ကြိုဆိုပါသည်

Together သည် - လူနာများနှင့် မိဘများ၊ မိသားစုဝင်များနှင့် သူငယ်ချင်းများအပါအဝင် - ကလေးကင်ဆာကြောင့် ထိခိုက်မှုရှိသူတိုင်းအတွက် ရင်းမြစ်အသစ်တစ်ခု ဖြစ်ပါသည်။

ပိုမိုလေ့လာရန်

လယ်ဗီတီရာဆီတမ်

Anticonvulsant

ကုန်အမှတ်တံဆိပ်အမည်များ:

Keppra®, Spiratam®

မကြာခဏအတှကျအသုံးပွု:

ရုတ်တရက်တက်ခြင်းများ

ကလစ်ဘုတ် သင်္ကေတ

လယ်ဗီတီရာဆီတမ်ဆေးအကြောင်း

လယ်ဗီတီရာဆီတမ်သည် ရုတ်တရက်တက်ခြင်းများတို့ကိုသက်သာစေရန် အသုံးပြုနိုင်သည့် ဆေးတစ်မျိုးဖြစ်သည်။

သွေးထဲရှိ လယ်ဗီတီရာဆီတမ်ဆေးပမာဏကို စစ်ဆေးရန် လူနာကိုသွေးစစ်ဆေးနိုင်သည်။ သွေးထဲရှိ လယ်ဗီတီရာဆီတမ်ဆေးပမာဏကိုလိုက်၍ လယ်ဗီတီရာဆီတမ်ဆေးပမာဏမှာလည်း ပြောင်းလဲသွားနိုင်သည်။

ဤဆေးကိုသွေးအတွင်းသို့ ပုံမှန်ထုတ်လွှတ်ပေးသည့်ပုံစံနှင့် အချိန်ကြာမြင့်စွာ ထုတ်လွှတ်ပေးသည့်ပုံစံတို့ဖြင့် ရနိုင်သည်။ ဆေးပမာဏနှင့်ပတ်သတ်သောလမ်းညွှန်ချက်များကို သေသေချာချာ လိုက်နာပါ။

iv bag icon

ဆေးရည်အဖြစ် သွေးပြန်ကြောမှလည်း သွင်း၍ရသည်

 
tablet and capsule icon

ဆေးပြားအနေဖြင့်ပါးစပ်မှ သောက်နိုင်သည်

 
liquid dropper icon

ဆေးရည်အဖြစ် ပါးစပ်မှလည်း သောက်၍ရသည်

 
စက်ဝိုင်းသင်္ကေတထဲမှ အာမေဋိတ်အမှတ်အသား

ဖြစ်နိုင်ခြေရှိသော ဘေးထွက်ဆိုးကျိုးများ

  • အိပ်ငိုက်သလိုခံစားနေရခြင်း
  • နုံးခွေခြင်း သို့မဟုတ် အားနည်းခြင်း
  • ပျို့အန်ချင်လာခြင်းနှင့် ပျို့အန်ခြင်း
  • ခံတွင်းပျက်ခြင်း
  • ခေါင်းမူးဝေခြင်း
  • ဟန်ချက်မညီခြင်း သို့မဟုတ် ဟန်ချက်ပျက်ခြင်း
  • ဝမ်းလျှောခြင်း
  • ဝမ်းချုပ်ခြင်း
  • ဝမ်းဗိုက်နာကျင်မှု
  • ခေါင်းကိုက်ခြင်း
  • နှာပိတ်ခြင်း
  • ကောင်းကောင်းအိပ်မပျော်ခြင်း
  • စိတ်ဆိုးဒေါသထွက်လွယ်ခြင်း၊ စိတ်အနေအထား သို့မဟုတ် ပင်ကိုယ်စရိုက်ပြောင်းလဲသွားခြင်း

လယ်ဗီတီရာဆီတမ်ဆေးသောက်သူတိုင်း အဆိုပါဘေးထွက်ဆိုးကျိုးများကို တွေ့ကြုံရမည် မဟုတ်ပါ။ အဖြစ်များသော ဘေးထွက်ဆိုးကျိုးများကို စာလုံးမည်းနှင့်ပြထားသည်။ သို့သော် အခြားသော ဘေးထွက်ဆိုးကျိုးများလည်း ရှိနိုင်သည်။ မသင်္ကာစရာ ဘေးထွက်ဆိုးကျိုးအားလုံးကို သင့်ဆရာဝန် သို့မဟုတ် ဆေးစပ်သူအား အသိပေးပါ။

မိသားစုသင်္ကေတ

မိသားစုများအတွက် အကြံပြုချက်များ

ဤအချက်များနှင့် အခြားထောက်ခံချက်များကို သင့်ဆရာဝန် သို့မဟုတ် ဆေးစပ်သူနှင့် တိုင်ပင်ဆွေးနွေးဖြစ်ပါစေ။

  • ဤဆေးသည် အိပ်ငိုက်ခြင်း သို့ ခေါင်းမူးခြင်းတို့ကို ဖြစ်စေနိုင်ပြီး၊ လဲကျနိုင်ခြေကိုလည်း တိုးလာစေတတ်သည်။
  • ဆေးပညာရှင်၏ ကြီးကြပ်မှုမပါဘဲ လူနာအနေဖြင့်လယ်ဗီတီရာဆီတမ်သောက်ခြင်းကို ရပ်တန့်မပစ်သင့်ပါ။
  • ကိုယ်ဝန်ဆောင်နိုင်သော အသက်အရွယ်ရှိသည့် အမျိုးအသမီးများအနေဖြင့် လယ်ဗီတီရာဆီတမ်ဆေးသောက်နေပါက ကလေးမယူမီ ဆရာဝန်နှင့်တိုင်ပင်သင့်သည်။
  • လူနာများသည် ကိုယ်ဝန်ဆောင်ထားခြင်း သို့မဟုတ် ကလေးနို့တိုက်နေခြင်းဖြစ်ပါက ဆရာဝန်ကို အသိပေးထားသင့်ပါသည်။

လယ်ဗီတီရာဆီတမ်ဆေးကို အိမ်တွင်အသုံးပြုခြင်း-

  • ဆေးကို နေ့တိုင်းသတ်မှတ်အချိန်တစ်ခုတွင် သောက်ပါ။
  • ဆေးအာနိသင် ချက်ချင်းပြသောဆေးပြားများနှင့် ဆေးကိုသွေးအတွင်းသို့ အချိန်ကြာမြင့်စွာ ထုတ်လွှတ်ပေးသောဆေးပြားများကို အလုံးအတိုင်းသောက်သင့်သည်။ ဆေးတောင့်များကို ကြိတ်ခြေခြင်း သို့မဟုတ် ဝါးခြင်းများ မပြုလုပ်ပါနှင့်။
  • အရည်ပျော်သွားနိုင်သည့်သောက်ဆေးပြားများ (Spritam®) များကို လျှာပေါ်တွင် သူအတိုင်းအရည်ပျော်သွားစေသင့်သည်။ (၁၀ စက္ကန့်ခန့်မျှ) ထို့နောက် အရည်တစ်ငုံစာလောက်သောက်၍ မျိုချလိုက်ပါ။ သို့မဟုတ် ဆေးပြားကို လ္ဘက်စားဇွန်း ၁ ဇွန်းပမာဏအရည်တွင်ပျော်ဝင်သွားစေပြီးနောက် ချက်ချင်းသောက်ချလိုက်သင့်သည်။ ဆေးအားလုံးသောက်မိသွားကြောင်းသေချာစေရန် ခွက်ထဲသို့ အရည်အနည်းငယ်ထပ်ထည့်ပြီး သောက်ချလိုက်ပါ။ ထိုဆေးပြားအမျိုးအစားမျိုးကို အလုံးအတိုင်း မသောက်ရ။ ချိုးဖဲ့ခြင်း သို့မဟုတ် ဝါးစားခြင်း မပြုလုပ်ရ။
  • လယ်ဗီတီရာဆီတမ်ဆေးရည်ဖြစ်ပါက ဆေးနှင့်အတူပါလာသော တိုင်းတာသည့်ပစ္စည်းကို အသုံးပြုပါ။
  • ဆေးကို အခန်းအပူချိန်တွင် သိုလှောင်သိမ်းဆည်းပါ။
  • ဆေးသောက်ရန် မေ့သွားပါက သတိရရချင်း တိုက်ပါ။ အကယ်၍ နောက်တစ်ကြိမ်ဆေးသောက်ရမည့်အချိန်မှ ၄ နာရီအတွင်းဖြစ်နေပါက မသောက်ဘဲ ကျော်လိုက်နိုင်သည်။ ဆေး ၂ ခွက်စာကို တစ်ချိန်တည်းမသောက်ရပါ။
  • သက်တမ်းလွန်ဆေးဝါးများကို အသုံးမပြုပါနှင့်။
  • ဆေးအား ဘေးကင်းစွာသိမ်းဆည်းခြင်းနှင့် ဆေးစွန့်ပစ်ခြင်း လမ်းညွှန်ချက်များကို လိုက်နာပါ။