ကြိုဆိုပါသည်

Together သည် - လူနာများနှင့် မိဘများ၊ မိသားစုဝင်များနှင့် သူငယ်ချင်းများအပါအဝင် - ကလေးကင်ဆာကြောင့် ထိခိုက်မှုရှိသူတိုင်းအတွက် ရင်းမြစ်အသစ်တစ်ခု ဖြစ်ပါသည်။

ပိုမိုလေ့လာရန်

ဒက်ဆာတနစ်ဘ်

Chemotherapy

ကုန်အမှတ်တံဆိပ်အမည်များ:

Sprycel®

မကြာခဏအတှကျအသုံးပွု:

သွေးကင်ဆာ

ကလစ်ဘုတ် သင်္ကေတ

ဒက်ဆာတနစ်ဘ်အကြောင်း

ဒက်ဆာတနစ်ဘ်သည် ကင်ဆာဆဲလ်ကိုပစ်မှတ်ထားသည့် ကီမိုဆေးသွင်းခြင်း ကုထုံးအမျိုးအစားတစ်မျိုး ဖြစ်သည်။ ၎င်းဆေးသည် ကင်ဆာဆဲလ်များကို ပွားများလာစေရန်အချက်ပြပေးနိုင်သည့် အထူပရိုတင်းတစ်မျိုး၏ အချက်ပြမှုကို ရပ်တန့်သွားစေနိုင်သည်။

ဆေးပြားနှင့် ဆေးတောင့် သင်္ကေတ

ဆေးပြားအဖြစ် ပါးစပ်မှလည်း သောက်၍ရသည်။

 
စက်ဝိုင်းသင်္ကေတထဲမှ အာမေဋိတ်အမှတ်အသား

ဖြစ်နိုင်ခြေရှိသော ဘေးထွက်ဆိုးကျိုးများ

  • နာကျဉ်မှု၊ ပူလောင်သလိုခံစားရခြင်း သို့ လက်များနှင့် ခြေဖဝါးများကျဉ်ခြင်း
  • အရေပြားတွင် အနီကွက်ဖြစ်ခြင်း၊ နီမြန်းခြင်းနှင့် အရေခွံတွင်အဖတ်များဖြစ်ခြင်း
  • အာခေါင်ထဲတွင် ရောင်ခြင်း၊ နီခြင်း၊ အနာဖြစ်ခြင်းနှင့် နာခြင်း
  • မျက်စိ၊ လက်များနှင့် ခြေထောက်များရောင်ရမ်းခြင်း
  • ချောင်းခြောက်ဆိုးခြင်း
  • သွေးဥဆဲလ် အရေအတွက်လျော့နည်းခြင်း (ထိုအခါ အလွယ်တကူ ရောဂါပိုးကူးစက်ခံရခြင်း၊ သွေးထွက်ခြင်း၊ သွေးအားနည်းခြင်း နှင့်/သို့ နုံးခွေခြင်း စသည့်တို့ ဖြစ်လာနိုင်သည်။)
  • ကြွက်သားနှင့် အဆစ်အမြစ်နာကျဉ်ခြင်း
  • နုံးခွေခြင်း သို့မဟုတ် အားနည်းခြင်း
  • ပျို့အန်ချင်လာခြင်းနှင့် ပျို့အန်ခြင်း
  • ဝမ်းလျှောခြင်း

 

  • ဝမ်းချုပ်ခြင်း
  • ဝမ်းဗိုက်နာကျင်မှု သို့ ဗိုက်တင်းကားလာခြင်း
  • အစားအသောက်ပျက်ခြင်းနှင့် ကိုယ်အလေးချိန်ကျဆင်းခြင်း
  • ရောဂါပိုးဝင်သည့်လက္ခဏာများ- ဖျားခြင်း၊ လည်ချောင်းနာခြင်း၊ ချမ်းတုန်ခြင်း
  • ရုတ်တရက် ကိုယ်အလေးချိန်တက်လာခြင်း
  • အသက်ရှုရခက်ခဲခြင်း၊ အထူးသဖြင့် လှဲအိပ်နေပါက ပိုဖြစ်တတ်သည်
  • ချောင်းဆိုးသည့်အခါ ပန်းရောင် သို့ သွေးပါသောသလိပ်ထွက်ခြင်း
  • ခေါင်းကိုက်ခြင်း

ဒက်ဆာတနစ်ဘ်သောက်သူတိုင်း အဆိုပါဘေးထွက်ဆိုးကျိုးများကို တွေ့ကြုံရမည် မဟုတ်ပါ။ အဖြစ်များသော ဘေးထွက်ဆိုးကျိုးများကို စာလုံးမည်းနှင့်ပြထားသည်။ သို့သော် အခြားသော ဘေးထွက်ဆိုးကျိုးများလည်း ရှိနိုင်သည်။ မသင်္ကာစရာ ဘေးထွက်ဆိုးကျိုးအားလုံးကို သင့်ဆရာဝန် သို့မဟုတ် ဆေးစပ်သူအား အသိပေးပါ။

နောက်ဆက်တွဲဆိုးကျိုးသင်္ကေတ

ဖြစ်တတ်သော နောက်ဆက်တွဲဆိုးကျိုးများ

အချို့သောလူနာများတွင် ကုထုံးပြီးဆုံးပြီး လပေါင်းများစွာ သို့မဟုတ် နှစ်ပေါင်းများစွာကြာသည့်တိုင်အောင် ရေရှည် သို့မဟုတ် နောက်ဆက်တွဲဆိုးကျိုးများကို ခံစားရနိုင်ပါသည်။ ဒက်ဆာတနစ်ဘ်ကြောင့် ဖြစ်တတ်သော နောက်ဆက်တွဲဆိုးကျိုးများ-

  • ကြီးထွားနှုန်းနှေးလာခြင်း
မိသားစုသင်္ကေတ

မိသားစုများအတွက် အကြံပြုချက်များ

ဤအချက်များနှင့် အခြားထောက်ခံချက်များကို သင့်ဆရာဝန် သို့မဟုတ် ဆေးစပ်သူနှင့် တိုင်ပင်ဆွေးနွေးဖြစ်ပါစေ။

  • ဒက်ဆာတနစ်ဘ် မသောက်မီ သို့ သောက်ပြီး ၂ နာရီအတွင် ဆရာဝန်တစ်ဦးဦး၏ညွှန်ကြားချက်မပါဘဲ လူနာများအနေဖြင့် အစာအိမ်ဆေး (အန်းတစ်စစ်) ကိုမသောက်သင့်ပါ။
  • လိင်မှုကိစ္စတွင် အားသန်သော လူနာများသည် ကုသမှုကာလနှင့် ကုထုံးပြီးဆုံးပြီး ၆ လအတွင်းတွင် ကိုယ်ဝန်မရအောင် ကာကွယ်ရန် ကြိုတင်ပြင်ဆင်သင့်ပါသည်။
  • လူနာများသည် ကိုယ်ဝန်ဆောင်ထားခြင်း သို့မဟုတ် ကလေးနို့တိုက်နေခြင်းဖြစ်ပါက ဆရာဝန်ကို အသိပေးထားသင့်ပါသည်။
  • ဆေးသွင်းနေစဉ် စပျစ်သီး သို့ ကမ္ဗလာသီး (အခါးဓာတ်ရှိသောလိမ္မော်သီး) တို့ကိုမစားပါနှင့်။ ထိုအသီးတို့ဖြင့်ပြုလုပ်ထားသော သစ်သီးဖျော်ရည်တို့ကိုလည်း မသောက်ပါနှင့်။
  • ပြုစုသူများသည် ဆေးကိုဘေးကင်းစွာ ကိုင်တွယ်ရန်နှင့် စွန့်ပစ်ရန် ညွှန်ကြားချက်များကို လိုက်နာသင့်သည့်အပြင် လူနာ၏ခန္ဓာကိုယ် မှအရည်များနှင့် ထိတွေ့ ခြင်း ရှောင်ကျဥ်သင့်သည်။ ၎င်းဆေးသည် ခန္ဓာကိုယ်တွင်း ရောက်ရှိပြီးနောက် ၄၈ နာရီတိုင်အောင် လူနာ၏ခန္ဓာကိုယ်က ထွက်သော အရည်များတွင် ပါဝင်နေနိုင်သည်။

ဒက်ဆာတနစ်ဘ်ကို အိမ်တွင်အသုံးပြုခြင်း-

  • ဆေးကို နေ့တိုင်းသတ်မှတ်အချိန်တစ်ခုတွင် သောက်ပါ။
  • ဗိုက်မကောင်းခြင်းများဖြစ်လာပါက အစာနှင့်တွဲသောက်ပါ။
  • လိုအပ်သော စုစုပေါင်းဆေးပမာဏကိုရရှိစေရန် ဆေးပြားအမြောက်အများ လိုအပ်နိုင်သည်။ ဆေးကို မျိုချရလွယ်စေမည့် နည်းလမ်းများအတွက် သင့်အား လူနာကို ပြုစုစောင့်ရှောက်သည့် အဖွဲ့နှင့် ဆွေးနွေးကြည့်ပါ။ 
  • ဆေးပြားများကို အလုံးအတိုင်းသောက်ပါ။ မမျိုချမီ အမှုန့်ခြေခြင်း၊ ဝါးစားခြင်း သို့ ချိုးဖဲ့ခြင်း မပြုလုပ်ရ။
  • အကယ်၍ဆေးတစ်ကြိမ်သောက်ရန်မေ့သွားပါက မသောက်ဘဲကျော်လိုက်ပါ။ သောက်နေကြ အချိန်ဇယားအတိုင်း ပုံမှန်သောက်သွားပါ။ ဆေး ၂ ခွက်စာကို တစ်ချိန်တည်းမသောက်ရပါ။ 
  • ဒက်ဆာတနစ်ဘ်ကို ဆေးကို အခန်းအပူချိန်တွင် သိုလှောင်သိမ်းဆည်းပါ။
  • သက်တမ်းလွန်ဆေးဝါးများကို အသုံးမပြုပါနှင့်။
  • ဆေးအား ဘေးကင်းစွာသိမ်းဆည်းခြင်းနှင့် ဆေးစွန့်ပစ်ခြင်းလမ်းညွှန်ချက်များကို လိုက်နာပါ။