင့်ပြထားသည်။ သို့သော် အခြားသော ဘေးထွက်ဆိုးကျိုးများလည်း ရှိနိုင်သည်။ မသင်္ကာစရာ ဘေးထွက်ဆိုးကျိုးအားလုံးကို သင့်ဆရာဝန် သို့မဟုတ် ဆေးစပ်သူအား အသိပေးပါ။

မိသားစုသင်္ကေတ

မိသားစုများအတွက် အကြံပြုချက်များ

ဤအချက်များနှင့် အခြားထောက်ခံချက်များကို သင့်ဆရာဝန် သို့မဟုတ် ဆေးစပ်သူနှင့် တိုင်ပင်ဆွေးနွေးဖြစ်ပါစေ။

  • ဤဆေးကိုသောက်နေစဉ် အရည်များများသောက်ရန် အရေးကြီးပါသည်။ လူနာများအနေဖြင့် ရေကို ထိုက်သင့်သည့် ပမာဏအထိ သောက်သုံးမိစေရန် ကျန်းမာရေး စောင့်ရှောက်မှုအဖွဲ့၏ ညွှန်ကြားချက်များကို လိုက်နာသင့်ပါသည်။
  • လူနာများသည် ကိုယ်ဝန်ဆောင်ထားခြင်း သို့မဟုတ် ကလေးနို့တိုက်နေခြင်းဖြစ်ပါက ဆရာဝန်ကို အသိပေးထားသင့်ပါသည်။
  • ဆရာဝန် သို့မဟုတ် ဆေးစပ်သူက ညွှန်ကြားသည့် ဆေးအားလုံးကို သတ်မှတ်ဆေးချိန်ပမာဏ ပြည့်သည်အထိသောက်ပါ။

အေဆိုက်ကလိုဗီရာဆေးကို အိမ်တွင်အသုံးပြုခြင်း-

  • ဤဆေးသည် သင့်ကို ခေါင်းမူးဝေခြင်း သို့မဟုတ် အိပ်ငိုက်ခြင်းများဖြစ်စေနိုင်ပါသည်။ လူနာများသည် ဤဆေး၏အာနိသင်သက်ရောက်မှုကို မသိရမချင်း အန္တရာယ်ဖြစ်စေနိုင်သော အလုပ်လုပ်ခြင်းများကို မလုပ်ဆောင်သင့်ပါ။
  • အေဆိုက်ကလိုဗီရာသောက်ဆေးကို အစာဖြင့် သို့ အစာမစားမီသောက်နိုင်သည်။
  • ဆေးပြားနှင့် ဆေးတောင့်များကို အလုံးလိုက်သောက်ပါ။ ဖြတ်ခြင်း၊ အမှုန့်ခြေခြင်း သို့ ဝါးစားခြင်းမပြုရ။
  • ဆေးရည်ပုံစံဖြစ်ပါက မသောက်မီလှုပ်ပေးပါ။
  • အေဆိုက်ကလိုဗီရာဆေးကို အစာသွင်းပိုက်မှတစ်ဆင့်လည်း ပေးနိုင်သည်။ သင်၏ ဆရာဝန် သို့ ဆေးပညာရှင်တို့၏ ညွှန်ကြားချက်များအတိုင်းလိုက်နာပါ။
  • ခရမ်နှင့် လိမ်ဆေးပုံစံ- အရေပြားပေါ်သို့မလိမ်းမီနှင့် လိမ်းပြီးနောက် လက်ကိုသေချာဆေးပါ။ မျက်လုံးအတွင်းသို့ မဝင်ပါစေနှင့်။ မျက်စိတစ်ဝိုက်ကို လက်ဖြင့်ပွတ်ခြင်းမပြုရ။ အခြားနေရာများသို့ ရောဂါပိုးပြန့်နှံ့မသွားစေရန် လိမ်းဆေးလိမ်းရာတွင် လက်အိတ်ကိုအသုံးပြုပါ။
  • ငုံဆေးပြားများ- ငုံဆေးပြားတစ်ပြားဆိုသည်မှာ ပါးနှင့်သွားဖုံးကြားထဲတွင် ထည့်ထားရပြီး၊ အချိန်ကြာလာသည်နှင့်အမျှ တဖြည်းဖြည်းပျော်ဝင်သွားစေခြင်းဖြစ်သည်။ အေဆိုက်ကလိုဗီရာဆေးကိုငုံထားပါက ဆေးပြား၏ခုံးနေသောအပိုင်းကို ရေယုန်ရှိနေသောဘက် စွယ်သွားနှင့်သွားဖုံးကြားတွင် ကပ်ထားလိုက်ပါ။ ထိုနေရာတွင် ဆေးပြားကို အနည်းဆုံး စက္ကန့် ၃၀ မျှ ညင်သာစွာထားပေးပါ။ သေချာကပ်နေပါစေ။ ဆေးပြားကို မျိုချခြင်း၊ ဝါးစားခြင်း သို့ စုပ်ခြင်း မပြုလုပ်ရ။ ပျော်ဝင်သွားစေရန် အနည်းဆုံး ၆ နာရီကြာထားလိုက်ပါ။ သင့်အနေဖြင့် ပုံမှန်စားနိုင်၊ သောက်နိုင်နေသော်လည်း ဆေးပြားပြုတ်ထွက်မသွားစေရန် ဂရုစိုက်ပါ။
  • ဆေးသောက်ရန် မေ့သွားပါက သတိရရချင်း တိုက်ပါ။ နောက်တစ်ကြိမ် ဆေးသောက်ချိန်နှင့် ကပ်သွားပါက မသောက်ဘဲထားပါ။ ဆေး ၂ ခွက်စာကို တစ်ချိန်တည်းမသောက်ရပါ။
  • အေဆိုက်ကလိုဗီရာဆေးကို ဆေးကို အခန်းအပူချိန်တွင် သိုလှောင်သိမ်းဆည်းပါ။
  • သက်တမ်းလွန်ဆေးဝါးများကို အသုံးမပြုပါနှင့်။
  • ဘေးကင်းစွာသိမ်းဆည်းခြင်းနှင့် ဆေးစွန့်ပစ်ခြင်းလမ်းညွှန်ချက်များအတိုင်း လိုက်နာပါ။