ကြိုဆိုပါသည်

Together သည် - လူနာများနှင့် မိဘများ၊ မိသားစုဝင်များနှင့် သူငယ်ချင်းများအပါအဝင် - ကလေးကင်ဆာကြောင့် ထိခိုက်မှုရှိသူတိုင်းအတွက် ရင်းမြစ်အသစ်တစ်ခု ဖြစ်ပါသည်။

ပိုမိုလေ့လာရန်

များ

ရှင်သန်နိုင်ခြင်းပြုစုစောင့်ရှောက်မှုအစီအစဉ် ဆိုသည်မှာ အဘယ်နည်း။

ကလေးကင်ဆာမှ အသက်ရှင်သန်သူများတွင် တမူထူးခြားသော ကျန်းမာရေးစောင့်ရှောက်မှု လိုအပ်ချက်များရှိသည်။ ရှင်သန်နိုင်ခြင်း ပြုစုစောင့်ရှောက်မှုအစီအစဉ် သည် ရှင်သန်သူများနှင့် ကျန်းမာရေးစောင့်ရှောက်မှုပံ့ပိုးသူများ၏ လိုအပ်ချက်များကို ဖြည့်ဆည်းရာတွင် အတူတကွ လုပ်ငန်းလုပ်ဆောင်ရန်အတွက် ၎င်းတို့ကို အားဖြည့်ထောက်ကူ​ပေးနိုင်သည်။

ထိုအစီအစဉ်သည် လူနာ၏ ကုသမှုမှတ်တမ်း၊ ဆေးကုသရေးဆိုင်ရာ အထူးစိုးရိမ်ရသည့်အချက်များနှင့် အကြံပြုတင်ပြထားသော ကျန်းမာရေး စိစစ်စစ်ဆေးမှုများအားလုံးကို - စာရွက်စာတမ်းတစ်ခုတည်းနှင့် ပြည့်စုံစွာပြုစုထားသော တိကျ ပြည့်စုံသည့် မှတ်တမ်းတစ်ခုဖြစ်သည်။

ရှင်သန်နိုင်   ပြုစုစောင့်ရှောက်မှုအစီအစဉ် သည် လူနာ၏ ကုသမှုမှတ်တမ်း၊ ဆေးကုသရေးဆိုင်ရာ အထူးစိုးရိမ်ရသည့်အချက်များနှင့် အကြံပြုတင်ပြထားသော ကျန်းမာရေး စိစစ်စစ်ဆေးမှုများအားလုံးကို -စာရွက်စာတမ်းတစ်ခုတည်းနှင့် အပြည့်အစုံ ပြုစုထားသော တိကျ ပြည့်စုံသည့် မှတ်တမ်းတစ်ခုဖြစ်သည်။ ဤဓာတ်ပုံအတွင်း ကလေးကင်ဆာပျောက်ကင်းပြီး အသက်ရှင်သူတစ်ဦး သည် နောက်ဆက်တွဲ ဆေးခန်းပြသမှုတစ်ခုအတွင်း ဆေးခန်းတစ်ခု၏ အခန်းအတွင်း စောင့်ဆိုင်းနေပုံကို ပြသထားသည်။

ရှင်သန်နိုင်   ပြုစုစောင့်ရှောက်မှုအစီအစဉ် သည် လူနာ၏ ကုသမှုမှတ်တမ်း၊ ဆေးကုသရေးဆိုင်ရာ အထူးစိုးရိမ်ရသည့်အချက်များနှင့် အကြံပြုတင်ပြထားသော ကျန်းမာရေး စိစစ်စစ်ဆေးမှုများအားလုံးကို -စာရွက်စာတမ်းတစ်ခုတည်းနှင့် အပြည့်အစုံ ပြုစုထားသော တိကျ ပြည့်စုံသည့် မှတ်တမ်းတစ်ခုဖြစ်သည်။

ကလေးကင်ဆာသည် ဖြစ်ခဲသောကြောင့် ကျန်းမာရေးစောင့်ရှောက်မှု ပံ့ပိုးသူအများစုသည် သူတို့၏ ဆေးကုသရေးအသက်မွေးဝမ်းကြောင်း လုပ်ငန်းများအတွင်း ကလေးကင်ဆာမှ ရှင်သန်လာသူများကို ၁ ဦး သို့မဟုတ် ၂ ဦး အထိသာ တွေ့မြင်ဖူးကြသည်။ ထို့ကြောင့် ကလေးကင်ဆာကုသမှု၏ နောက်ပိုင်းဖြစ်တတ်သောဆိုးကျိုးများ  ကို တွေ့မြင်ဖူးလေ့မရှိနိုင်ဖြစ်တတ်သည်။ နောက်ပိုင်းဖြစ်တတ်သောဆိုးကျိုးများသည် ကုသမှုအား အပြီးသတ်သည့်နောက်ပိုင်းတွင် လများ သို့မဟုတ် နှစ်များ ကြာမြင်သည့်အခါ ပေါ်ပေါက်လာသည့် ကျန်းမာရေးအခြေအနေများဖြစ်သည်။ ကုသမှုအပေါ်မူတည်ပြီး ရှင်သန်သူများသည် အခြားအရွယ်ရောက်ပြီးသူများထက် တချို့သော ကျန်းမာရေး စိစစ်စစ်ဆေးမှုများကို စောစီးစွာ လုပ်ဆောင်ရန် သို့မဟုတ် အကြိမ်ရေပို၍ များများပြုလုပ်ရန် လိုအပ်နိုင်သည်။

ရှင်သန်သူ၏ ကလေးသူငယ်ဆိုင်ရာကင်ဆာစင်တာသည် ရှင်သန်သူတစ်ဦးအား သူ သို့မဟုတ် သူမ၏ အစီအစဉ် နှင့်အညီ အထောက်အပံ့ ပေးနိုင်သည်။ အချို့စင်တာများတွင် ရှင်သန်သူများအနေဖြင့် ကိုယ်ပိုင်ဖန်တီးနိုင်သော အွန်လိုင်းကိရိယာများကို ထားရှိပေးကြသည်။ ရှင်သန်သူများသည် သူတို့၏ ကလေးသူငယ်ဆိုင်ရာ ကင်ဆာဌာန၏ ရေရှည်နောက်ဆက်တွဲ လာရောက်ပြသမှု ဆေးခန်းသို့ လာရောက်သည့်အချိန်တိုင်း တွင် အပ်ဒိတ်လုပ်ထားသော မိတ္တူတစ်စောင်ကို ပုံမှန်အားဖြင့် ရရှိကြသည်။

အထောက်အကူပြုသူများအဖြစ်ဆောင်ရွက်သည့် ရှင်သန်သူများ

ရှင်သန်သူများသည် ရှင်သန်နိုင်ခြင်းပြုစုစောင့်ရှောက်ရေး အစီအစဉ်များကို သွားဆရာဝန်များ၊ မျက်စိ ဆရာဝန်များ၊ ဆွေးနွေးအတိုင်ပင်ခံသူများနှင့် အရိုးအဆစ် ပြုပြင်ကုသသူများအပါဝင် သူတို့၏ ပင်မကျန်းမာရေးစောင့်ရှောက်သူ ဆရာ၀န်၊ ကျန်းမာရေးစောင့်ရှောက်မှု ဝန်ဆောင်မှုပေးသူများအား အလွယ်တကူ မျှဝေနိုင်သည်။ သူတို့သည် စောင့်ရှောက်မှုပံ့ပိုးသူထံသို့ သွားရောက်သည့်အခါတိုင်း အပ်ဒိတ်ပြုလုပ်ထားသောအစီအစဉ်ကို သူတို့နှင့်အတူတကွ ထားရှိသင့်သည်။

ရှင်သန်သူများသည် ၎င်းတို့ရရှိထားသော ကုသမှုနှင့် ၎င်းတို့လိုအပ်နေသော နောက်ဆက်တွဲ ကုသမှုအကြောင်းကို တတ်နိုင်သမျှ သိရှိရန် ကြိုးစားသင့်ပါသည်။ ဥပမာအားဖြင့် ရင်ဘတ်အား ဓာတ်ရောင်ခြည်ကုထုံး ခံယူဖူးသူ လူနာတစ်ဦးသည် ရင်သားကင်ဆာ၊ နှလုံးပြဿနာများနှင့် အဆုတ်နှင့် ပတ်သက်သော ကျန်းမာရေးအခြေအနေများကို တွေ့ကြုံရနိုင်သည့် အခြေအနေပိုမိုမြင့်မားနိုင်သည်။ ၎င်းသည် တချို့သော စိစစ်စစ်ဆေးမှုများကို မည်သည့်အခါ စီစဉ်ရေးဆွဲရန်၊ သီးခြားစစ်ဆေးမှုများကို မည်သည့်အခါ ပြုလုပ်ဆောင်ရွက်ရန်နှင့် လိုအပ်လျှင် အထူးကုဆရာဝန်တစ်ဦးအား တိုင်ပင်ဆွေးနွေးရန်တို့အတွက် ပင်မကျန်းမာရေးစောင့်ရှောက်မှုပံ့ပိုးသူဆရာဝန်နှင့် ရှင်သန်သူတို့အား အဆိုပါအလားအလာများကို သိရှိစေသည်။

ရှင်သန်နိုင်ခြင်းပြုစုစောင့်ရှောက်မှုအစီအစဉ်တစ်ခုတွင် ပါဝင်သည့်အရာများ

အစီအစဉ်တစ်ခုစီသည် လူနာတစ်ဦးစီအတွက်ဖြစ်သည်။

ရှင်သန်နိုင်ခြင်းပြုစုစောင့်ရှောက်မှုအစီအစဉ်ကို ထိုသို့ဖြစ်ပေါ်ခဲ့သည့် လူနာအတွက် သီးခြားပြုလုပ်ပါသည်။ ဤဓာတ်ပုံအတွင်း ကလေးကင်ဆာပျောက်ကင်းပြီး အသက်ရှင်သန်သူသည် ဆေးခန်းတစ်ခု၏ အခန်းအတွင်း၌ ကျန်းမာရေးစောင့်ရှောက်မှုပံ့ပိုးသူတစ်ဦးနှင့်အတူ စကားပြောဆိုနေပုံကို ပြသထားသည်။

ရှင်သန်နိုင်ခြင်းပြုစုစောင့်ရှောက်မှုအစီအစဉ်ကို ထိုသို့ဖြစ်ပေါ်ခဲ့သည့် လူနာအတွက် သီးခြားပြုလုပ်ပါသည်။

ကုသမှုအကျဉ်းချုပ်

ကုသမှုအကျဉ်းချုပ်တွင် အောက်ပါတို့ပါဝင်သည်-

  • ကင်ဆာဆိုင်ရာ အသေးစိတ်အချက်အလက်များ- တည်နေရာ၊ အဆင့်နှင့် ရောဂါအဆင့်အတန်း၊ ဆဲလ်/တစ်သျှူးအမျိုးအစားနှင့် အမှတ်အသားပြ အချက်အလက်များ
  • ကုသမှုစတင်ရက်နှင့် ပြီးဆုံးရက်များ
  • ကုသမှုဆိုင်ရာ အသေးစိတ်အချက်အလက်များ- ကုသမှုအမျိုးအစား၊ ကုသရေးဆေးဝါးများ၊ ကုသမှုအစီအစဉ်၊ စုစုပေါင်းဆေးပမာဏ၊ စမ်းသပ်ကုသမှုသုတေသနလုပ်ငန်းများ ၏ စိစစ်ရေးနံပတ်နှင့် ခေါင်းစည်(လိုအပ်ခဲ့လျှင်)၊ ကုသမှုတုန့်ပြန်ချက်နှင့် ဘေးထွက်ဆိုးကျိုးများ
  • ပံ့ပိုးထားသည့် လက်တွေ့ထောက်ပံ့ရေးဝန်ဆောင်မှုများ
  • ကုသရေးဌာနနှင့် ဝန်ဆောင်မှုပံ့ပိုးသူများအားဆက်သွယ်ရန်အချက်အလက်များ
  • အဓိကဆက်သွယ်ရမည့်သူ နှင့် စောင့်ရှောက်မှု ပေါင်းစပ်ညှိနှိုင်းပေးသူ

နောက်ဆက်တွဲ ကုသမှုအတွက် အစီအစဉ်

၎င်းတွင် အောက်ပါတို့ပါဝင်သည်-

  • ကုသမှုမှ ရရှိသော ဘေးထွက်ဆိုးကျိုးများအား စီမံခန့်ခွဲရန် နည်းလမ်းများ
  • ကင်ဆာနှင့် အခြားအခြေအနေများ ပြန်လည်ပေါ်ပေါက်လာနိုင်ခြေကို စစ်ဆေးရန် လိုအပ်သည့် စိစစ်စစ်ဆေးမှုများနှင့် စစ်သပ်ဆေးမှုများ/စစ်ဆေးချက်များအား စီစဉ်ရေးဆွဲထားသည့်ဇယား
  • ကုသမှုကြောင့် ဖြစ်ပေါ်လာနိုင်သော နောက်ပိုင်းနှင့် ရေရှည် ဆိုးကျိုးများနှင့် ၎င်းတို့၏ ရောဂါသွင်ပြင်များနှင့် ရောဂါလက္ခဏာများ 
  • မိသားစု ဆက်ဆံရေးများ၊ ကျောင်းနှင့် အလုပ်အကိုင်အပေါ် ဖြစ်ပေါ်လာနိုင်သည့် အကျိုးသက်ရောက်မှုများ
  • မိသားစုနှင့် အလုပ်ခန့်အပ်မှုဆိုင်ရာ အထောက်အပံ့အတွက် လွှဲပြောင်းညွှန်ကြားပေးပို့မှုများ
  • ပညာရေးဆိုင်ရာ၊ အသက်အာမခံ၊ အလုပ်အကိုင်နှင့် ငွေရေးကြေးရေး စိုးရိမ်ပူပန်မှုများ 
  • ငွေရေးကြေးရေးဆိုင်ရာနှင့် တရားဥပဒေရေးရာ အကူအညီအတွက် လွှဲပြောင်းညွှန်ကြားပေးပို့မှုများ
  • အာဟာရ နှင့် ရုပ်ပိုင်းဆိုင်ရာ လှုပ်ရှားမှုကဲ့သို့ ကျန်းမာရေးနှင့် လျော်ညီသည့် ဘဝနေထိုင်မှုပုံစံများအတွက် အကြံပြုချက်များ
  • မျိုးရိုးဗီဇနှင့် ပတ်သက်၍ ဆွေးနွေးတိုင်ပင်မှုပြုလုပ်ခြင်း နှင့် စစ်ဆေးမှုများ ပြုလုပ်ခြင်း 
  • နောက်ဆက်တွဲ စောင့်ရှောက်မှုပြုလုပ်ရန်လိုအပ်သူများအတွက် အထူးကုဆရာဝန်များထံသို့ လွှဲပြောင်းညွှန်ကြားပေးပို့မှုများ
  • ကင်ဆာနှင့် ဆက်နွယ်သော အရင်းအမြစ်များ

အွန်လိုင်း စောင့်ရှောက်မှုအစီအစဉ်ကိရိယာများ

တချို့သော အဖွဲ့အစည်းများတွင် ရှင်သန်နိုင်ခြင်းပြုစုစောင့်ရှောက်မှုအစီအစဉ်ကို ဖန်တီးရာတွင် အထောက်အကူဖြစ်စေရန် အွန်လိုင်းကိရိယာများကို ထားရှိပါသည်။ ၎င်းတို့တွင် အောက်ပါတို့ပါဝင်သည်-

လူနာများအနေဖြင့် ဤကိရိယာများကို အသုံးမပြုမီ သူတို့၏ ဆရာ၀န်နှင့်အတူ ဆွေးနွေးတိုင်ပင်သင့်ပါသည်။

ကလေးသူငယ်ကင်ဆာမှ ရှင်သန်သူတစ်ဦးက သူမ၏ ဇာတ်လမ်းကို မျှဝေထားသည်။

ကလေးသူငယ်ကင်ဆာမှ ရှင်သန်သူတစ်ဦးဖြစ်သော Marie McGrory သည် သူမ၏ ရှင်သန်မှုအခြေအနေ ကို The Atlantic မဂ္ဂဇင်းမှ Steve Clemons နှင့်အတူ ဆွေးနွေးထားပါသည်။


ဤဆောင်းပါးတွင် ဖော်ပြထားသည့် မည့်သည့်ကုန်ပစ္စည်းအမှတ်တံဆိပ်ကိုမျှ သုံးစွဲရန် Together
က ထောက်ခံချက် မပေးပါ။


ပြန်လည်သုံးသပ်ပြီး- ၂၀၁၈ ခုနှစ်၊ ဇွန်လ