ကြိုဆိုပါသည်

Together သည် - လူနာများနှင့် မိဘများ၊ မိသားစုဝင်များနှင့် သူငယ်ချင်းများအပါအဝင် - ကလေးကင်ဆာကြောင့် ထိခိုက်မှုရှိသူတိုင်းအတွက် ရင်းမြစ်အသစ်တစ်ခု ဖြစ်ပါသည်။

ပိုမိုလေ့လာရန်

ကင်ဆာဖြစ်ပြီးနောက် ကိုယ်လက်လှုပ်ရှားမှုများ

ကိုယ်လက်လှုပ်ရှားမှုများသည် ကျန်းမာရေးအတွက်ကောင်းမွန်ကြောင်း လူအများစုက သိရှိကြသည်။ သို့ရာတွင် ကင်ဆာပျောက်ကင်းပြီး အသက်ရှင်သူများအတွက်မူ တက်ကြွစွာနေထိုင်ခြင်းသည် ပိုမိုအရေးကြီးလေသည်။ ကင်ဆာအသက်ရှင်သူများ ရင်ဆိုင်ရသည့် ကျန်းမာရေးပြဿနာအများစုသည် ၎င်းတို့ကင်ဆာကြောင့် သို့မဟုတ် ကုထုံးနောက်ဆက်တွဲကြောင့်ဖြစ်ပြီး ပုံမှန်ကိုယ်လက်လှုပ်ရှားမှုဖြင့် ကူညီပေးနိုင်ပါသည်။

ကိုယ်လက်လှုပ်ရှားမှု၏ အကျိုးကျေးဇူးများ

  • ကိုယ်ခန္ဓာကြံ့ခိုင်မှု၊ အင်အား၊ သန်စွမ်းမှုနှင့် မျှခြေဖြစ်မှုကို တိုးတက်ကောင်းမွန်စေသည်
  • နာတာရှည် ရောဂါများဖြစ်သည့် နှလုံး၊ ဆီးချို၊ လေဖြတ်၊ သွေးတိုးနှင့် ကင်ဆာရောဂါအချို့  ဖြစ်ပွားနိုင်မှုကို လျှော့ချပေးသည်
  • အဝလွန်ခြင်းကို လျှော့ချပေးပြီး ကျန်းမာသော ကိုယ်အလေးချိန်ရရှိစေသည်
  • အရိုးကျန်းမာရေးကို တိုးတက်စေသည်
  • စိတ်ကျန်းမာရေးကို တိုးတက်စေပြီး စိုးရိမ်သောကနှင့် စိတ်ဓာတ်ကျခြင်း ဖြစ်နိုင်ခြေကို လျှော့နည်းစေသည်
  • ဦးနှောက်ကျန်းမာရေးနှင် သိစိတ်ဆောင်ရွက်ချက်များကို တိုးတက်စေသည် 
  • မိမိ ကိုယ်ကိုယုံကြည်မှုနှင့် ကျန်းမာရေးကောင်းမွန်ခြင်း ခံစားမှုကို တိုးတက်စေသည်
  • လူမှုရေးဆောင်ရွက်မှုများအတွက် အခွင့်အလမ်းများပေးသည်

ကိုယ်လက်လှုပ်ရှားမှုသည် အသက်ရွယ်၊ ဆောင်ရွက်နိုင်စွမ်းနှင့် ကြံ့ခိုင်မှုအားလုံးအတွက် အရေးကြီးသည်။ ပုံမှန်အားဖြင့် ကိုယ်လက်လှုပ်ရှားမှုအကျိုးကျေးဇူးသည် လှုပ်ရှားမှုများသည့်အခါ ပိုမိုတိုးတက်လာသည်။ သို့ရာတွင်  လှုပ်ရှားမှုအချို့လုပ်ခြင်းသည် မလုပ်ခြင်းထက် ပိုကောင်းပြီး နေ့စဉ်ဘဝတွင် ကိုယ်လက်လှုပ်ရှားမှုများ ထည့်သွင်းလုပ်ဆောင် နိုင်ရန် နည်းလမ်းများစွာရှိပါသည်။

နေထိုင်မှုဘဝ ကိုယ်လက်လှုပ်ရှားမှု သည် နေ့စဉ် နေထိုင်မှုထဲတွင် တစ်စိတ်တစ်ပိုင်း ပါဝင်ပြီးဖြစ်သော လမ်းလျှောက်ခြင်း၊ လှေကားတက်ခြင်း၊ အပင်စိုက်ခြင်းနှင့် အိမ်မှုကိစ္စများပါဝင်သည်။ ကလေးများအတွက် နေထိုင်မှုဘဝ ကိုယ်လက်လှုပ်ရှားမှုသည် လမ်းလျှောက်ခြင်း သို့မဟုတ် ကျောင်းသို့ စက်ဘီးစီးခြင်း၊ ကျောင်းနားချိန်ကစားခြင်း သို့မဟုတ် ဗာဟီရများလုပ်ဆောင်ခြင်းတို့ ပါဝင်ပေမည်။

ဖန်တီးယူသော လေ့ကျင့်ခန်း သည် ပုံစံချထားသော ကိုယ်လက်လှုပ်ရှားမှုဖြစ်ပြီး ကြံ့ခိုင်မှု သို့မဟုတ် ကျန်းမာရေးကို ထိန်းသိမ်းရန် သို့မဟုတ် တိုးတက်ရန် ပြုလုပ်ခြင်းဖြစ်သည်။

  • အေရိုးဗစ် လေ့ကျင့်ခန်း- ထပ်ကျော့လှုပ်ရှားမှုများပါဝင်သော အဆက်မပြတ် ကိုယ်လက်လှုပ်ရှားမှုသည် နှလုံးခုန်နှုန်းကို တိုးစေပြီး အသက်ရှူနှုန်းနှင့် ခံနိုင်ရည်ကို တိုးတက်စေကာ နှလုံးကျန်းမာရေးကို အထောက်အကူပြုသည်။ ဥပမာများမှာ လမ်းအမြန်လျှောက်ခြင်း၊ ကြိုးခုန်ခြင်း၊ ပြေးလျှောက်ခြင်း၊ ကခြင်း၊ တင်းနစ်၊ စက်ဘီးစီး၊ ရေကူးနှင့် ဘက်စကက်ဘော သို့မဟုတ် ဘောလုံးကဲ့သို့သော ကစားနည်းများပါဝင်သည်။
  • အင်အား သို့မဟုတ် ခံနိုင်ရည် လေ့ကျင့်မှု- ဝိတ်မခြင်း၊ သားရေပြားဆွဲခြင်း သို့မဟုတ် ကိုယ်အလေးချိန်ထိန်းခြင်းတို့သည် ကြွက်သားအားနှင့် ခံနိုင်ရည်ကိုတိုးပွားစေသော ကြွက်သားကြံ့ခိုင်ခြင်း လေ့ကျင့်ခန်းများဖြစ်သည်။ ဥပမာများမှာ ဝိတ်မခြင်းနှင့် ဒိုက်ထိုး၊ အိပ်ထ၊ အမြင့်ခုန်နှင့် တဝက်ထိုင်ခြင်းလေ့ကျင့်ခန်းများ ပါဝင်ပါသည်။ ကလေးများသည် ကစားကွင်းမှ ပစ္စည်းများပေါ်တက်ခြင်း သို့မဟုတ် လွန်ဆွဲခြင်းကဲ့သို့ ကစားနည်းများတွင် တက်ကြွစွာကစားခြင်းဖြင့် အားအင်တိုးတက်စေနိုင်ပါသည်။
  • မျှခြေ လေ့ကျင့်ခန်း- တည်ငြိမ်ခြင်း သို့မဟုတ် လှုပ်ရှားမှု အခြေခံထားသော လေ့ကျင့်ခန်းများသည် တည်ငြိမ်မှုနှင့် ခန္ဓာကိုယ်ပုံစံ ထိန်းနိုင်မှုစွမ်းအားအတွက် ဒီဇိုင်းပြုလုပ်ထားသည်။ ဥပမာများတွင် ခြေတစ်ဖက်ထဲရပ်နိုင်ခြင်း၊ တည်ငြိမ်ထိန်း ဘောလုံးကို အသုံးပြုခြင်းနှင့် ထိုက်ချိ သို့မဟုတ် ယောဂ တို့ပါဝင်သည်။

ကိုယ်လက်လှုပ်ရှားမှုအတွက် အကြံပြုချက်များ

လူများသည် ကျန်းမာရေးတိုးတက်ကောင်းမွန်ရန် နှင့် ရောဂါဖြစ်နိုင်ခြေနည်းပါးရန် ကိုယ်လက်လှုပ်ရှားမှု မည်မျှလိုအပ်သည်ကို သုတေသနက ညွှန်ကြားထားသည်။

ကလေးများ ပြေးလွှားကစားနေပုံ ရုပ်ထု

ကင်ဆာအသက်ရှင်သူများအတွက် ကိုယ်လက်လှုပ်ရှားမှုသည် အချို့ ကျန်းမာရေးပြဿနာများနှင့် ကုထုံးနောက်ဆက်တွဲများအတွက် ကူညီပေးနိုင်သည်။

ကလေးများနှင့် ဆယ်ကျော်သက်များ

လူငယ်များအားလုံးသည် နေ့တိုင်း ကိုယ်လက်လှုပ်ရှားမှုကို မိနစ် ၆၀နှင့်အထက် လိုအပ်ပါသည်။ ကိုယ်လက်လှုပ်ရှားမှုသည် အနည်းဆုံး အသင့်အတင့် ပြင်းထန်ရပါမည်။ တစ်ပတ်လျှင် သုံးရက် ကိုယ်လက်လှုပ်ရှားမှုတွင် အားပြင်း ကိုယ်လက်လှုပ်ရှားမှုနှင့် ကြွက်သားနှင့် အရိုးသန်မာစေသော လှုပ်ရှားမှုများ ပါဝင်ရပါမည်။ ၎င်းကို နေ့စဉ်လူမှုဘဝလှုပ်ရှားမှု၊ တည်ဆောက်မှုလေ့ကျင့်ခန်း၊ တက်တက်ကြွကြွကစားခြင်း သို့မဟုတ် အားကစားများကနေ ရရှိနိုင်ပါသည်။ လှုပ်ရှားမှုများသည် အသက်အရွယ်နှင့် လိုက်ဖက်ပြီး ပျော်စရာကောင်းရမည်။

အရွယ်ရောက်ပြီးသူများ

အရွယ်ရောက်သူများအားလုံးသည် လှုပ်ရှားမှု မရှိဘဲ မနေသင့်ပါ။ အချို့ကိုယ်လက်လှုပ်ရှားမှုများသည် လှုပ်ရှားမှုမရှိခြင်းထက် ပိုကောင်းသည်။ အရေးကြီးသော ကျန်းမာရေးအကျိုးကျေးဇူးများအတွက် အရွယ်ရောက်သူများသည် အလယ်အလတ်ပြင်းထန်သော ကိုယ်လက်လှုပ်ရှားမှုကို တစ်ပတ်လျှင် ၁၅၀ မိနစ်ခန့် သို့မဟုတ် အားပြင်းကိုယ်လက်လှုပ်ရှားမှုကို တစ်ပတ်လျှင် ၇၅ မိနစ်ခန့်ပြုလုပ်သင့်သည်။ ကိုယ်လက်လှုပ်ရှားမှုများကို ၁၀ မိနစ် သို့မဟုတ် ထိုထက်ပိုလုပ်၍ တစ်ပတ်တာကာလတွင် ထပ်တိုးပေါင်းထည့်နိုင်သည်။ ကိုယ်လက်လှုပ်ရှားမှုပိုမိုလုပ်ခြင်းဖြင့် ကျန်းမာရေးအကျိုးကျေးဇူး ပိုမိုရရှိနိုင်ပါသည်။ 

အရွယ်ရောက်ပြီးသူများသည် အနည်းဆုံးတစ်ပတ် နှစ်ရက် ကြွက်သားသန်မာသော လှုပ်ရှားမှုများကို အဓိက ကြွက်သားအစုများအတွက် ပြုလုပ်သင့်ပါသည်။ ၎င်းတွင် အလေးများ သို့မဟုတ် ခန္ဓာကိုယ်အလေးချိန် အသုံးချခြင်းလေ့ကျင့်ခန်းများအသုံးပြုကာ ကိုယ်ခံအား လေ့ကျင့်မှုများပါဝင်ပါသည်။ မျှခြေ လေ့ကျင့်ခန်းများသည် လဲကျခြင်းအန္တရာယ်မှ ကာကွယ်နိုင်ရန် အရေးကြီးပါသည်။ 

နာတာရှည် ကျန်းမာရေးအခြေအနေ သို့မဟုတ် မသန်စွမ်းသူများအတွက် ကိုယ်လက်လှုပ်ရှားမှုသည် ၎င်းတို့ ကျန်းမာသန်စွမ်းမှုနှင့် ကြံ့ခိုင်မှုကို ချိန်ညှိပေးနိုင်သည်။ လိုင်စင်ရ/လက်မှတ်ရ ပြန်လည်ထူထောင်ရေး သို့မဟုတ် ကြံ့ခိုင်ရေးကျွမ်းကျင်သူသည် တစ်ဦးချင်းစီ လိုအပ်ချက်များကို ဖြည့်ဆည်းနိုင်ရန် လှုပ်ရှားမှု အစီအစဉ်များ ရေးဆွဲရန် ကူညီနိုင်ပါသည်။

အလယ်အလတ် ပြင်းထန်သော အေရိုးဗစ်လှုပ်ရှားမှုသည် နှလုံးခုန်နှုန်းနှင့် အသက်ရှူမြန်စေသော လှုပ်ရှားမှုဖြစ်သည်။ ဆိုလိုသည်မှာ စိုက်ထုတ်ရသောအားသည် အလျင်လိုသကဲ့သို့ လမ်းအမြန်လျှောက်ခြင်းနှင့် ညီမျှသည်။ အရွယ်ရောက်ပြီးသူများအတွက် လမ်းအမြန်လျှောက်ခြင်းသည် တစ်မိုင်လျှင် ၁၅-၂၀ မိနစ်နှုန်းဖြစ်သည်။ အခြားအလယ်အလတ်လှုပ်ရှားမှု ဥပမာများမှာ တောင်တက်ခြင်း၊ ရေထဲတွင် အေရိုးဗစ်ကစားခြင်း၊ တင်းနစ်ရိုက်ခြင်း၊ အပင်စိုက်ခြင်း၊ ဖုန်စုပ်ခြင်းနှင့် မြတ်ရိတ်စက်ကို တွန်းခြင်းတို့ပါဝင်သည်။ ကလေးများအတွက် အလယ်အလတ်ပြင်းထန်သော လေ့ကျင့်ခန်းများမှာ စက်ဘီးစီးခြင်း၊ ခွေးနှင့် လမ်းလျှောက်ခြင်း၊ စကိတ်စီးခြင်းနှင့် အခြားတက်ကြွကစားခြင်းများ ပါဝင်သည်။

စကားပြောစစ်ဆေးခြင်းသည် အလယ်အလတ်ပြင်းထန်သော လှုပ်ရှားမှု ဟုတ်မဟုတ် သိစေသော နည်းလမ်းတစ်ခုဖြစ်သည်- လူတစ်ယောက်သည် အလယ်အလတ်ပြင်းထန်သော လေ့ကျင့်ခန်းလုပ်နေစဉ် စကားပြောနိုင်ရမည်ဖြစ်သော်လည်း သီချင်းမဆိုနိုင်ရပါ။

အေရိုးဗစ် ကိုယ်လက်လှုပ်ရှားမှုသည် အနည်းဆုံးအလယ်အလတ် ပြင်းထန်သော လှုပ်ရှားမှုဖြစ်ရမည်ဖြစ်ပြီး တစ်ကြိမ်လျှင် အနည်းဆုံး ၁၀ မိနစ်ခန့်ကြာရမည်ဖြစ်သည်။

အပင်စိုက်ခြင်းသည် ကလေးကင်ဆာအသက်ရှင်သူများ ပျော်ရွှင်စွာလုပ်ဆောင်နိုင်ရန် ရွေးချယ်နိုင်သည့် လှုပ်ရှားမှုတစ်ခုဖြစ်သည်။

သင်ပျော်ရွှင်လျှင် ပိုမိုတက်ကြွနေမည်ဖြစ်သောကြောင့် ဝါသနာများ ပျော်ရွှင်စေသည့်လှုပ်ရှားမှုများကို ကြိုးစားရှာဖွေကြည့်ပါ။

တက်ကြွနေခြင်း- အသက်ရှင်သူများအတွက် အကြံပြုချက်များ

သင့်ဆရာဝန်ကို စကားပြောပါ။ အလယ်အလတ် ကိုယ်လက်လှုပ်ရှားမှုသည် အများစုအတွက် ဘေးကင်းပါသည်။ သို့သော် လေ့ကျင့်ခန်းစတင်ခြင်းမပြုမီ သင့်ဆရာဝန်ထံ ဆွေးနွေးပါ။ မည်သည့် ပြောင်းလဲမှု သို့မဟုတ် စောင့်ကြည့်မှု ပြုလုပ်ရမည်ကို မေးမြန်းပါ။ 

ဖြေးဖြေးစပါ။ သင့်ခန္ဓာကိုယ်သည် ကိုယ်လက်လှုပ်ရှားမှုများကို နေသားကျလာပါမည်။ အချိန်တော့ယူရမည်။ ဖြေးညှင်းစွာစတင်ခြင်းဖြင့် ဒဏ်ရာရခြင်းမှလျော့နည်းစေပြီး စိတ်ရှုပ်စိတ်ညစ်လာခြင်းမှ ကာကွယ်ပေးပါသည်။ မိမိကိုယ်ကို စိန်ခေါ်ခြင်းကကောင်းပါသည်။ သင့်တင့်သော ပန်းတိုင်တော့ဖြစ်ရပါမည်။ ပိုမိုကြံခိုင်လာပါက ကိုယ်လက်လှုပ်ရှားမှု ပမာဏ သို့မဟုတ် လေ့ကျင့်ခန်း၏ ပြင်းထန်မှုကိုတိုးပါ။ 

သင်ပျော်ရွှင်သော လှုပ်ရှားမှုများကို ရှာဖွေပါ။ ပျော်စရာကောင်းလျှင် သင်သည် ထိုလှုပ်ရှားမှုကို ပိုလုပ်ဖြစ်ပါလိမ့်မည်။ တက်ကြွနေရန် နည်းလမ်းများစွာရှိပါသည်။ ကပါ၊ ပန်းခြံထဲ အလုပ်လုပ်ပါ၊ ခွေးနှင့် လမ်းလျှောက်ပါ၊ အားကစားပြုလုပ်ပါ။ ဖန်တီးယူသော လေ့ကျင့်ခန်းကို လုပ်ပါက ပျော်စရာပိုကောင်းသော နည်းလမ်းကို ရှာပါ။ လေ့ကျင့်ဖော် ကို ရှာပါ၊ တီဗီရှိုးများကြည့်ပါ သို့မဟုတ် သီချင်းနားထောင်ပါ။ သင့်အတွက် အကောင်းဆုံးကို ရှာဖွေပါ။

ကိုယ်လက်လှုပ်ရှားမှုများ မျိုးစုံပြုလုပ်ပါ။ လှုပ်ရှားမှု အမျိုးမျိုးပြုလုပ်ခြင်းဖြင့် မျိုးစုံသော အကျိုးကျေးဇူးကိုရစေပါသည်။ သင့်ကိုယ်လက်လှုပ်ရှားမှုများတွင် အမျိုးမျိုးထည့်သွင်းထားခြင်းဖြင့် နေ့စဉ်လှုပ်ရှားမှုကို ပျင်းရိလာခြင်း ပင်ပန်းလာခြင်းများ လျှော့ချပေးပြီး ကြံ့ခိုင်မှုကို နေရာစုံပြုလုပ်နိုင်စေကာ အလွန်အကျွံပြုလုပ်မိခြင်းကြောင့် ဒဏ်ရာရခြင်းမှလည်း ကာကွယ်ပေးပြီး လှုပ်ရှားမှု တစ်ခု မလုပ်နိုင်သည့်အခါ အခြားတစ်ခုရွေးချယ်စရာဖြစ်လာစေပါသည်။ 

ပန်းတိုင်ထားပြီး သင့်တိုးတက်မှုကို စောင့်ကြည့်ပါ။ ပန်းတိုင်တစ်ခုဖြင့် ကိုယ်လက်လှုပ်ရှားမှု အစီအစဉ်ကို ပြုလုပ်ပါ။ ပန်းတိုင်များသည် စိန်ခေါ်မှုဖြစ်နိုင်ရမည်ဖြစ်ပြီး လက်တွေ့လဲဆန်ရမည်။ သင့်တိုးတက်မှုကို စောင့်ကြည့်ကာ ပန်းတိုင်ကို လိုသလို တိုးလျော့ပြုလုပ်ပါ။ လှုပ်ရှားမှု ဂျာနယ်များ၊ မိုဘိုင်းလ်အက်ပ်များနှင့် ဝတ်ဆင်နိုင်သော စောင့်ကြည့်စက်များသည် ကိုယ်လက်လှုပ်ရှားမှုကို စောင့်ကြည့်ရန် နည်းလမ်းကောင်းများဖြစ်ကြသည်။

လိုင်စင်ရ ပြန်လည်ထူထောင်ရေးကုသသူ သို့မဟုတ် လက်မှတ်ရ ကြံ့ခိုင်မှု ကျွမ်းကျင်သူထံမှ အကူအညီရယူပါ။ ကိုယ်လက်လှုပ်ရှားမှု ကုထုံးလုပ်ဆောင်သူ သို့မဟုတ် လေ့ကျင့်ပေးထားသော လေ့ကျင့်ခန်းကျွမ်းကျင်သူသည် အသက်ရှင်သူများကို ၎င်းတို့၏ ကိုယ်လက်လှုပ်ရှားမှု ပန်းတိုင်ရောက်အောင် ကူညီပေးနိုင်သည်။ အချို့သော ကြံခိုင်မှု ကျွမ်းကျင်သူများသည် ဆေးဝါးကုသမှုခံယူနေသူနှင့် ကိုယ်လက်သန်စွမ်းမှု အကန့်အသတ်ရှိသူများကို ကူညီပေးနိုင်ရန် အပိုဆောင်းလေ့ကျင့်မှုရယူထားကြသည်။ ထိုကျွမ်းကျင်သူများသည် အသက်ရှင်သူများကို ကိုယ်လက်လှုပ်ရှားမှုတွင် တုံ့ပြန်ချက်များကို စောင့်ကြည့်ပြီး လေ့ကျင့်ခန်းများမှာ ဘေးကင်းစွာလုပ်ဆောင်နိုင်ကြောင်းသေချာစေကာ လှုပ်ရှားမှုကို ကျန်းမာရေးလိုအပ်ချက်နှင့်ကိုက်ညီစေရန် ပြုပြင်ပေးသည်။

ကိုယ်လက်လှုပ်ရှားမှု အကြံပြုချက်များကို ပိုမိုသိရှိနိုင်စေရန် ကလေး၊ အရွယ်ရောက်ပြီးသူ၊ လူကြီးနှင့် ကိုယ်ဝန်ဆောင် သို့မဟုတ် နို့တိုက်မိခင်များအတွက် ကိုယ်လက်လှုပ်ရှားမှု အခြေခံများကို ကြည့်ပါ။

---
ပြန်လည်သုံးသပ်ခဲ့သည့်ရက်စွဲ- ဇွန်လ 2018