ကြိုဆိုပါသည်

Together သည် - လူနာများနှင့် မိဘများ၊ မိသားစုဝင်များနှင့် သူငယ်ချင်းများအပါအဝင် - ကလေးကင်ဆာကြောင့် ထိခိုက်မှုရှိသူတိုင်းအတွက် ရင်းမြစ်အသစ်တစ်ခု ဖြစ်ပါသည်။

ပိုမိုလေ့လာရန်

နာတာရှည်ရိုးတွင်းခြင်ဆီ သွေးကင်ဆာ (CML)

နာတာရှည်ရိုးတွင်းခြင်ဆီ သွေးကင်ဆာဟာ ဆိုသည်မှာအဘယ်နည်း။

နာတာရှည်ရိုးတွင်းခြင်ဆီ သွေးကင်ဆာဆိုသည်မှာ အခြားသော သွေးကင်ဆာအားလုံးကဲ့သို့ပင် သွေးနှင့် ရိုးတွင်းခြင်ဆီကင်ဆာဖြစ်သည်။ ကျန်းမာသော သွေးဆဲလ်များကို တိုက်ထုတ်သော သွေးကင်ဆာဆဲလ်များ အများအပြားရိုးတွင်းခြင်ဆီထဲတွင် စတင်ဖြစ်လာချိန်တွင် သွေးကင်ဆာစတင်ဖြစ်ပွါးသည်။ ကျန်းမာသောဆဲလ်များအလုံအလောက်မရှိတော့ခြင်းသည် ခန္ဓာကိုယ်သည် ကူးစက်ရောဂါကို တိုက်ခိုက်နိုင်ခြင်းမရှိတော့ဘဲ သွေးသည်ကောင်းမွန်စွာမလည်ပတ်နိုင်တော့ပါ။

CMLဆိုသည်မှာ နာတာရှည် သွေးကင်ဆာဖြစ်သည်။ ဆိုလိုသည်မှာ အချိန်အတော်ကြာမှာ တစ်ဖြည်းဖြည်းချင်း တိုးပွားလာတာဖြစ်ပါတယ်။ ထို့ကြောင့် ကလေးသည် ရောဂါလက္ခဏာတွေမပေါ်မှီ ရက်သတ္တပတ်များ သို့မဟုတ် လများစွာကြာနိုင်ပါတယ်။ နှိုင်းယှဉ်ပြောရလျှင် ့် ပြင်းထန် ကင်ဆာများသည် ကလေးများကို ရောဂါလက္ခဏာတွေ မြန်မြန်ဆန်ဆန် ပေါ်လာတာကြောင့် မြန်မြန်ဖျားနာစေပါတယ်။

CMLသည် ကလေးတွင် ဖြစ်ခြင်းသည်အလွန်ရှားပါသည်။ အမေရိကန်ပြည်ထောင်စုနှင့် ကနေဒါနိုင်ငံတို့တွင် တစ်နှစ်လျှင် ၁၁၀-၁၂၀ ဖြစ်ရပ်များသာလျှင်တွေ့ရပါသည်။ ကလေးကင်ဆာများ၏ ၃ ရာခိုင်နှုန်းခန့်သာရှိပါဖြစ်ပွားပါသည်။

CMLဖြစ်နေသော ကလေး ၉၀ မှ ၉၅ ရာခိုင်နှုန်းခန့်သည် ဖီလာဒဲလ်ဖီးယား ခရိုမိုဆုန်းဟုခေါ်သော သန္ဓေပြောင်းလဲခြင်းကြောင့်ဖြစ်သည်။ စီအမ်အယ်လ်၏ ကင်ဆာဖြစ်စေသောဇီဝကမ္မဖြစ်စဉ်များကို ပစ်မှတ်ထားသော တိုင်းယိုဆင်း ကိုင်းနေ့စ်ကို ဟန့်တားသောဆေးများ(TKIs) ဟုခေါ်သော ဆေးများသည် ပထမဉီးစားပေးကုသမှုဖြစ်သည်။

လူသားတိုင်းတွင် ပုံမှန်အားဖြင့်ခရိုမိုဆုန်း ၂၃ စုံရှိသည်။ ခရိုမိုဆုန်းများသည် လူသားတစ်ယာက်ဖြစ်ရန် မျိုးဗီဇနှင့်ဆိုင်သော အချက်အလက်အားလုံး (ဗီဇ)ကို သယ်ဆောင်ထားသည်။ ကင်ဆာကဲ့သို့သော ရောဂါဖြစ်ပွားရခြင်းမှာ မျိုးရိုးဗီဇထဲတွင် သန္ဓေပြောင်းလဲခြင်း (မှားယွင်းခြင်း) ကြောင့်ဖြစ်သည်။

ခရိုမိုဆုန်း ၉ အပိုင်းနှင့် ခရိုမိုဆုန်း ၂၂ တို့ပြတ်သွားပြီး နေရာချင်းကူးပြောင်းသွားသည့် အချိန်တွင် ဖီလာဒဲလ်ဖီးယား ခရိုမိုဆုန်း သန္ဓေပြောင်းလဲမှုဖြစ်ပေါ်လာသည်။ ထိုbcr-ablဗီဇတို့သည် ခရိမိုဆုန်း ၉ အပိုင်း တွယ်ကပ်သည့် ခရိုမိုဆုန်း ၂၂ အပေါ်တွင် ဖြစ်ပေါ်သည်။ ဤဗီဇသည် တိုင်းယိုဆင်း ကိုင်းနေ့စ်ဟုခေါ်သော အင်ဇိုင်းကိုဖြစ်စေသည်။ ၎င်းသည် သွေးဖြူဆဲလ်များဖြစ်လာစေရန် သွေးဖြစ်စေသည့် ပင်မဆဲလ်များစွာကိုဖြစ်စေသည် (ဂရမ်နျူလိုဆိုက် သို့မဟုတ် အရွယ်မရောက်သေးသောဆဲလ်များ။ အင်းဇိုင်းတွေကို တားဆီးရန်ထုတ်လုပ်ထားသော တိုင်းယိုဆင်း ကိုင်းနေ့စ်ကို ဟန့်တားသောဆေးများ(TKIs)ဟု ခေါ်သောဆေးသည် CML ၏ ပထမဦးဆုံးကုထုံးဖြစ်သည်။

ဖီလာဒဲလ်ဖီးယား ခရိုမိုဆုန်းသည် မိဘဆီမှ ကလေးဆီသို့ ဆင်းသက်ခြင်းမျိုးမဟုတ်ပါ။ ကျပန်းဖြစ်တောင့်ဖြစ်ခဲမျိုး ဖြစ်ပွားခြင်းဖြစ်သည်။

နာတာရှည်ရိုးတွင်းခြင်ဆီ သွေးကင်ဆာ၏ ရောဂါလက္ခဏာများ

ရောဂါလက္ခဏာများမြန်မြန်ပေါ်သော ပြင်းထန်သွေးကင်ဆာနှင့်မတူဘဲ CML သည် တဖြည်းဖြည်းချင်းဖြစ်ပေါ်သော နာတာရှည်ရောဂါဖြစ်သည်။ CML ဖြစ်နေသော ကလေးတွင် ပထမဆုံး ရောဂါလက္ခဏာပေါ်မည်မဟုတ်ပါ။ ၎င်းတို့ကြီးထွားလာသည်နှင့် အောက်ပါ လက္ခဏာများ ပါ၀င်ပါသည်။

  • မောပန်းခြင်းနှင့် အားအင်ကုန်ခမ်းခြင်း
  • ကိုယ်အလေးချိန်ချခြင်း
  • အဖျား
  • ညဘက်ချွေးထွက်ခြင်း
  • နံရိုးအောက် နာကျင်ခြင်း သို့မဟုတ် ပြည့်နေသကဲ့သို့ ခံစားရခြင်း
  • အရိုးနှင့် အဆစ်များ နာကျင်ခြင်း

နာတာရှည်ရိုးတွင်းခြင်ဆီ သွေးကင်ဆာကို ရောဂါရှာဖွေဖော်ထုတ်ခြင်း

သွေးနှင့် ရိုးတွင်းခြင်းဆီ စစ်ဆေးမှုအဖြေများသည် CML၏ ရောဂါရှာဖွေဖော်ထုတ်မှုကို ညွှန်ပြပါသည်။ နောက်ထပ်စစ်ဆေးချက်များသည် ရောဂါရှာဖွေဖော်ထုတ်မှုကို အတည်ပြုပေးမည်ဖြစ်ပြီး ရောဂါ၏ အခြေခံဗီဇကို စိစစ်ပေးခြင်းနှင့် ကိုယ်ခန္ဓာ၏ အခြားအစိတ်အပိုင်းများကို ပြန့်နှံ့သွားခြင်းရှိမရှိကို ဖော်ပြပါလိမ့်မည်။

အောက်ပါ ဆေးစစ်ချက်အမျိုးအစားများ ပါ၀င်ပါသည်။-

  • ကိုယ်ခန္ဓာစမ်းသပ်စစ်ဆေးမှုနှင့် ကျန်းမာရေးမှတ်တမ်း
  • သွေးစစ်ခြင်း
  • ရိုးတွင်ခြင်ဆီ စစ်ခြင်း
  • ခရိုမိုဆုန်းနှင့် ဗီဇ ပြောင်းလဲမှုများကို စစ်ဆေးရန် ရိုးတွင်ခြင်ဆီစစ်ဆေးခြင်း
  1. ပထမဆုံး သမားတော်သည် လူနာကို ခန္ဓာကိုယ်စစ်ဆေးခြင်းလုပ်ဆောင်ပြီး လူနာ၏ဆေးကုသမှုမှတ်တမ်း ကို ကြည့်ပါမည်။  ကိုယ်ခန္ဓာစမ်းသပ်စစ်ဆေးမှုပြုလုပ်ချိန်အတောအတွင်းတွင် ဆရာဝန်သည် အလုံးအကျိတ်များ သို့မဟုတ် ပုံမှန်မဟုတ်ဟု ထင်ရသည့်အခြားအရာများအပါအဝင် ကျန်းမာရေးဆိုင်ရာ အထွေထွေလက္ခဏာများကို စစ်ဆေးပါမည်။ မျက်လုံးများ၊ ပါးစပ်၊ အရေပြား နှင့် နားများကို သေသေချာချာကြည့်ရှုပါလိမ့်မည်။ အာရုံကြောစနစ်ဆိုင်ရာ စမ်းသပ်မှုတစ်ခုကို လုပ်ကောင်းလုပ်နိုင်ပါသည်။ သရက်ရွက်ကြီးနေသော သို့မဟုတ် အသည်းကြီးနေသော လက္ခဏာများရှိမရှိသိရှိရန် ဆရာဝန်က လူနာ၏ဝမ်းဗိုက်ကို စမ်းကြည့်ပါလိမ့်မည်။ 

  2. သွေးဥဆဲလ်အရေအတွက် အပြည့်အစုံ

    ဆရာဝန်များမှ သွေးဆဲလ် အရေအတွက် အပြည့်အစုံစစ်ဆေးခြင်းသွေးစစ်ဆေးခြင်းကို စီစဉ်ပါမည်။  အောက်ပါတို့ကိုစစ်ဆေးရန် သွေးနမူနာတစ်ခုကို ထုတ်ယူပါသည်-

    • သွေးနီဥဆဲလ်များနှင့် သွေးဥမွှားများအရေအတွက် စစ်ဆေးခြင်း
    • သွေးဖြူဥဆဲလ်များ၏ အရေအတွက်နှင့် အမျိုးအစား စစ်ဆေးခြင်း
    • သွေးနီဥဆဲလ်များအတွင်း ဟေမိုဂလိုဘင် ပမာဏ စစ်ဆေးခြင်း
    • သွေးနီဥဆဲလ်များ ပြုလုပ်သော သွေးနမူနာ အပိုင်း

    လူကီးမီးယားတွင် သွေးဖြူဥဆဲလ်များစွာရှိနိုင်ပြီး အများစုမှ အရွယ်မရောက်သေးသော သွေးဖြူဥများဖြစ်နိုင်သည်။ ကျန်းမာသောကလေးများ၏ ရိုးတွင်းခြင်ဆီတွင်သာ ပုံမှန်အားဖြင့်တွေ့နိုင်သော ဆဲလ်၏ အစောပိုင်းပုံစံဖြစ်သည်။

    သွေးတွင်းရှိ ဓာတုပစ္စည်းများကို လေ့လာခြင်းများ

    ကိုယ်တွင်းအင်္ဂါများ နှင့် တစ်ရှူးများမှ သွေးတွင်းသို့ထုတ်လွှတ်သော အချို့ပစ္စည်းများ၏ပမာဏကို တိုင်းတာရန် သွေးနမူနာတစ်ခုကို စစ်ဆေးပါသည်။ ပစ္စည်းတစ်မျိုး၏ ပုံမှန်မဟုတ်သည့် (ပုံမှန်ထက် အမြင့် သို့မဟုတ် အနိမ့်) သည် ရောဂါ၏ လက္ခဏာတစ်ခု ဖြစ်နိုင်ပါသည်။

    ငယ်ရွယ်သောလူနာတစ်ဦးသည် သူနာပြုတစ်ဦးက သွေးနမူနာထုတ်ယူနေစဉ်တွင် စမ်းသပ်သည့်စားပွဲ၌ သူမ၏မိဘများနှင့်အတူ ထိုင်ရပါသည်။

    ခန္ဓာကိုယ်စမ်းသပ်မှု ပြုလုပ်ခြင်း၊ ကျန်းမာရေးမှတ်တမ်းယူခြင်းနှင့် သွေးစစ်ဆေးမှုအဖြေများကို စစ်ဆေးအပြီးတွင် ဆရာဝန်များအနေဖြင့် လူခီးမီးယားရောဂါကို သံသယစတင်ရှိနိုင်ပါသည်။

  3. ရိုးတွင်းချဉ်ဆီ ဖောက်ယူခြင်း နှင့် အသားစထုတ်ယူစစ်ဆေးခြင်း (bone marrow aspiration and biopsy) ကဲ့သို့သော ရိုးတွင်းခြင်ဆီစစ်ဆေးစမ်းသပ်မှုများက ကင်ဆာရောဂါတစ်ခုအားအမည်တပ်မှုကို အတည်ပြုပေးပြီး ကင်ဆာရောဂါအမျိုးအစားကို ထောက်ပြပါလိမ့်မည်။ လုပ်ငန်းစဉ်အဆင့်ဆင့်အတွင်း ကလေးအများစုသည် (စိတ်ငြိမ်ဆေးပေး၍) အိပ်ပျော်နေကြသည်။ လူနာများသည် လုပ်ငန်းစဉ်အဆင့်ဆင့်အတွင်း နိုးလာလျှင် သင့်တော်သော အကိုက်အခဲပျောက်ဆေးကို သောက်သုံးစေမည်ဖြစ်သည်။

    ရိုးတွင်းခြင်ဆီထုတ်ယူခြင်း-ဆရာဝန်များသည် သေးငယ်၍ အခေါင်းပေါက်ပါသောအပ်ကို ခါးဆစ်ရိုးအတွင်းထိုးသွင်း၍ ရိုးတွင်းခြင်ဆီကို ထုတ်ယူပါမည်။ ရောဂါဗေဒပညာရှင်တစ်ဦးသည် ကင်ဆာ၏လက္ခဏာများကို ရှာဖွေရန် မိုက်ခရိုစကုပ်အောက်တွင် နမူနာကို ကြည့်ရှုပါမည်။

    ရိုးတွင်းခြင်ဆီ အသားစနမူနာထုတ်ယူစစ်ဆေးခြင်း-ဆရာဝန်သည် ရိုးတွင်းခြင်ဆီအတွင်း၌ ကင်ဆာရောဂါပျံ့နှံ့မှုအတိုင်းအတာကို စစ်ဆေးရန် ရိုးတွင်းခြင်ဆီထဲရှိ အရိုးတစ်ရှူး အစိတ်အပိုင်းငယ်ကို ထုတ်ယူမည်။ ရိုးတွင်းခြင်ဆီကို မစုပ်ယူခင်ဖြစ်စေ၊ စုပ်ယူပြီးချိန်တွင်ဖြစ်စေ အသားစယူ၍ စစ်ဆေးခြင်းကို လုပ်ဆောင်ပါသည်။

    ရိုးတွင်းချဉ်ဆီထုတ်ယူခြင်း/အသားစနမူနာထုတ်ယူစစ်ဆေးခြင်းကို မည်ကဲ့သို့ လုပ်ဆောင်ပါသနည်း

    • လူနာသည် ကုတင်ပေါ်၌ တစ်စောင်းလှဲနေရမည် သို့မဟုတ် ရံဖန်ရံခါတွင် ခြေထောက်ကွေးထားပြီး ခြေချင်းဝတ်များကို ယှက်ထားရမည်။ 
    • ဆရာဝန်နှင့် သူနာပြုသည် ဆေးစစ်ရန် သင့်တော်သည့်နေရာအတွက် လူနာ၏ ကျောပြင်အောက်ပိုင်းကို စမ်းသပ်ပါမည်။ 
    • ထို့နောက်ကျန်းမာရေးစောင့်ရှောက်မှုပေးသည့်ပေးသူက လက်အိတ်ဝတ်ဆင်ပြီး လူနာ၏ကျောကို ပိုးသတ်သည့်ဆပ်ပြာဖြင့် သန့်ရှင်းပေးပါလိမ့်မည်။ ပြီးလျှင်ကျန်းမာရေးစောင့်ရှောက်မှုပေးသည့်ပေးသူက အရေပြားဧရိယာသေးသေးတစ်နေရာကိုသာ ဖော်ထားပြီး ပလပ်စတစ်ပုဝါများကို ကျောပေါ်တွင် နေရာချထားနိုင်ပါသည်။ 
    • အကယ်၍ကျန်းမာရေးစောင့်ရှောက်မှုပေးသည့်ရိုးတွင်းခြင်ဆီထုတ်ယူခြင်း သို့မဟုတ် အသားစနမူနာထုတ်ယူခြင်း ပြုလုပ်နေစဉ် လူနာသတိရလာမည်ဆိုလျှင် လုပ်ငန်းစဉ်မှာ တစ်နာရီလောက် ကြာမည်ဖြစ်သဖြင့် လုပ်ငန်းစဉ်အဆင့်ဆင့်မတိုင်မီ ရိုးတွင်းခြင်ဆီထုတ်ယူခြင်း သို့မဟုတ် အသားစနမူနာထုတ်ယူခြင်းပြုလုပ်မည့် နေရာပေါ်တွင် ထုံဆေးခရင်မ်ကို လိမ်းထားရမည်။ ထုံစေသည့်ဆေးရည်ကို လုပ်ထုံးလုပ်နည်းလုပ်ဆောင်မည့်နေရာတွင် ဆေးထိုးအပ်ဖြင့် ထိုးသွင်းပေးနိုင်ပါသည်။ 
    • ကျန်းမာရေးစောင့်ရှောက်မှုပေးသူသည် အခေါင်းပေါက်ပါသောအပ်ကို အရေပြားမှတစ်ဆင့် ရိုးတွင်းခြင်ဆီအထိ ထိုးသွင်းမည်ဖြစ်သည်။ စုပ်ယူခြင်းနှင့် အသားစယူ၍ စစ်ဆေးခြင်း နှစ်ခုစလုံးကို လုပ်ဆောင်ပါက တစ်ခုစီအတွက် အပ်တစ်ချောင်းစီကို အသုံးပြုပါမည်။
    • ကျန်းမာရေးစောင့်ရှောက်မှုပေးသူက အပ်ကိုထုတ်ပြီး ဖောက်သည့်နေရာကို အရက်ပြန်ဖြင့် သန့်ရှင်းကာ ဆေးပလပ်စတာတစ်ခုဖြင့် ကပ်ပေးပါလိမ့်မည်။
    ကလေး ကင်ဆာလူနာတစ်ဦးအား ရိုးတွင်းခြင်ဆီဖောက်ယူရန် အတွက် လုပ်ထုံးလုပ်နည်းလုပ်ဆောင်မည့် ကုသမှုပေးသူ၏လက်များဖြင့် နေရာချထားပေးပါသည်။

    လူခီးမီးယားကို ရောဂါအမည်တပ်ရာတွင် ရိုးတွင်းခြင်ဆီ စစ်ဆေးမှုများ အမြဲလိုအပ်ပါသည်။

အကယ်၍ ကင်ဆာဟုဆုံးဖြတ်ထားပါက ကင်ဆာမျိုးကွဲများကို တိတိကျကျညွှန်ပြရန် ထပ်ဆောင်းစစ်ဆေးမှုများကို လုပ်ဆောင်ပါသည်။ ဤစမ်းသပ်မှုများတွင် အောက်ပါအချက်များ ပါဝင်ပါသည်။

  1. Immunophenotyping ကို ခုခံအားစနစ်၏ သာမန်ဆဲလ်များနှင့် ကင်ဆာဆဲလ်များကို နှိုင်းယှဉ်ကြည့်ခြင်းအားဖြင့် သွေးကင်ဆာ၏သီးခြားအမျိုးအစားကို ရှာဖွေဖော်ထုတ်ရန် ပဋိပစ္စည်းများအသုံးပြု၍ သီးခြားပဋိဇာတ် (ပရိုတင်း) ကို ရှာဖွေဖော်ထုတ်ခြင်းနည်းကို အသုံးပြုသည်။

    Immunohistochemistry နှင့် ဖလိုး ဆိုက်တိုမက်ထရီ (flow cytometry) တို့သည် ဓာတ်ခွဲခန်းစစ်ဆေးမှုများ ဖြစ်ကြသည်။

    • ပဋိပစ္စည်းများအခြေပြု၍ ဇီဝတစ်ရှူးများအတွင်း သီးခြားပဋိဇာတ် (ပရိုတင်း) ကို ရှာဖွေဖော်ထုတ်ခြင်း ဆိုသည်မှာ တစ်ရှူးနမူနာထဲမှ သီးခြားပရိုတင်းကို ဖော်ထုတ်ရန် ပဋိပစ္စည်းများကိုအသုံးပြု၍ စစ်ဆေးခြင်းဖြစ်သည်။ အညိုရောင် သို့မဟုတ် အနီရောင်ဖြစ်သွားသည့် ပရိုတင်းများနှင့် ပဋိပစ္စည်းများ ရောနှောပေါင်းစပ်သွားခြင်းကို အနုကြည့်မှန်ပြောင်းအောက်တွင် မြင်တွေ့နိုင်သည်။
    • flow cytometry တွင် ဆဲလ်များကို အလင်းရောင်တုံ့ပြန်မှုကောင်းသည့် ဆိုးဆေးဖြင့်အရောင်ဆိုးပြီး အရည်တစ်ခုအတွင်းထားကာ လေဆာ သို့မဟုတ် အခြားအလင်းရောင်အမျိုးအစားရှေ့တွင် ဖြတ်သန်းစီးဆင်းစေပါသည်။ ယင်းစစ်ဆေးစမ်းသပ်မှုက ဆဲလ်အရေအတွက်၊ အသက်ရှိနေသော ဆဲလ်ရာခိုင်နှုန်း၊ နှင့် ဆဲလ်များ၏ အရွယ်အစား၊ ပုံသဏ္ဍာန် နှင့် ဆဲလ်မျက်နှာပြင်ပေါ်တွင် ကင်ဆာအမှတ်အသားများရှိမရှိ ကဲ့သို့သော အချို့ဝိသေသလက္ခဏာများကို တိုင်းတာပါသည်။
  2. ဆဲလ်ဗီဇသရုပ်ခွဲလေ့လာမှုတွင် ရောဂါဗေဒပညာရှင်များက တိကျသည့် ခရိုမိုဆုန်းများအတွင်း ပြောင်းလဲမှုများကို ရှာဖွေသည့် ဓာတ်ခွဲခန်းစစ်ဆေးမှုများ ပါဝင်သည်။

    အဆိုပါစမ်းသပ်စစ်ဆေးမှုတစ်ခုကိုဆိုရပါမူ FISH (fluorescence in situ hybridization) ဖြစ်သည်။ ၎င်းစမ်းသပ်စစ်ဆေးမှုသည် ဆဲလ်များနှင့် တစ်ရှူးများအတွင်းရှိ မျိုးဗီဇများ သို့မဟုတ် ခရိုမိုဆုန်းများကို စဆေးပေးသည်။ အလင်းရောင်ထွက်စေသည့် ရောင်ခြယ်ပစ္စည်းပါဝင်သော DNA မော်လီကျူးကို ဓာတ်ခွဲခန်းတွင် ထုတ်လုပ်ပြီးနောက် ဖန်ပြားပေါ်တွင် ဆဲလ် သို့မဟုတ် တစ်ရှူးများနှင့်ပေါင်းစပ်ပါသည်။ ယင်း DNA ပစ္စည်းအပိုင်းအစများသည် ဖန်ပြားပေါ်ရှိ တစ်ချို့သော မျိုးရိုးဗီဇများ သို့မဟုတ် ခရိုမိုဆုန်းများ၏ အချို့သောဧရိယာများပေါ်တွင် တွယ်ကပ်သောအခါ၌ ၎င်းတို့သည် အလင်းရောင်ထွက်လာသည်။

  3. သီးခြား မျိုးရိုးဗီဇများ၊ ပရိုတင်းများ၊ နှင့် လူခီးမီးယားတွင် ပါဝင်ပတ်သက်နေသည့် အခြားအချက်များကို ခွဲခြားသတ်မှတ်ရန် ဓာတ်ခွဲခန်းစစ်ဆေးမှုများပြုလုပ်ရန်သွေးကင်ဆာနှင့်. ယင်း စမ်းသပ်စစ်ဆေးမှုက အရေးကြီးပါသည်၊ အဘယ်ကြောင့်ဆိုသော် ဆဲလ်၏မျိုးရိုးဗီဇများတွင်း မှားယွင်းမှုများ (သန္ဓေပြောင်းခြင်းများ)က ဖြစ်စေသောကြောင့်ဖြစ်သည်။ ယင်းအမှားအယွင်းများကို ခွဲခြားသတ်မှတ်ခြင်းက လူခီးမီးယား သီးခြားမျိုးကွဲများကို ရောဂါအမည်တပ်ရာတွင် ကူညီပါသည်။ ယင်းအချက်အလက်များအပေါ်အခြေခံပြီး ဆရာဝန်များအနေဖြင့် သီးခြားရောဂါတစ်ခုစီအတွက် သီးသန့်ပြုလုပ်ထားသည့် ရွေးချယ်ကုသမှုများကို ရွေးချယ်နိုင်ပါသည်။ ကောင်းမွန်သောရလဒ်တစ်ခုနှင့် ဆက်စပ်သည့် သန္ဓေပြောင်းခြင်းများပြသသည့် လူခီးမီးယားရှိသော ကလေးများကို အဆိပ်သင့်မှုနည်းပါးသည့်ကုသမှုများ ပေးနိုင်ပါသည်။ အခြားတစ်ဖက်တွင် ဆရာဝန်များအနေဖြင့် မကောင်းသည့်ရလဒ်များနှင့် ဆက်စပ်နေသော သန္ဓေပြောင်းခြင်းများရှိသည့်လူခီးမီးယားရောဂါတစ်ခုအတွက်ပိုပြီး ပြင်းထန်သည့်ကုသမှုများ ပေးနိုင်ပါသည်။ တိကျသောသန္ဓေပြောင်းလဲမှုကို ရရှိနိုင်ရန်သန္ဓေပြောင်းခြင်းများကိုခွဲခြားသတ်မှတ်နိုင်ပါသည်။ 

ကင်ဆာပျံ့နှံ့မှုရှိမရှိကို ဆုံးဖြတ်သည့် စစ်ဆေးစမ်းသပ်မှုများတွင် အောက်ပါတို့ပါဝင်ပါသည် -

  1. ခါးရိုးဖောက်ခြင်း (lumbar puncture) ကို ဦးနှောက်အာရုံကြောအတွင်းလှည့်လည်စီးဆင်းသည့် အရည်နမူနာအား ကျောရိုးမကြီးမှ ဖောက်ယူစုဆောင်းရန် လုပ်ဆောင်ပါသည်။ ယင်းကကင်ဆာရောဂါကိုခါးဆစ်ရိုးတစ်လျှောက်ရှိ ဦးနှောက်အရည်ကြည်နမူနာကို ထုတ်ယူသည့် လုပ်ဆောင်ချက်ဖြစ်သည်။ ဤလုပ်ငန်းစဥ်ကို LP သို့မဟုတ် ကျောရိုးဖောက်ထုတ်သည့် လုပ်ငန်းစဥ်ဟု ခေါ်ပါသည်။ 

    အပ်ကို ကျော့ရိုးထဲမှ အရိုးနှစ်ခုကြားနှင့် ကျောရိုးနာ့ဗ်ကြောမပတ်လည်ရှိ အရည်အတွင်းသို့ ထိုးသွင်းသည်။ အရည် နမူနာတစ်ခုကို ထုတ်ယူပါသည်။ လူခီးမီးယားဆဲလ်များက ဦးနှောက်နှင့်ကျောရိုအာရုံကြောမကြီးအတွင်းသို့ ပျံ့နှံ့မှုရှိပြီးမပြီး သိရှိရန် ယင်းအား အနုကြည့်မှန်ပြောင်းတစ်ခုအောက်တွင် စစ်ဆေးပါသည်။ ကျွန်ုပ်တို့၏ ခန္ဓာကိုယ်က ကျောရိုးမတွင်းလည်ပတ်သည့်အရည် (spinal fluid) ကို တသမတ်တည်းထုတ်လုပ်နေသည့်အတွက် ဖောက်ပြီးယူလိုက်သည့် အရည်ပမာဏအနည်းအကျဉ်းကို ကိုယ်ခန္ဓာမှ အလျင်အမြန် ပြန်ဖြည့်ပေးပါသည်။ 

  2. X-rayတစ်ခုဆိုသည်မှာ ကိုယ်ခန္ဓာကို ဖောက်ထွင်းဖြတ်သန်းကာ ဖလင်ပြားတစ်ခုအပေါ် သွားနိုင်ကာ ကိုယ်ခန္ဓာအတွင်းပိုင်းရှိဧရိယာများ၏ပုံရိပ်တစ်ခုကို ကွန်ပြူတာဖန်သားပြင်တစ်ခု သို့မဟုတ် အထူးဖလင်ပြားတစ်ခုပေါ်တွင် ပေါ်အောင်လုပ်နိုင်သော စွမ်းအင်တန်းအမျိုးအစားတစ်ခုဖြစ်သည်။ ရင်ဘတ်ဓာတ်မှန် (chest X-ray) ကို လူခီးမီးယားဆဲလ်များက ရင်ဘတ်၏အလယ်တွင် အစိုင်အခဲတစ်ခုအဖြစ် ဖြစ်စေခြင်း ရှိမရှို ကြည့်ရှုရန်ပြုလုပ်ပါသည်။ 

နာတာရှည်ရိုးတွင်းခြင်ဆီ သွေးကင်ဆာရောဂါအတွက် ကုသမှု

ကုသမှုသည် ကင်ဆာအဆင့်ပေါ်တွင် မူတည်သည်။ CMLတွင် အဆင့် ၃ ဆင့်ရှိသည်။ ၎င်းအဆင့်သည် သွေးနှင့် ရိုးတွင်းခြင်ဆီထဲရှိ သွေးကင်ဆာ (အရွယ်မရောက်သေးသောဆဲလ်များ)၏ အရေအတွက်ပေါ်တွင် မူတည်သည်။

နာတာရှည်- ၁၀%အောက်မှာ အရွယ်မရောက်သေးသောဆဲလ်များဖြစ်သည်။

အရှိန်မြင့်လာခြင်း - ၁၀- ၁၉%မှာ အရွယ်မရောက်သေးသောဆဲလ်များဖြစ်သည်။

အရွယ်မရောက်သေးသောဆဲလ် -၂၀% သို့မဟုတ် များနေခြင်းမှာ အရွယ်မရောက်သေးသောဆဲလ်များဖြစ်သည်။ မောပန်းခြင်း၊ ဖျားနာခြင်း နှင့် သရွက်ရက်ကြီးခြင်းများသည် အရွယ်မရောက်သေးသောဆဲလ်အဆင့်တွင် ဖြစ်ပွားပြီး အရွယ်မရောက်သေးသောဆဲလ်များ ရုတ်ခြည်းပြောင်းလဲမှုဟုခေါ်သည်။

ကင်ဆာကျိတ်၏ သွေးကြောအသစ်ဖြစ်စေနိုင်မှုကို တားဆီးသော ဆေးဖြင့်ကုသည့် ကုထုံး

CMLအတွက် ပထမဦးစားပေးကုထုံးမှာ များသောအားဖြင့် imatinib အိုင်မေတီနမ့်)(ဂလီးဗက်®).ဆေးဖြစ်ပါသည်။ တိုင်ယိုဆင်း ကိုင်းနေ့စ်သည် ကင်ဆာဆဲလ်များကို ကြီးထွားစေသော တိုင်ယိုဆင်း ကိုင်းနေ့စ် အင်ဇိုင်းကို တားဆီးရန် တိုင်ယိုဆင်း ကိုင်းနေ့စ်တားဆေး (TKIs) ကို ထုတ်လုပ်ခဲ့သည်။ အကယ်၍ လူနာများသည် အိုင်မေတီနမ့်ကို ခံနိုင်စွမ်းမရှိလျှင်အခြား TKI ဆေးများဖြစ်သော dasatinib (ဒစာတီနမ့်) နှင့် nilotinib (နီလိုတီနမ့်) တစ်ခါတစ်လေ အသုံးပြုသည်။

imatinib (အိုင်မေတီနမ့်) နှင့် အခြားသော tyrosine kinase တားဆေးများ (TKIs) ကို ကုထုံးအတွက် ပထမဦးစားပေးသုံးရခြင်းမှာ ဤဆေးများသည် ယေဘုယျအားဖြင့် ဘေးထွက်ဆိုးကျိုးနည်းသောကြောင့်ဖြစ်သည်။ မည်သို့ပင်ဆိုစေ tyrosine kinase တားဆေးများသည် အချိန်တော်တော်များများတွင် CMLကို အမြစ်မဖြတ်နိုင်သောကြောင့် လူနာများသည် ၎င်းတို့ကျန်ရှိသော သက်တမ်းတစ်လျှောက်လုံးတွင် သုံးစွဲရမည့် အလားအလာတွင်ရှိသည်။ TKIs (တီအေအိုင်စ်) သည် ဆေးအသစ်ဖြစ်သောကြောင့် နှစ်ပေါင်းများစွာ ဤဆေးကို သုံးစွဲလျှင် ဖြစ်လာမည့် ဘေးထွက်ဆိုးကျိုးကို ဆရာ၀န်များ ခုထိမသိသေးပါ။

ပစ်မှတ်ထား ကုထုံးအကြောင်းဆက်လက်လေ့လာပါ။

ဟီမာတိုပွိုင်အက်တစ် ဆဲလ် (သွေးဖြစ်ဆဲလ်) အစားထိုးကုသမှု

မျိုးတူဗီဇကွဲ မူရင်းသွေးဆဲလ် အစားထိုးခြင်း (ရိုးတွင်းခြင်ဆီ အစားထိုး ကုသခြင်း သို့မဟုတ် ပင်မဆဲလ် အစားထိုး ကုသခြင်း)သည် CMLအတွက် နောက်ထပ်ရွေးချယ်စရာ ကုထုံးဖြစ်သည်။ အစားထိုးခြင်းသည် CMLကို ကုသနိုင်သော်လည်း ကုသမှုတွင် ပြင်းထန်သည့် ဘေးထွက်ဆိုးကျိုးများရှိနိုင်သည်။ မျိုးတူဗီဇကွဲ အစားထိုးခြင်းတွင် ကလေးများသည် ကျန်းမာသော အလှူရှင်ထံမှာ မူရင်းသွေးဆဲလ်များကို (သွေးဆဲထုတ်လုပ်ပေးသော) လက်ခံရရှိမည်။ အစားထိုးမှုတစ်ခုအတွက် အကျုံးဝင်ရရှိရန် လူနာများထံတွင် သင့်တော်သောလှူဒါန်းသူတစ်ဦး ရှိရပါမည်။ အလှူရှင်၏ဆဲလ်များကို လက်မခံမီ လူနာတွင်ရှိနေသော ရိုးတွင်းခြင်ဆီထဲရှိ သွေးဆဲလ်များကို ကီမိုဆေးသွင်းကုထုံး (chemotherapy) နှင့် တစ်ခါတစ်ရံ ဓာတ်ရောင်ခြည် (radiation) တို့ဖြင့် ဖျက်ဆီးပစ်မည်။ လူနာသည် ကျန်းမာသော အလှူရှင်၏ ဆဲလ်များကို သွေးကြောထဲသွင်းခြင်းနည်းမှတစ်ဆင့် လက်ခံရရှိမည်။ အောင်မြင်လျှင် အလှူရှင်၏ ဆဲလ်အသစ်များသည် အတွင်းပိုင်းတွင် ကြီးထွားလာပြီး လူနာ၏ ဆဲလ်များကို အစားထိုးသွားမည်။ ရလဒ်အနေဖြင့် လူနာသည် ကျန်းမာသော သွေးဆဲလ်များ စတင်ထုတ်မည်ဖြစ်သည်။

နာတာရှည်ရိုးတွင်းခြင်ဆီ သွေးကင်ဆာ၏ ရောဂါ ကြိုတင်ခန့်မှန်းချက်များ

ကင်ဆာကုသပျောက်ကင်းနိုင်နှုန်း စာရင်းအင်းများကို ဆွေးနွေးရာတွင် ကင်ဆာရောဂါရှာတွေ့ပြီးနောက် ထိုလူနာများသည် အနည်းဆုံး ၅ နှစ် အသက်ရှင်နိုင်မည်ဆိုသည့် ၅-နှစ် ရှင်သန်နိုင်နှုန်း ဟု ခေါ်သော နံပါတ်တစ်ခုကို ဆရာဝန်များက မကြာခဏဆိုသလို အသုံးပြုကြသည်။ နာတာရှည် သွေးကင်ဆာများအတွက် ငါးနှစ်တာ အသက်ရှင်သန်နိုင်နှုန်းများသည် အကူအညီနည်းပါးသည်။ အဘယ်ကြောင့်ဆိုသော် ကလေးများသည် အမှန်တကယ်မကုသပဲ သွေးကင်ဆာဖြစ်ကာ အသက်ပိုရှည်စွာနေနိုင်သောကြောင့်ဖြစ်သည်။ ကလေး နာတာရှည်ရိုးတွင်းခြင်ဆီ သွေးကင်ဆာ (CML) အတွက် ငါးနှစ်တာ အသက်ရှင်သန်နိုင်နှုန်းများသည် ၈၀-၉၀ ရာခိုင်နှုန်းဖြစ်သည်။

နာတာရှည်ရိုးတွင်းခြင်ဆီ သွေးကင်ဆာရောဂါ၏ လက်ရှိ သုတေသန၏ အာရုံစိုက်မှု

  • CML ဆဲလ်များကို TKI တစ်ခုတည်းအသုံးပြုခြင်းနှင့် လုံး၀အပြီးအပြတ် အမြစ်မဖြတ်နိုင်( မဖျက်စီးနိုင်)ပါ။ ရိုးတွင်းခြင်ဆီ အစားထိုးကုသခြင်းသည် CMLကို ကုသနိုင်သည့် အလားအလာရှိသော်လည်း သက်တမ်းတစ်လျှောက်လုံးတွင် အသက်အန္တရာယ်ချိန်းခြောက်နိုင်သည့် နောက်ဆက်တွဲရောဂါအသစ်များ ရှိလာနိုင်သည်။ သုသေတနနှင့်ဆိုင်သော မေးခွန်း။ ။ အခြားကုသမှုများနှင့် CMLကို အမြစ်ဖြတ်ကုသနိုင်ဖို့ဆိုတာ ဖြစ်နိုင်မလား။ 
  • ကလေးများတွင် TKIs ကို ကာလကြာရှည်စွာအသုံးပြုခြင်းသည် ဘေးထွက်ဆိုးကျိုးများစွာရှိသည်။ ထိုအရာများသည် အထူးသဖြင့် ကြီးထွားခြင်း၊ ဖွံ့ဖြိုးခြင်းနှင့် မျိုးအောင်ခြင်းစသည့် အကျိုးသက်ရောက်မှုများရှိသည်။

သုသေတနနှင့်ဆိုင်သော မေးခွန်း။ ။ဤနောက်ဆက်တွဲရောဂါအသစ်များကို လျှော့နည်းစေရန် ကုသမှုနည်းလမ်းထဲ၏ အစောပိုင်းတွင် အဟန့်အတားဖြစ်စေသည်ဆိုတာ ဖြစ်နိုင်သလား။ 

  • ကုသမှု အလားအလာ (ကြိုတင်ခန့်မှန်းချက်) သည် ရင့်ကျက်မှုအတွေ့အကြုံပေါ်တွင်မူတည်သည်။ ကလေးများတွင် ရောဂါကြိုတင်ခန့်မှန်းချက်အတွက် သုတေသနပညာရှင်များသည် တိုးတက်ရန်နှင့် အမှတ်သတ်မှတ်သော စနစ်အလုပ်ဖြစ် အထမြောက်ရန် လုပ်ဆောင်နေကြသည်။
  • ကြာမြင့်သည့်အချိန်အတွက် ရောဂါသက်သာလက္ခဏာများ လျော့နည်းလာသောကလေးများ၏ အပိုင်းတစ်ခုရှိသည်။ သုသေတနနှင့်ဆိုင်သော မေးခွန်းများ။ ။ TKI ဆေးပမာဏကို ပြောင်းလဲခြင်း သို့မဟုတ် ရပ်တန့်ဖို့ ဖြစ်နိုင်သလား။
  • ဆေးပေးခြင်းကို ရပ်တန့်ရန် မည်သူများသည် အကောင်းဆုံးဖြစ်သနည်း။ ဆေးပေးခြင်းပမာဏကို လျှော့ချရန် ဖြစ်နိုင်ပါသလား။
  • ကလေးများတွင်ဖြစ်နေသော CML သမိုင်းတစ်လျှောက်တွင် TKI ကို အချိန်အကြာကြီး လက်ခံနေခြင်းသည် သက်သေမပြနိုင်သေးပါ။ သုသေတနနှင့်ဆိုင်သော မေးခွန်း- ထိုလူနာများအား ဘဝတစ်လျှောက်လုံးစာ လိုက်ကြည့်ရန် ကလေး CML မှတ်ပုံတင်ရာနေရာတစ်ခုကို ဖန်တီးရန် ဖြစ်နိုင်ပါသလား။

ကလေး CML၏ လက်ရှိကုထုံးသည် လူကြီးကုထုံးများပေါ်တွင် အခြေခံပါသည်။ မည်သို့ပင်ဆိုစေကာမူ လွန်ခဲ့သော နှစ်အနည်းငယ်က TKI တားဆေးများ စတင်သုံးစွဲခြင်းကို အထူးသဖြင့်လုပ်ဆောင်ခဲ့ကြသည်။ အမည်ဖော်ထုတ်ရန်နှင့် သီးခြားစစ်ဆေးရန်လိုအပ်သည့် ပြီးပြည့်စုံသောလက္ခဏာများ ကလေးCMLတွင် ရှိနေသောကြောင့် အလေးထားစရာများ တိုးလျက်ရှိသည်။

ဤအယူအဆသည် ကလေးနှင့် လူကြီးဖြစ်ပွားမှုဖြစ်ရပ်များကြားရှိ အမျိုးမျိုးသော သက်ရှိဗီဇများကွဲပြားခြားနားမှုကြားတွင် အခိုင်အမာအတည်ပြုခဲ့ပြီးဖြစ်သည်၊ ယင်းတို့အနက်မှ အချို့သည် ကုထုံးအားတုံ့ပြန်ခြင်းနှင့် ဆက်နွှယ်နေသည်။ ၎င်းတို့၏ ရောဂါကုသသည့် ဆေးပတ်နှင့်ပတ်သက်သော ယင်းတွေ့ရှိချက်များနှင့် အကဲဖြတ်ချက်များ ရှင်းလင်းချက်သည် CML ဖြစ်နေသော ကလေးများကို စီမံရန် ဆက်နွှယ်မှုများ ပါရှိသည်။ ဥပမာ- ရိုးတွင်းခြင်ဆီမရှိ၍ မဖြစ်နိုင်သော သွေးကင်ဆာဆဲလ်များကို အမြစ်ပြတ်သုတ်သင်ရန် အလားအလာအားဖြင့် ရည်မှန်းထားသည့် အခြားသော ဆေးများသုံးခြင်းအားဖြင့် မျိုးဗီဇ ပြောင်းလဲမှုများကို ခွဲခြားသတ်မှတ်ခြင်းကို TKI နှင့်အတူ အသုံးပြုနိုင်သည်။

ရလဒ်ကို ခန့်မှန်းသော လက်ရှိ ရောဂါအလားအလာနှင့်ပက်သက်သည့် အမှတ်များသည် ကလေးများအတွက် တိုးတက်မှုမရှိသေးပါ။ TKI တားဆေးများဖြင့် ကုသခံနေရသော စီအမ်အယ်လ်ဖြစ်နေသော ကလေးများ၏ များပြားသော အရေအတွက်ကို စနစ်တကျ စစ်ဆေးခြင်းသည် ကုသမှု တိုးတက်လာစေရန် အချက်အလက်များကို ထောက်ပံ့ပေးနိုင်မည်။

TKI တားဆေးများဖြင့် ကုသနေသော CMLတွင် ရည်မှန်းချက်နှင့်ဝေးခြင်း၊ ဘေးထွက်ဆိုးကျိုးများ တိုးလာခြင်းသည် အဘယ်ကြောင့် အပိုင်းတစ်ခုဖြစ်နေခြင်းကို ယခုထိမသိရသေးပါ။ လက်ခံဗီဇအခြေခံများကဲ့သို့ပင် ဤတုံ့ပြန်ချက်များပြောင်းလဲအောင် ဆောင်ရွက်သည်။ TKI အဆိပ်သင့်ခြင်း အခြေအနေနှင့်ဆက်စပ်သော ဖြစ်နိုင်သည့် လက်ခံအကြောင်းများကို စစ်ဆေးခြင်းနှင့် ဆက်စပ်နေပြီး ရိုးတွင်းခြင်ဆီအစားထိုးခြင်းကဲ့သို့သော အရံရွေးချယ်ထားသော ကုသမှ အကျိုးရနိုင်သည့် လူနာများ၏ အပိုင်းပေါ်ထွက်လာမည်။

ဤ ကြားဖြတ်စစ်ဆေးမှုလုပ်ဆောင်ခြင်းသည် TKI တားဆေးများနှင့် ဆက်စပ်နေသည့် အရပ်အမောင်းပုသည့် ကလေးများအတွက် ကြီးထွားစေသောဟော်မုန်း သုံးခြင်းကဲ့သို့သော သက်တမ်းတစ်လျှောက်လုံး ဘေးထွက်ဆိုးကျိုးများကို လျှော့ချရန် ရည်ရွယ်ထာပြီး လက်တွေ့စစ်ဆေးရန်အတွက် နောက်ထပ် အပိုင်းတစ်ခုဖြစ်သည်။ ကလေးများ၏ သက်တမ်းရှည်နေထိုင်မှုမျှော်လင့်ချက်များ နှင့် TKI ကို အသုံးပြုနေသော တိုတောင်းသည့် ၁၅ နှစ်လောက်ကိုထည့်သွင်းစဉ်းစားရမည်။ ပိုမိုရှည်ကြာသော အချိန်အတွက် TKI ကို တစ်ဉီးချင်း ထိတွေ့မှုတွင် အလားအလားရှိသည့် ဘေးထွက်ဆိုးကျိုးများနှင့် ပတ်သတ်ပြီး မသေချာမှုများရှိနေသေးသည်။ ထို့ကြောင့်သုတေသန၏ အခြားအပိုင်းများကို ကိုယ်စားပြုနေသော ဤကလေးများကို သေချာ ကြည့်ရှုစစ်ဆေးရမည်။ အစားထိုးခြင်း၏ အဆိပ်သင့်ခြင်းနှင့် အကျိုးများကိုရှိသည့်နေရာသည် ရိုးတွင်းခြင်ဆီအစားထိုးခြင်းအတွက် စစ်ဆေးရန်နေရာအဖြစ်ညွှန်ပြနေပြီး ရောဂါထိန်းချုပ်မှု၊ ပြင်းထန်ခြင်းနှင့် TKI တားဆေးများ၏ ရေရှည်ထပ်တိုးရောဂါအသစ်များကို လေ့လာချင့်ချိန်ရမည်။

နောက်ဆုံးတွင် နှစ်ပေါင်းများစွာ မော်လီကျူးဆိုင်ရာ ရောဂါလက္ခဏာများ သက်သာလာပြီးကျန်ခဲ့သော လူနာများအတွက် ရောဂါပျောက်သွားသည့် အနေအထားနှင့် ဆက်စပ်နေသည့် TKI ၏ ရပ်ဆိုင်းသွားမှုသည် ၄၀%လောက်ရှိသည်။ TKI ကို စိတ်ချစွာ ရပ်ဆိုင်းနိုင်သည့် လူနာများကို ရွေးထုတ်ရန် ရည်ရွယ်ခြင်းသည်လည်း စစ်ဆေးခြင်း အပိုင်းတစ်ခုလည်းဖြစ်သည်။

---
ဤဆောင်းပါးတွင် ဖော်ပြထားသည့် မည့်သည့်ကုန်ပစ္စည်းအမှတ်တံဆိပ်ကိုမျှ သုံးစွဲရန် Together
က ထောက်ခံချက် မပေးပါ။

---
ပြန်လည်သုံးသပ်ခဲ့သည့်ရက်စွဲ- ဇွန်လ 2018