သူနာပြုစောင့်ရှောက်မှုအဖွဲ့ - သူနာပြုအမျိုးအစားများ
သူနာပြုများအား ဆေးပေးခြင်းမှ ရှုပ်ထွေးသည့် ဆေးဘက်ဆိုင်ရာမေးခွန်းများဖြေခြင်းအထိ အရေးကြီးသော အပြန်အလှန်ဆက်နွယ်နေသော လုပ်ငန်းဆောင်တာများကို ဆောင်ရွက်ကြပါသည်။ အားလုံးသော ကျန်းမာရေး စောင့်ရှောက်သူများကဲ့သို့ သူနာပြုများသည် စောင့်ရှောက်မှုအဖွဲ့မှ အခြားအဖွဲ့ဝင်များနှင့် ပူးပေါင်း ဆောင်ရွက်ကြပါသည်။ သူနာပြုအမျိုးအစားများ၏ကဏ္ဍများကို နားလည်ခြင်းသည် မိသားစုများကို ကလေးအတွက် ပိုကောင်းသောစောင့်ရှောက်မှုများနှင့် အကြုံပြုမှုများရယူရန် ကူညီပေးပါလိမ့်မည်။
လိုင်စင်ရ သူနာပြု (RN) လူနာများကို စောင့်ကြည့်ခြင်း၊ အကဲဖြတ်ခြင်းများ လုပ်ဆောင်ခြင်း၊ ဆေးပေးခြင်း၊ နေ့စဉ်လိုအပ်ချက်များအား ကြီးကြပ်ပေးခြင်း၊ လူနာနှင့် မိသားစုအား ပညာပေးခြင်း စသည့် သူနာပြုမှု အမျိုးမျိုးအား ဆောင်ရွက်ပါသည်။
ကလေးသွေး/ကင်ဆာနှင့်ဆိုင်သော သူနာပြု — ကလေးများနှင့် ဆယ်ကျော်သက်များကို ကင်ဆာ သို့မဟုတ် သွေးဆိုင်ရာ ပုံမမှန်မှုများ၊ အကဲဖြတ်ခြင်းများ လုပ်ဆောင်ခြင်း၊ ကီမိုဆေးသွင်းကုသခြင်း ကုထုံးနှင့် အခြားဆေးများပေးခြင်း၊ ဘေးထွက်ဆိုးကျိုးများကိုစောင့်ကြည့်ခြင်းစသည့်တို့ကို အထူးသူနာပြုခြင်းများပေးပြီး လူနာနှင့် မိသားစုများကို ရောဂါရှာဖွေဖော်ထုတ်ခြင်းနှင့် ကုသမှုအကြောင်း ပညာပေးပါသည်။
မေ့ဆေးသူနာပြု (CRNA) — လူနာများကို မေ့ဆေးပေးရန် ပြင်ဆင်ပေးခြင်း၊ ခွဲစိတ်နေစဉ် သို့မဟုတ် အခြားလုပ်ဆောင်မှုများပြုလုပ်နေစဉ်အတွင်း နာကျင်မှုမရှိရန် မေ့ဆေး anesthesia ပေးခြင်းနှင့် လုပ်ငန်းစဉ်တစ်လျှောက် လူနာများကို အဆင်ပြေရန် တက်ကြွစွာ စီမံပေးသည်။
ခွဲစိတ်ခန်းမဝင်ခင်တာဝန်ယူရသော သူနာပြု — လူနာများကို ခွဲစိတ်ခြင်းနှင့် အခြားလုပ်ငန်းစဉ်များအတွက် စောင့်ရှောက်မှုပေးပြီးပြင်ဆင်ပေးသည်။
ခွဲခန်း (OR) တွင် ကူညီရသော သူနာပြု — အခြားခွဲစိတ်မှုအဖွဲ့ဝင်များနှင့်အတူ လူနာများကို ခွဲစိတ်စဉ်တွင် ကူညီပေးသည်။
မေ့ဆေးပေးပြီးနောက် (PACU) ကူညီရသော သူနာပြု — မေ့ဆေးပြယ်ပြီးနောက် ခွဲစိတ်မှုပြီးသောအခါ လူနာများနှင့် အတူပူးပေါင်းလုပ်ဆောင်သည်။ Recovery Room သူနာပြုဟုလဲ ခေါ်သည်။
အရေးပေါ်အခန်း (ER) သူနာပြု — လူနာများကို ဆေးရုံတွင် အရေးပေါ် ကိစ္စနှင့် ပတ်သတ်ပြီး ကူညီပေးပြီး ဖျားနာခြင်း၊ ကြောက်လန့်ခြင်း နှင့် ဒဏ်ရာရခြင်းများကြောင့် ဖြစ်ပေါ်သော အခြေအနေအမျိုးမျိုးနှင့် ပတ်သက်ပြီး စောင့်ရှောက်သည်။
အထူးကြပ်မတ်ကုသဆောင်တွင် တာဝန်ယူရသော (ICU) သူနာပြု - အထူးကြပ်မတ်ကုသဆောင်တွင် အလုပ်လုပ်ပြီး အလွန်ပြင်းထန်သော ဆေးကုသမှုအခြေအနေရှိသည့် လူနာများကို အထွေထွေ စောင့်ရှောက်မှုများ ပေးသည်။ အထူးကြပ်မတ်ကုသဆောင်ရှိ သူနာပြုအများစုသည် အထူးကြပ်မတ်ကုသဆောင်ရှိ ကလေးများ သို့မဟုတ် မွေးကင်းစအထူးကြပ်မတ်ကုသဆောင် ကဲ့သို့သော အသက်အရွယ်အပိုင်းအခြားအတွင်းရှိ ကလေးများကို စောင့်ရှောက်သည်။
အိမ်တွင်စောင့်ရှောက်သော သူနာပြု — လူနာများကို အိမ်တွင်စောင့်ရှောက်မှုပေးပြီး ကလေးများအား ဖွံဖြိုးမှုဆိုင်ရာနှင့် ကိုယ်လက်လှုပ်ရှားမှုဆိုင်ရာကိစ္စများကဲ့သို့သော စောင့်ရှောက်မှုအမျိုးမျိုးတွင် အထူးပြုနိုင်သည်။
သူနာပြုအလုပ်လုပ်သူ (NP) — စောင့်ရှောက်မှုကို စီစဉ်ရန်၊ ခန္ဓာကိုယ် စစ်ဆေးမှုများဆောင်ရွက်ရန်၊ စမ်းသပ်မှုများ စီမံရန်နှင့် ကုသမှုများ ညွှန်ကြားရန် သမားတော်နှင့် နီးကပ်စွာ အလုပ်လုပ်သည်။
လိုင်စင်ရ လက်တွေ့ပြုစုကုသပေးသော သူနာပြု (LPN) — အိပ်ယာဘေးတွင် သို့မဟုတ် ကုသမှု လုပ်ဆောင်သည့် ဆေးခန်းတွင် လူနာများအတွက် နေ့စဉ်စောင့်ရှောက်မှု လုပ်ငန်းများနှင့် ကျွမ်းကျင်သော သူနာပြုမှုများ ပေးခြင်းများ ဆောင်ရွက်သည်။ လိုင်စင်ရ လုပ်ငန်းကျွမ်းကျင်သူနာပြု (LVN) ဟုလည်းခေါ်သည်။
သူနာပြုလက်ထောက် — အခြေခံ နေ့စဉ်စောင့်ရှောက်မှု လုပ်ငန်းစဉ်များကို လုပ်ဆောင်ရန် လိုင်စင်ရ သူနာပြု သို့မဟုတ် လိုင်စင်ရ လက်တွေ့သူနာပြု၏ လက်အောက်တွင် အလုပ်လုပ်သည်။
သူနာပြုလုပ်ငန်းမန်နေဂျာ — ရှုပ်ထွေးသည့် ဆေးဘက်ဆိုင်ရာ လိုအပ်ချက်များကို ဆောင်ရွက်ရန် လူနာများအတွက် ရေရှည်ဂရုစိုက်မှုကို ခေါင်းဆောင်သည်။
သူနာပြုကြီးကြပ်သူ/ သူနာပြုမန်နေဂျာ — သူနာပြုအဖွဲ့များကို ကွပ်ကဲခြင်း၊ လေ့ကျင့်မှုများ ဆောင်ရွက်ပေးခြင်း၊ အုပ်ချုပ်ရေးဆိုင်ရာလုပ်ငန်းများကို ဆောင်ရွက်ခြင်းနှင့် လူနာများအတွက် စောင့်ရှောက်မှု အရည်အသွေးများကောင်းမွန်ရန် သေချာလုပ်ဆောင်သည်။
လက်တွေ့ဆေးကုသမှုဆိုင်ရာ ကလေးကင်ဆာအထူးသူနာပြု (OCNS) — လက်တွေ့ဆေးကုသမှုဆိုင်ရာကျွမ်းကျင်သူအနေဖြင့် နှင့် ရှုပ်ထွေးသည့် လူနာကိစ္စများတွင် သူနာပြုများအတွက် အကြံပေးအဖြစ်ဆောင်ရွက်ပြီး ထိရောက်သော စောင့်ရှောက်မှုကို မြှင့်တင်ရာတွင် အထူးပြုသည်။ ဤသူနာပြုများသည် ကင်ဆာပညာရပ်ဆိုင်ရာတွင် ကျွမ်းကျင်မှုလက်မှတ်များ ရပြီးဖြစ်သည်။
